Свет
„Не ме интересираат причините, ги изгубив најмилите“ – семејствата и пријателите се збогуваат со настраданите од соборениот авион
Сестрите Садат и нивната мајка, штотуку венчаниот пар Араш Пурзараби и Пуне Гурџи, сопружниците Евин Арслани и Хива Молани и нивната едногодишна ќерка се само дел од жртвите од страшниот пад на украинскиот авион што се случи во средата во Иран, при што загинаа сите 176 патници и членови на екипажот.
Иран, во меѓувреме, ја презеде одговорноста за трагедијата, објаснувајќи дека нејзината армија го соборила авионот по грешка, заменувајќи го со непријателски проектил.
Семејствата и пријателите на социјалните мрежи се збогуваат од нивните најблиски. Се огласија со пораки и декани на факултетите на кои дел од жртвите студирале или предавале.
Сара и Саба Садат и нивната мајка Шекуфе настрадаа кога се урна „Боинг 737“ само неколку минути по полетувањето во Техеран.
Во 2019 година, Сара дипломирала на Универзитетот во Алберта и била посветена на нејзиниот докторат, пишува „People“. Таа била во посета на роднини во Иран.
„Сара планираше да започне програма за клиничка психологија на нашиот универзитет по враќањето во Сан Диего напролет. Сите сме погодени од трагедијата што опфати многу семејства и сакаме да ги поддржиме во најтешките времиња“, рекоа од Универзитетот каде што Сара студирала и изразија сочувство на семејствата на жртвите.
Нејзината сестра Саба студирала на Катедрата за биолошки науки исто така во Алберта.
Заедно со сестрите, беше објавено дека неколку универзитетски професори, Мојган Данешман и Педрам Мусави, како и нивните две деца настрадале во несреќата на авионот во Иран. Настрадале и студентите Араш Пурзараби (26) и Пуне Гурџи (25) кои отишле во Иран да се венчаат. Меѓу загинатите се и Елна Набији, Насим Раманафар, Амир Сиедениаа и средношколецот Мохамед Мади Елајсај.
„Настраданите професори и студенти беа составен дел на интелектуалната и социјалната структура на нашиот универзитет и пошироката заедница. Во наредните години, ќе го споделиме и славиме допринесот на секој од нив на академските полиња. Последиците од оваа трагедија ќе ги чувствуваме уште многу години“, се вели во писмото на Дејвид Х.Тирпен, деканот на Универзитетот, додавајќи дека утре во Едмонтон ќе се одржи спомен на жртвите.
Семејството Садат, за жал, не беше единственото чии членови го загубија животот заедно во авионот. Хајдс Есмалион (42) ја загуби 9-годишната ќерка Рира Есмалион и сопругата Парис Егбалијан на овој лет за Киев. Несреќниот татко и сопруг се збогува со своето семејство со статус на „Фејсбук“.
„Не знам како да продолжам. Се сеќавам на мојата ќерка, неколку дена пред несреќата, ми рече дека кога ќе порасне, не сака да оди на Харвард, туку во Хогвортс. Ми беше многу тешко кога го повикав училиштето во кое таа одеше и им кажав дека повеќе ја нема“ напиша тој.
Во несреќата загинаа и сестрите Масума Маси и Менди Гави. Канадскиот универзитет во Далхуси во Нова Шкотска, каде студирала Маса, потврди дека таа е загината.
„Маси беше на магистерски студии на Инженерскиот факултет во Нова Шкотска. Таа се запиша минатото лето по враќањето од Иран. Таа покрај студирањето, работеше во една компанија за информатичка технологија. Често патуваше со својата помлада сестра Менди, која неодамна се запишала на студии во Халифакс“, стои на веб-страницата на Универзитетот.
Тие додадоа дека нивната колешка Шери Фегихи, која предава на Одделот за пародонтологија од 2017 година и работела во нејзината стоматолошка ординација, е трагично настрадана. Во 2011 година, откако ги завршила стоматолошките студии во Техеран, со сопругот и двете деца се преселила во Канада.
„Ја обожаваше Нова Шкотска, нејзините колеги и особено нејзината работа, која ја опиша како најголема страст во животот“, соопштија тие.
