Неколку десетици луѓе се загинати, а околу сто се повредени во експлозија и пожар што избувнаа ноќта во бар во познатиот швајцарски ски-центар Кран-Монтана, потврди полицијата.

Експлозијата се случила околу 1:30 часот по локално време во барот „Le Constellation“, а причината сè уште не е позната, објави Би-Би-Си.

Во изјава за медиумите, полицијата потврди дека експлозијата се случила додека во барот се славела Нова Година.

Според италијанскиот министер за надворешни работи Антонио Тајани, бројот на жртви се проценува на 47. Тој рече дека бил во контакт со швајцарските власти во текот на целиот ден.

Помеѓу 12 и 15 Италијанци се хоспитализирани по пожарот во Кран-Монтана, Вале. Ова го објави италијанскиот министер за надворешни работи Антонио Тајани. Тој додаде дека истиот број на лица сè уште се водат како исчезнати.

Тајани, исто така, објави дека центарот за тешко повредени жртви од изгореници во Нигуарда, предградие на Милано, ќе прими три лица од Швајцарија. „Хеликоптери ќе полетаат од Ломбардија за да ги земат“. Ова би го намалило притисокот врз швајцарските болници.

„Не знаеме дали повредените што ќе пристигнат се Италијанци“, додаде тој, нагласувајќи дека ова е гест на солидарност во лицето на оваа „катастрофална трагедија“.

Командантот на кантоналната полиција Вале, Фредерик Гислер, рече дека ова е „многу емотивно“ за него, дури и како полицаец. Тој изрази сочувство до семејствата на жртвите и ја изложи хронологијата на настаните.

Според него: Чадот бил забележан во 1:30 часот наутро. Неколку секунди подоцна, сведок контактирал со полицијата. Беше прогласен црвен аларм и беа мобилизирани служби за итни случаи.
Во 13:32 часот, првите полицајци пристигнале на местото на настанот. Тие им пружиле помош на повредените и ги пренеле во болници. Пожарникарите „брзо“ го ставиле пожарот под контрола.
Во 16:14 часот, била отворена телефонска линија за семејствата.

„Во овој момент имаме околу 40 лица кои ги загубиле животите и околу 100 повредени, од кои многумина се во многу сериозна состојба“, рече Гислер.

Тој додаде дека, со оглед на тоа што ова е меѓународен скијачки центар, властите веруваат дека меѓу жртвите има и државјани на други земји.

Украина се соочува со неизбежна одмазда за нападите врз цивилите во регионот Херсон, изјави заменик-претседателот на Советот за безбедност на Русија, Дмитриј Медведев, за руската државна новинска агенција ТАСС.

Коментирајќи го наводниот напад со беспилотни летала од страна на украинската војска врз кафуле и хотел во селото Хорли, Медведев рече дека „нормален човек останува без зборови за да ги опише постапките на бандеристичкото ѓубре“.

„Само немилосрдниот јазик на одмазда е погоден за ова. Брзата одмазда е неизбежна додека нашите сили напредуваат“, рече Медведев. Тој додаде дека „бандеристите мора да бидат елиминирани каде и да се, без разлика дали се во Украина или во Европа“.

Претходно, прорускиот гувернер на регионот Херсон, Владимир Салдо, рече дека повеќе од 24 лица се убиени во напад со беспилотни летала врз кафуле и хотел каде што цивилите ја славеле новата Година.

Херсон е еден од четирите региони во Украина што Русија ги прогласи за свои во 2022 година, што Киев и повеќето западни земји го осудија како нелегално заземање на територија.

Премиерот на Словачка, Роберт Фицо, изјави дека е згрозен што некои лидери на Европската Унија го набљудуваат конфликтот во Украина лекомислено и со себичен интерес.

„Буквално сум згрозен од лекомисленоста и себичниот интерес со кој многу лидери на Европската Унија гледаат на бесмислените убиства на Украинци и Руси, блиски до нас Словените“, рече Фицо во своето новогодишно обраќање објавено на социјалните мрежи.

Словачкиот премиер истакна дека мирот не е празен збор, туку мора да стане основа на постоењето на луѓето.

Во своето обраќање, тој ја честиташе Новата година и на руски, како и на англиски, италијански и шведски јазик, со што потврди дека неговата надворешна политика е ориентирана кон сите четири страни на светот, пренесуваат медиумите во светот.