Во рушевините од зградата кој во саботата се сруши во Сиханоуквиле, Камбоџа пронајдени се двајца преживеани мажи, со што, според последните податоци, во несреќата загинале најмалку 28 лица.

Иако спасувачите веќе загубиле надеж дека ќе најдат преживеани, двајцата мажи биле извлечени од бетонот и металните шипки и биле одвезени во болница. Од рушевините истовремено извлечени се уште три мртви тела.

Премиерот на Камбоџа, Хун Сен, најави инспекција на сите градилишта во туристичкиот град кој стана привлечна атракција за голем број кинески инвеститори.

Автомобил со словенечки регистерски таблички падна во море на сплитското пристаниште, јави порталот „24сата“.

Автомобилот, како што се наведува, плутал извесно време, а потоа почнал да тоне.

Очевидците раскажуваат дека патниците го напуштиле возилото пред да падне во морето.

По неколку часа автомобилот бил успешно извлечен.

Кипарскиот суд го осуди воениот капетан, Никос Метаксас на седум доживотни казни за киднапирање и убиство на седум жени и девојчиња од странски земји.

Метаксас се изјасни за виновен на денешното изрекување на казната, пренесе „АП“.

Поранешниот воен капетан изјави дека нема јасен одговор на прашањето зошто ги извршил убиствата и дека се мачел себе си да си одговори на прашањата „како и зошто“.

Додаде дека соработката со полицијата е најмалку што можел да направи за да ја намали болката на семејствата на жртвите.

Метаксас уби четири Филипинки, меѓу кои и малолетно девојче, како и жена од Непал, а потоа и Романка со нејзината ќерка.

„Не можам да се вратам назад во времето и да го избришам направеното“, изјави Метаксас во судот.

Од судијата побара да биде интервјуиран од експерти кои би можеле да утврдат што всушност се случувало во неговата глава и кои се причините за злосторствата што ги извршил.

Тој со жените стапувал во контакт по пат на он-лајн страни за запознавање.