Свет
НАТО: Руската воена авијација го крши меѓународното право
Руските борбени авиони го нарушија воздушниот простор под контрола на НАТО минатиот петок.
Тие го пресретнале американски бомбардер Б52, кој летал на рута над данскиот остров Борхолм во Балтичко Море, беше објавено од заедничката команда на воздушните сили на НАТО во Рамштајн.
Руските пилоти сериозно го прекршија меѓународното право, се наведува, меѓу другото, во вчерашното соопштение од НАТО, објави Си-ен-ен.
На данската ескадрила веднаш ѝ била дадена тревога за брзи реакции да ги пресретнат руските авиони, кои, пред да се состанат со данските пилоти, веќе се вратиле во зоната на летови.
Островот Борнхолм се наоѓа во Балтичко Море, околу 90 километри источно од Копенхаген.
Руската армија објави дека нејзините патролни ловци СУ27 не го нарушиле данскиот воздушен простор, туку летале над неутралните води во Балтичкото Море со цел да го пресретнат американскиот бомбардер Б52, ги пренесе ТАСС зборовите на претставникот на руското Министерство за одбрана.
Инцидентот се случил во период на растечки тензии меѓу САД и Русија, која Пентагон ја обвинува дека интервенирала небезбедно и непрофесионално во неколку случаи.
„Овој инцидент е прв по неколку години, што укажува на тоа дека Русија почнала да применува различни форми на провокативно однесување. Американскиот бомбардер летал како дел од операцијата за летање над територијата на 30 членки на НАТО со цел да демонстрира солидарност во рамките на алијансата“, се оценува во соопштението на НАТО.
Рускиот СУ27 неодамна го пресретна американскиот Б52 над Црното Море, што американскиот државен секретар Мајк Помпео го опиша како неприфатливо однесување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Британски дипломат: Трамп најверојатно ќе победи, Камала ја прави истата грешка како Хилари
Доналд Трамп ќе победи на претседателските избори во САД на 5 ноември, освен ако демократската кандидатка Камала Харис не ги реши клучните пропусти во нејзината кампања, според поранешен британски амбасадор во Вашингтон.
Ким Дарок вели дека и покрај тоа што постигна јасна победа над Трамп во минатонеделната телевизиска дебата во живо, Харис ризикува да направи две клучни грешки во последните недели од кампањата, што значи дека поранешниот претседател сè уште е фаворит.
Тој истакна дека е важно што британскиот премиер Кир Стармер, кој се состана со американскиот претседател Џо Бајден и другите водечки демократи во Вашингтон минатата недела, сега бара средба со Трамп и неговиот тим, за да се изградат врски на двете страни.
„Важно е Стармер да ги запознае двајцата. Тимот на Трамп ќе го забележи тоа и ќе му замери ако не го направи тоа“, убеден е Дарок. Тој беше британски амбасадор во САД од 2016 до 2019 година, кога поднесе оставка поради протечените доверливи мејлови во кои се критикува администрацијата на Трамп како „несмасна и неспособна“.
„Трамп е сè уште способен да се поврзе со „аутсајдери“ на ниво на кое малкумина можат да се совпаднат, талент кој обезбедува посветена и трајна база на поддршка во земја каде што секој трет работник вели дека живее од плата до плата“, објасни тој за Обсервер.
Тој предупреди дека Демократската кампања е во опасност да направи две исклучително важни грешки. Тој ја повика Харис „ласерски да се фокусира“ на гласачите во клучните сојузни држави Мичиген, Пенсилванија и Висконсин во кои Бајден победи пред четири години.
Тој тврди дека гласачите во тие држави би можеле да се свртат кон Трамп, освен ако Харис не понуди „некои јасни, конкретни, насочени политики за враќање на работните места и надежта во уништените квартови“.
Тој додаде дека втората грешка на Камала Харис е што се крие од медиумите, како некогаш Хилари Клинтон.
„Трамп во 2016 година беше постојано присутен. Тој го прифаќаше секој повик. Тој дури и се јавуваше во утринските вести, непоканет, за да ги каже своите ставови за дневните прашања. Спротивно на тоа, Хилари Клинтон ги исклучи медиумите – и изгуби“, изјави тој.
Европа
Во Португалија горат 15 шумски пожари, Владата бара помош од Европа
Португалија денеска побара авиони за гаснење пожари бидејќи беснеат најмалку 15 шумски пожари во централните и северните региони, вклучително и оној во кој изгореа куќи во предградието на градот Албергарија-а-Велха.
Повеќе од 800 пожарникари се бореа со тој пожар и уште три други во северозападната област Авеиро каде што полицијата затвори автопати, вклучително и дел од главниот автопат меѓу главниот град Лисабон и Порто, и евакуираше неколку села.
Областа беше покриена со густ чад од пожарот, кој беше разгорен од силниот ветер и високите температури.
Властите соопштија дека во таа област распоредиле осум канадери.
Владата побара од Европската комисија повеќе авиони за гаснење пожари во рамките на механизмот за цивилна заштита на ЕУ, познат како RescEU.
Градоначалникот на Албергарија-а-Велхе, Антонио Луреиро за новинската агенција Луса изјави дека во пожарот биле уништени две куќи и дека пожарот се шири низ индустриската и станбената област на градот со околу 25.000 жители.
Официјалните лица рекоа дека вкупно 1.500 пожарникари се распоредени низ целата земја каде температурите надминаа 30 степени Целзиусови во текот на викендот и се очекува да останат високи во понеделник и вторник.
Португалија и соседна Шпанија забележаа помалку пожари од вообичаено по дождливиот почеток на годината. Но, и двете земји остануваат ранливи на сè потоплите и суви услови што научниците ги припишуваат на глобалното затоплување.
Европа
(Видео) Бројот на загинати во поплавите во Европа се искачи на 16
Бројот на загинати во поплавите во Централна и Источна Европа се искачи на најмалку 16, а уште неколку лица се водат како исчезнати.
Шефот на чешката полиција Мартин Вондрашек изјави за локалното радио дека жената се удавила во близина на Брунтал, град со околу 15.000 жители на североистокот на земјата, додека уште седум лица се водат како исчезнати.
Pyrotechnici pomáhají hasičům s utěsněním protržené hráze na soutoku Odry a Opavy v Ostravě. Voda se tudy valí do Přívozu a rozlévá se dál do města. Hasiči tak do průrvy pokládají jeřábem objemné pytle s pískem – lano, na němž pytel visí, pak odpálí právě pyrotechnik. pic.twitter.com/8ESLvBrISX
— Události Ostrava (@UdalostiOstrava) September 16, 2024
Во Австрија, локалните медиуми објавија дека двајца мажи на возраст од 70 и 80 години се удавиле откако водата ги заробила во нивните домови во градовите Бехајмкирхен и Сиерндорф. Двата града се наоѓаат во тешко погодената североисточна покраина Долна Австрија.
Бројот на загинати во Полска се искачи на шест, откако хирург кој се враќаше од болница се удави во југозападниот град Ниса. Шест лица загинаа во Романија за време на викендот, како и еден пожарникар во Австрија.