Свет
Нилските коњи на Пабло Ескобар се извор на загадување во Колумбија
Семејната зоолошка градина, изградена од колумбискиот наркобос Пабло Ескобар во раните 80-ти години, содржела носорози, жирафи, зебри и нилски коњи. Откако се распаднала империјата на Ескобар во 1990-тите, повеќето од животните биле преместени во Националната зоолошка градина. Единствени што останале на имотот биле нилските коњи, односно четири единки кои во меѓувреме се размножиле и станале инванзивен вид што почнал да го уништува речниот екосистем во Колумбија.
Според написот во журналот „Екологија“, нилските коњи на Ескобар веќе две години ги проучуваат експерти од Универзитетот во Калифорнија и Сан Диего, како и колеги од Универзитетот во Колумбија. Внимателно е следено нивното влијание врз локалните микробиоми. Нилските коњи ноќе се хранат на земјата, додека денот го поминуваат во водата каде што се ладат и, меѓу другото, ослободуваат голема количина измет, што почнало да влијае на хемискиот состав на водата.
Нилските коњи, односно нивниот измет, служи како извор на хранливи материи за опасни алги и бактерии. Ова може да резултира во цветање на опасни растенија, како токсични алги кои предизвикуваат болести кај луѓето и животните, се вели во студијата.
Друг проблем е што нилските коњил не се најмирните животни во светот, што значи дека тие се тешки за контрола и фаќање.
„Во следните неколку децении, нивниот број може да се зголеми на неколку илјади. Ова значи дека мора да побрзаме да одлучиме што да правиме со нив“, рече Џонатан Шурин, професор по биолошки науки во Сан Диего и главен автор на студијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп од Давос: Ја сакам Европа, но не оди во вистинската насока
Претседателот на САД, Доналд Трамп, остро ја критикуваше Европа во говорот на Светскиот економски форум во Давос, велејќи дека европските земји, според него, одат во погрешна насока и дека тие ја носат одговорноста за сопствениот пад.
„Можеме да се расправаме, но нема аргумент“, рече Трамп, додавајќи: „Не го признавам тоа, и не на позитивен начин, туку на негативен начин“. Тој продолжи: „Ја сакам Европа, но… не оди во вистинската насока“.
Трамп ја обвини масовната миграција за слабеењето на европските земји, обвинувајќи ги европските лидери за неактивност по ова прашање.
Тој се качи на сцената со аплауз од публиката, а на почетокот од својот говор рече дека се обраќа на бизнис лидери, пријатели и „неколку непријатели“. Тој објави дека има „феноменални вести“ од Соединетите Американски Држави, истакнувајќи ги економските индикатори и затворената граница.
„Економијата е во подем“, рече Трамп, додавајќи дека „ваков вид економски раст не е виден во историјата на Соединетите Американски Држави“.
фото/епа
Свет
Виткоф: Мировниот договор за Украина е 90 отсто готов, утре ќе одам кај Путин
Специјалниот претставник на американскиот претседател Доналд Трамп за мировни мисии, неговиот пријател и магнат за недвижности Стив Виткоф, денес изјави дека мировниот договор што би ставил крај на војната меѓу Русија и Украина е „завршен 90 проценти“.
Виткоф го изјави ова во интервју за „Блумберг“ и „Си-ен-би-си“ на маргините на Светскиот економски форум во Давос. Тој изјави дека се согласува со проценките на украинската страна дека договорот е речиси склучен, додавајќи дека неодамна е постигнат дополнителен напредок.
„Мислам дека постигнавме уште позначаен напредок“, рече Виткоф.
Според него, во последните шест до осум недели е постигнато повеќе отколку во претходните три или четири години. Тој нагласи дека преговорите влегле во фаза на забрзан напредок.
Виткоф треба да отпатува за Москва утре, каде што ќе се сретне со рускиот претседател Владимир Путин, како дел од понатамошните разговори за евентуално завршување на војната во Украина.
Свет
Европските лидери го напуштаат Давос
Се поголем број европски лидери го напуштаат или го избегнуваат Светскиот економски форум во Давос, дури и пред очекуваното пристигнување на Доналд Трамп и дебатата за Гренланд. Францускиот претседател Емануел Макрон замина откако наводно не успеал да обезбеди средба со американскиот претседател, пишува „Телеграф“.
Претседателката на Европската комисија, Урсула фон дер Лајен, истотака нема да се сретне со Доналд Трамп во Давос бидејќи веќе го напушти швајцарскиот град по вчерашниот говор. Оваа информација ја потврди Европската комисија, пишува „Гардијан“.
„Претседателката на Комисијата направи стратешка и политичка проценка дека најдобриот начин да ја искористи својата енергија е да се врати во Брисел за да се фокусира на подготовките за многу важниот состанок на Европскиот совет“, рече портпаролот.
На прашањето дали е планирана средба меѓу фон дер Лајен и Трамп во блиска иднина, одговорот беше: „Колку што знам, поканите не се испратени во ниту еден правец“.
Истовремено, средбата на Трамп со германскиот канцелар Фридрих Мерц исто така беше откажана, објави Ројтерс. Технички проблеми во претседателскиот авион беа наведени како причина.
Гардијан забележува дека ќе биде интересно да се види кого Трамп сега ќе го приоритизира за состаноците, со оглед на тоа што ќе помине помалку време во Давос од планираното.
Украинскиот претседател Володимир Зеленски ги откажа плановите за присуство, велејќи дека морал да остане во Киев поради руските ракетни напади врз енергетската инфраструктура на Украина. Неговото отсуство ги намали надежите дека западните сили ќе го искористат Давос за да потпишат пакет за финансирање на воздушната одбрана и енергетскиот сектор на Украина.
Зеленски сепак изјави дека „сè може да се промени во секој момент“. Шпанскиот премиер Педро Санчез, исто така, ја откажа својата посета, по железничката несреќа во јужна Шпанија во која загинаа 42 лица.
Италијанските медиуми објавија дека е малку веројатно премиерката Џорџа Мелони да дојде во Давос. Ројтерс во средата објави дека Мелони ќе му се придружи на Макрон во одбивањето да го потпише планот на Трамп за Газа.
Фото: ЕПА