Тричленото семејство, Евин Арсалани (30) и Хива Молани (38) и нивната едногодишна ќерка Курдија исто така беа жртви на летот од украинскиот авион. Браќата на Евин не можат да се помират со загубата.
„Во овој момент не ме интересира како се случи несреќата. Единствено што не можам да издржам е што изгубив членови на семејството“, рече Омид Арсалани, пренесува National Post.
Сопружниците биле Канаѓани со иранско потекло. Тие се венчале во 2012 година и лани ја добиле ќерка си.
„Минатиот месец, тие отпатуваа за Иран за да присуствуваат на свадбата на еден пријател на Молани. Ја повикав Хива еден ден пред несреќата. Ми рече дека сè е добро, и ми кажа кога треба да се вратат. Подоцна дознав за трагедијата. Дознав дека тие никогаш нема да се вратат“, заклучува пријател на семејството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Меланија Трамп ќе претседава со состанокот на Советот за безбедност на ОН
Првата дама на САД, Меланија Трамп, ќе претседава со состанокот на Советот за безбедност на Обединетите нации за четири дена, кога САД ќе го преземат ротирачкото претседателство со телото, соопшти денес Белата куќа.
Меланија Трамп ќе го нагласи образованието на состанокот како начин за промовирање на толеранција и светски мир, а тоа ќе биде првпат сопруга на актуелен претседател да претседава со телото од 15 члена, соопшти вчера кабинетот на првата дама.
Американскиот претседател Доналд Трамп е гласен во своите критики кон Обединетите нации уште од неговиот прв мандат во Белата куќа, велејќи дека светската организација со 198 члена е неефикасна и има потреба од реформи.
Сепак, тој зазеде попомирувачки став на состанокот минатата недела на неговиот Комитет за мир, иницијатива за која рече дека има за цел да ги реши светските конфликти, но која многу светски лидери ја отфрлија поради загриженоста дека има за цел да ги замени ОН.
„Комитетот за мир ќе се грижи за Обединетите нации и ќе се осигури дека тие функционираат правилно“, рече Трамп на 19 февруари.
„Ќе ги зајакнеме Обединетите нации. Ќе се осигуриме дека нивната инфраструктура е добра. Ќе им помогнеме финансиски и ќе се осигуриме дека Обединетите нации се одржливи“, рече тој.
фото/Depositphotos
Свет
Пет американски барања кон Иран, доколку не ги исполнат, ќе започнат напади
Соединетите Американски Држави влегуваат во преговори за нуклеарната програма на Иран со многу тешки барања. Вашингтон и Техеран сѐ уште се далеку од договор што би спречил војна, пишува „Волстрит џурнал“.
Американските претставници Стив Виткоф и Џаред Кушнер денеска започнаа клучна рунда разговори во Женева под силен притисок од „јастребите“ во администрацијата и републиканците во Конгресот да не се согласат на договор што би можел да се протолкува како отстапка за Иран.
Ова се петте клучни барања
Затворање и демонтирање на сите три главни нуклеарни централи: Фордоу, Натанц и Исфахан
Предавање на збогатениот ураниум на Соединетите Американски Држави
Договорот мора да биде траен, без временско ограничување
Без збогатување на ураниум (можна работа само на медицинскиот реактор во Техеран)
Само минимално олеснување на санкциите веднаш, повеќе само ако Иран го почитува договорот на долг рок
Според „Волстрит џурнал“, американските преговарачи требало јасно да стават до знаење дека Иран мора да ги демонтира своите три главни нуклеарни објекти – во Фордоу, Натанц и Исфахан – и да го предаде целиот преостанат збогатен ураниум на Соединетите Американски Држави.
„Ова може да биде последната шанса за постигнување договор“, рече Саид Голкар, вонреден професор на Универзитетот во Тенеси во Чатануга и експерт за иранската војска. „Ако тоа не функционира, САД ќе го решат со воени средства она што не можат да го решат со дипломатија“.
