Свет
Најмалку 19 лица загинаа во несреќа во рудник во Пакистан
![](https://makfax.com.mk/wp-content/uploads/2020/09/rudnik.jpg)
Бројот на загинати при лизгање на земјиште во рудник во северозападен Пакистан се искачи на 19 лица, откако спасувачите извлекоа нови тела од урнатините, соопштија властите.
Огромна карпа падна врз работниците во областа Мохманд во провинцијата Кибер-Пактунхва во текот на ноќта, изјави командантот на локалната полиција Тарик Хабиб.
Уште најмалку седум тела беа извлечени утрово, бидејќи по кратка пауза продолжија спасувачките операции, рече Хабиб.
Најмалку 20 до 25 работници се’ уште се заробени под земја, изјави шефот на локалната самоуправа Ифтихар Ахмед, стравувајќи дека бројот на загинати може да продолжи да расте.
Повредените и мртвите биле извлечени од рудникот по повеќечасовни напори за спасување, изјави водачот на операцијата за спасување Билал Фаизи.
Стотици работници во рудници за јаглен, смарагд и мермер умираат секоја година во Пакистан поради опасните услови за работа и лошите безбедносни прописи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Лажен хирург оперирал дете со помош на видео снимка од „Јутуб“во Индија
![](https://makfax.com.mk/wp-content/uploads/2024/09/Screenshot-2024-09-09-214846.jpg)
Индиските медиуми пренесуваат дека лекар кој извршил операција на жолчното кесе во индиската држава Бихар користејќи видео што го гледал на „Јутуб“ предизвикал смрт на 15-годишно момче.
Според „НДТВ“, семејството на момчето кое починало по операцијата го соопштило инцидентот.
Семејството тврдеше дека детето, кое било хоспитализирано со симптоми на повраќање и болки во стомакот, лекарот го оперирал преку видео што го гледал на „Јутуб“.
Семејството истакнува дека срцето на момчето застанало за време на операцијата и дека починало додека бил на пат кон друга болница во амбулантата.
Членовите на семејството на детето тврдат дека смртта на нивното дете ја предизвикал „лажен лекар“ кој, како што тврдат, побегнал и го оставил детето во болница.
Индиските власти најавија дека истрагата за случајот е во тек.
Свет
Децата гејмери се повеќе се мета на сајбер-криминалците, според истражувањата
![](https://makfax.com.mk/wp-content/uploads/2024/09/677z381_677z381_677z381_hakeri-652e5cc746b38.jpg)
Децата гејмери се повеќе се мета на сајбер-криминалците, кои ги користат популарните детски игри како „мамка“, покажува новото истражување.
Бројот на корисници насочени од сајбер-криминалци, кои користат популарни детски игри како мамка, се зголеми за 30 отсто во првата половина на 2024 година, според компанијата Касперски, која спроведе истражување за сајбер криминал насочен кон младите гејмери.
Истражувачите откриле дека имало повеќе од 6,6 милиони напади, од кои повеќето биле поврзани со игри како што се Minecraft, Roblox и Among Us, и дека сајбер криминалците користат популарни игри за да ги измамат младите гејмери, честопати нудејќи лажни средства (облека или оклоп за херојот во играта што ги подобрува неговите вештини) и награди, во замена за лични информации.
Од 18-те игри избрани за ова истражување, повеќе од три милиони обиди за напад беа лансирани под маската на играта Minecraft, која беше избрана веројатно врз основа на популарноста на играта меѓу гејмерите, пренесува Танјуг.
„За време на нашето истражување, видовме дека нападите врз децата стануваат вообичаен вектор на активностите на сајбер криминалците. Затоа едукацијата за сајбер хигиената е важна и употребата на сигурни решенија за сајбер безбедност е неопходна во градењето на безбедноста на децата во онлајн опкружувањето, како и негување на нивното критичко размислување, како и одговорно онлајн однесување и силно разбирање на ризиците“, нагласи М. Колесников.
Како што е наведено во истражувањето, сајбер-криминалците се повеќе користат вештачка интелигенција за пософистицирано персонализирање на нападите со помош на автоматизирани алатки.
Истражувањето наведува и примери на измами кои се моментално актуелни, имено измами кои вклучуваат злоупотреба на играта Pokemon GO и играта Valorant, преку која измамниците го привлекуваат вниманието на децата со цел да им ги украдат ингеренциите и информациите за кредитните картички, се наведува во истражувањето.
Регион
Ќерката осомничена за убиство на мајка си, полицијата во Ниш ја бара
![](https://makfax.com.mk/wp-content/uploads/2024/03/policija-srbija.jpg)
Во Ниш се случило страшно злосторство кога ќерката М.Ц., која имала триесет години, ја убила мајката З.Ц., а како што пренесуваат српските медиуми, според соседите, мајката и ќерката имале лоши односи со години.
-Ќерката беше ментално болна. Имаа многу проблеми во минатото, полицијата често им доаѓаше на врата поради тепачки – раскажуваат соседите.
Инаку, откако го извршила страшното злосторство, ќерката побегнала, а полицијата интензивно трага по неа.
– Во населбата во која живее ова семејство често наидувавме на огласи кои ги објавуваше ќерката на убиената. Знаеше да напише „Помогни ми, болна сум“ и секакви други работи, се жалеше дека ја малтретираат во куќата, а што всушност се случило зад тие затворени врати, веројатно само тие знаат – велат соседите.
Инаку, тие тврдат дека синоќа се слушнала силна врева од куќата која набрзо станала место на злосторство. Недолго потоа завладеала тишина, но никој од нив не можел да претпостави дека се работи за нешто такво.
„Имаше некои викања, кршење стакло, хаос, немавме поим што всушност се случи. Кога слушнавме дека ја убила мајка си, останавме шокирани. Подоцна слушнавме дека таткото чувал кози на ливада, а кога влегол дома имал што да види, сопругата лежела во локва крв, а од ќерката немало трага“, изјавиле соговорниците и додале дека виделе дека набргу по убиството по нивниот сокак со наведната глава се движела девојка за која претпоставуваат дека станува збор за осомничената.
-Полицијата се уште ја бара, кажавме што видовме, не сме сигурни дали воопшто е таа, но видовме девојка на нејзина возраст.