Свет
Нови тензии: Северна Кореја лансира крстосувачки ракети, тврди Сеул
Северна Кореја лансира повеќе крстосувачки ракети во морето во близина на својот западен брег, соопшти утринава Јужна Кореја, како најнов знак за зголемени тензии на Корејскиот Полуостров, пренесува „Ројтерс“.
Ракетите биле лансирани околу 7 часот, а следеле јужнокорејските и американските разузнавачки служби.
Последното лансирање на ракета од Пјонгјанг дојде додека единицата за специјална војна на јужнокорејската морнарица беше ангажирана на обука по должината на источниот брег во провинцијата Гангвон, која граничи со Северна Кореја.
Обуката имаше цел да ја зајакне оперативната подготвеност по неодамнешниот артилериски оган на Северна Кореја во близина на спорната поморска граница и тестирање на оружје, соопшти јужнокорејскиот јавен сервис.
Пјонгјанг соопшти дека тестирал хиперсонична ракета со среден дострел со цврсто гориво на почетокот на овој месец, потег што го осудија САД, Јужна Кореја и Јапонија.
Изолираниот Север исто така урна голем споменик во својот главен град, што ја симболизира целта за помирување со Јужна Кореја по налог на лидерот Ким Џонг-ун, кој минатата недела го нарече ривалот „примарен непријател“ и рече дека обединувањето повеќе не е можно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Властите во Абу Даби наредија да се продолжи престојот на гостите, трошоците ги сноси државата
Министерството за култура и туризам им наложи на хотелите во Абу Даби да го продолжат престојот на гостите, бидејќи многу од оние што го завршуваат својот престој не се во можност да патуваат во сегашните околности.
Во писмото се наведува дека трошоците ќе бидат покриени од Министерството.
Фото: depositphotos
Свет
ЕУ гледа отворен пат кон поинаков Иран по смртта на врховниот лидер
Високата претставничка на Европската Унија за надворешна политика, Каја Калас, изјави дека смртта на иранскиот врховен лидер ајатолахот Али Хамнеи претставува момент на пресврт во историјата на Иран.
„Она што следува е неизвесно. Но сега постои отворен пат кон поинаков Иран, во кој неговите граѓани би можеле да имаат поголема слобода да го обликуваат“, напиша Калас на платформата Икс.
„Во контакт сум со партнерите, вклучително и со оние во регионот кои го носат најголемиот товар од иранските воени дејствија, со цел да пронајдеме конкретни чекори за деескалација“, додаде таа.
Фото: Depositphotos
Свет
Иранскиот претседател: Одмаздата е наше легитимно право по убиството на Хамнеи
Иранскиот претседател Масуд Пезешкијан во ново соопштение порача дека одмаздата по убиството на врховниот лидер е легитимно право и должност на Иран.
„Исламската Република Иран ја смета одмаздата врз извршителите и наредбодавците на овој злостор како своја легитимна должност и право и ќе ја исполни таа голема одговорност со сета своја сила“, се наведува во соопштението.
Пезешкијан смртта на врховниот лидер ја опиша како најголемата неволја на денешниот исламски свет. Тој владеењето на Хамнеи го оцени како „големо и божествено водство“ кое, според него, му донело „чест и достоинство“ на иранскиот народ.

