Свет
Најавена истрага за силувањето во парламентот во Австралија

Премиерот на Австралија, Скот Морисон, вети дека ќе ги истражи културата и однесувањето на работното место во парламентот откога една жена излезе со тврдење дека била силувана во 2019 година во канцеларијата на тогашната министерка за одбранбена индустрија, Линда Рејнолдс, пренесува РТ.
Служеничката Британи Хигинс тврди дека, по една пијанка, неидентификуван маж, кој работел за Рејнолдс, ја однел во канцеларијата на министерката во парламентот, каде што ја силувал.
Хигинс им кажала на вработените во кабинетот на Рејнолдс за наводниот напад и од неа било побарано да присуствува на состанок во канцеларијата во која била нападната за да разговара за инцидентот.
Иако Хигинс разговарала со полицијата во април 2019 година, таа не поднела тужба бидејќи била загрижена за влијанието што би го имало тоа врз нејзината кариера.
Рејнолдс негира дека Хигинс била под притисок да не поднесе официјална тужба до властите.
Обраќајќи се на првичните извештаи за инцидентот, Кабинетот на Морисон објави соопштение, во кое ги нарекува тврдењата длабоко вознемирувачки и тврди дека во текот на целиот процес најголемата грижа за владата е да ја поддржи благосостојбата на г-ѓа Хигинс.
Морисон денеска ѝ се извини на Хигинс и вети дека ќе спроведе истрага за да се погрижи дека секоја млада жена што работи во парламентот е што е можно побезбедна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Брнабиќ: Луѓето се опуштија и мислат дека е готово, апелираме до сите да станат сериозни

Премиерката на Србија, Ана Брнабиќ, посочи дека луѓето се опуштиле и дека тоа може да се забележи според бројот на заразени. Таа додаде дека Србија продолжува со вакцинацијата и е прва по бројот на лица што примиле по две дози.
„Опуштени сме. Она што се случува се случува и во Израел. Луѓето се опуштија и мислат дека е готово. Апелираме до сите да станат сериозни и да вложат последни напори за да бидат безбедни“, рече Брнабиќ.
Таа исто така посочи дека мерките за викенд се заострени како потсетник на граѓаните дека треба да станат сериозни.
Во Србија во последните два дена се потврдени по повеќе од 3.000 нови случаи на коронавирус.
Европа
Во Шпанија помладите од 55 години што прележале Ковид-19 ќе добијат по една доза вакцина

Шпанија ќе им даде само една доза вакцина на лица помлади од 55 години што биле заразени од коронавирус, соопшти денеска Министерството за здравство во најновата промена на стратегијата за вакцинација.
„Времетраењето на отпорноста кон вирусот по инфекцијата е непознато, но истражувањата покажуваат дека единечна доза кај овие луѓе го зголемува имунитетот“, се вели во упатството.
Франција воведе слична политика претходно овој месец и италијанските политичари размислуваат да го следат истиот пат.
Шпанија веќе ги советуваше луѓето што немале тешка форма на Ковид-19 да чекаат шест месеци од дијагностицирањето пред да бидат вакцинирани.
Во Шпанија се вакцинирани околу 2,2 милиона граѓани од приоритетните групи, како што се корисници и вработени во домови за стари лица, лица над 80 години и медицински персонал во првите редови во борбата против коронавирусот. Од нив, 1,2 милиона добиле две дози.
Регион
Во Србија 3.339 нови случаи на коронавирус, 16 лица починаа

Во последните 24 часа во Србија се потврдени 3.339 нови случаи на коронавирус, а 16 лица починале.
Тестирани се 14.128 лица. Во болница има 3.876 пациенти, од кои 159 се на апарати за дишење.
Од почетокот на епидемијата во Србија се потврдени 453.240 случаи на коронавирус, а починале 4.414 лица.
Стапката на смртност е 0,97 проценти. Досега се тестирани 2.917.578 лица, пренесува „Танјуг“.
- Книги2 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Црна хроника3 месеци
Млада девојка од Штип пронајдена мртва во нејзиниот дом
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Свет4 недели
Поради примање мито во Кина погубен поранешен државен функционер