Иран инсистира на правото да збогатува ураниум, но нуди предлози за да се обиде да го смири Вашингтон. Тие вклучуваат намалување на нивото на збогатување од сегашните 60% на 1,5%, привремено суспендирање на збогатувањето за неколку години или повторна обработка под арапско-ирански конзорциум со седиште во Иран.
Дискусиите засега се хипотетички бидејќи нуклеарната програма на Иран беше во голема мера уништена во 12-дневната војна со Израел и САД минатиот јуни.
САД инсистираат на нула збогатување, но американските претставници велат дека преговарачкиот тим би можел да му дозволи на Иран да го рестартира реакторот во Техеран кој би користел многу ниско збогатен ураниум за медицински цели.
фото/Depositphotos
Свет
(Видео) Кинеска компанија им стави 26 милиони долари кеш на маса на работниците да земе кој колку сака
Кинеска компанија организираше необична забава за своите вработени, делејќи 26 милиони долари (околу 22 милиони евра) во готовина и дозволувајќи им на работниците да понесат дома колку што можат.
Henan Kuangshan Crane Co. Ltd. ја одржа својата годишна забава на 13 февруари, поставувајќи огромни купови банкноти на 800 маси за банкет, објавија кинеските медиуми.
Се проценува дека на забавата присуствувале околу 7.000 луѓе. Според корејскиот весник Chosun Daily, еден вработен успеал да понесе дома дури 13.000 долари (околу 11.000 евра).
A dream corporate party took place in China
During a Chinese New Year celebration, Henan Kuangshan Crane piled up mountains of cash for 7,000 employees.
There were $26 million in cash laid out on the table. The only rule: take it with your hands and carry it away yourself.
The… pic.twitter.com/hH79ej7Bk6
— NEXTA (@nexta_tv) February 26, 2026
Извршниот директор на компанијата, Куи Пејџун, објасни зошто решил да го преземе овој чекор. „Во претходните години, дававме ѓердани и прстени. Зошто би давале машини за перење? Донесете готовина и дајте им на сите уште 20.000 јуани (2.200 евра)“, рекол тој за време на гала вечера.
Во врска со необичниот метод на распределба на бонуси, тој додал: „Некои луѓе се прашуваат зошто едноставно не ги депонираме парите на нивните сметки“.
Куи, кој поседува 98,88% од акциите на компанијата, е познат по тоа што враќа голем дел од своите дивиденди на своите вработени. Компанијата, основана во 2002 година, произведува и изнајмува кранови и работи во повеќе од 130 земји.
Во 2024 година, оствари нето добивка од 38 милиони долари, од кои околу 24 милиони долари беа распределени на вработените. Годината пред тоа, во 2023 година, компанијата ги награди своите 40 најуспешни вработени со 8,5 милиони долари, при што тројцата најдобри продавачи добија по 730.000 долари.
Минатиот март, по повод Меѓународниот ден на жената, на речиси 2.000 вработени жени им беа доделени бонуси од речиси 230.000 долари. „Не е тоа што сакам да давам пари, туку дека младите луѓе се оптоварени со автомобилски кредити и хипотеки, и секое олеснување што можеме да им го обезбедиме е добредојдено“, ги објасни своите мотиви Пејџун.
Таравари поднесе тужба за клевета против Изет Меџити
Претседателот на поделената Алијанса за Албанците, Арбен Таравари, преку својот адвокат, Aбидин Абдули, вчера поднесе тужба за клевета во Основниот...
Мицкоски: Јас бев најнапаѓан човек од Артан Груби, на Прочка се креваа дронови над куќата на мојата сестра
На денешната седница за пратенички прашања претседателот на Владата, Христијан Мицкоски беше прашан за актуелната тема во јавноста со апсењето...
Цвеќе во помен на Борис Трајковски – 22 години од авионската несреќа
Делегација предводена од претседателката Гордана Сиљановска-Давкова, членови на политички партии, семејството денес оддадоа почит во помен на трагично загубените животи...
Мицкоски до Филипче: Со тоа што ги напаѓате пензионерите, само потврдувате дека сте мекото ткиво на политичката сцена
Мене ми е жал што не ја научивте лекцијата, и удирате повторно по група на луѓе кои што за време...
„Блокадафест“ пред влезот на Усје, целодневен протест со музичка програма
Утре со почеток од 15 до 23 часот ќе се одржи целодневен протест пред влезот на фабриката Усје. „Со нас...
Орбан му пиша на Зеленски: Четири години нè туркате во војната меѓу Украина и Русија
Унгарскиот премиер Виктор Орбан објави „отворено писмо“ до украинскиот претседател Володимир Зеленски на Икс, обвинувајќи го дека четири години се...
ВЛЕН: Кој од ДУИ му се заканува на Артан Груби?
„Ништо повеќе не е исто како порано. Почнува внатрешната пресметка во Мала Речица. Од една страна се Али Ахмети со...
Дачиќ на респиратор, состојбата е сè уште многу сериозна: „Прерано е за било какви прогнози“
Српскиот министер за внатрешни работи Ивица Дачиќ беше хоспитализиран вчера поради пневмонија и неговата состојба е оценета како многу сериозна....
Продолжуваат преговорите за крај на војната во Украина: Трамп му наредил на американскиот тим да се обиде да го спречи убивањето
Американскиот претседател Доналд Трамп му наредил на американскиот преговарачки тим за разговори за завршување на војната во Украина да се...
Претседателот на Албанија, Бајрам Бегај во официјална посета на Македонија
Претседателот на Албанија, Бајрам Бегај, од денес до сабота престојува во официјална посета на земјата. Бегај денеска ќе се сретне...
„Зошто Тренчевска и СДС го штитат Артан Груби и дали поранешните функционери на СДС се исплашени од неговите искази“, прашува ВМРО-ДПМНЕ
„Соработката и партнерството на СДС со екс вицепремиерот Артан Груби излезе на површина. СДС со години молчеа и го толерираа...
„Дури ни Груби првично не се пожалил на безбедносен ризик – ДПМНЕ преку АНБ и МВР без проценка го испратија дома“, велат од Левица
„Фарсата на ДПМНЕ и Артан Груби оди дотаму што, првично, дури ни самиот Груби не пријавил дека се чувствува небезбедно....
(Видео) Вучиќ утрово го посети Дачиќ: Неговата состојба е нешто подобра
Српскиот претседател Александар Вучиќ утрово, на пат кон Казахстан, објави дека го посетил министерот за внатрешни работи Ивица Дачиќ и...
Клинтонови ќе сведочат за врските со Епстин по заканата со санкции
Четвртина век по напуштањето на Белата куќа, Бил и Хилари Клинтон се само неколку часа од нова правна пресметка со...
(Видео) Бројот на жртви во поплавите во Бразил се искачи на 46: потрагата по исчезнатите е во тек
Бројот на жртви од катастрофалните поплави во бразилската држава Минас Жераис се искачи на 46, соопштија пожарникарите во среда. Поплавите...
„Следните 72 часа се клучни“: Се огласи доктор од клиниката каде што се лекува Дачиќ
Српскиот вицепремиер и претседател на Социјалистичката партија на Србија, Ивица Дачиќ, вчера беше хоспитализиран на Клиниката за пулмологија на Клиничкиот...
Ивица Дачиќ итно хоспитализиран, во тешка состојба
Српскиот министер за внатрешни работи и вицепремиер Ивица Дачиќ вчера вечер беше хоспитализиран со билатерална пневмонија, тој е во сериозна...
Уставниот суд: Нема постапка за пензиите, запрена за Кривичниот законик
По 5. седница на Уставниот суд, претседателот Дарко Костадиновски и судијата проф. Осман Кадриу информираа за одлуките по предмети од...
Преживеаните музичари од „Пулс“ сведочеа дека не виделе кој ги наместил и активирал прскалките кобната ноќ: „Пожарот почна на рефренот, тргнав кон врата која беше заклучена“
Со опис на првите искри, паниката и стампедото во кое животот го загубија 63 лица, денеска продолжи судењето за пожарот...
Петрушевски: Тужбата за клевета нема да го испере Заев, стојам зад секој кажан збор
Тужбата за клевета нема да го испере Заев, ниту ќе ја сокрие вистината, вели пратеникот од ВМРО-ДПМНЕ, Бране Петрушевски, по...
