Свет
Ново отворено писмо до Макрон: „Во Франција се подготвува граѓанска војна и вие тоа го знаете“
Група активен француски воен персонал објави ново отворено писмо до претседателот на земјата, Емануел Макрон, во кое го предупредува дека во земјата се подготвува граѓанска војна по сите отстапки што тој ги направи кон исламизмот, пренесува РТ.
Писмото, објавено во конзервативниот магазин „Валер актуел“ доцна синоќа, има сличен тон со пораката објавена од истиот магазин минатиот месец. За разлика од претходното писмо, кое го потпишаа 25 пензионирани генерали и активни војници, новото писмо е анонимно и е отворено за потпишување од пошироката јавност.
До пладне денеска писмото го потпишале повеќе од 100.000 луѓе.
Авторите на писмото се опишуваат себеси како активни француски војници, кои ѝ припаѓаат на помладата генерација на војската што видела вистинска борба во изминатите години.
„Ние сме она што весниците го нарекоа огнена генерација. Мажи и жени, активни војници, од сите армии и од сите редови, со секакви мислења, сите ја сакаме нашата земја. Ние не бараме слава. Законски не смееме да го изразиме нашето мислење со откриено лице, но не можеме ни да молчиме“, се вели во писмото.
Во писмото е обвинет претседателот Макрон дека направил отстапки во корист на исламизмот на француска почва додека француската војска ја пролева својата крв за да се бори против него во Авганистан, Мали, Централноафриканската Република или на други места.
Авторите исто така посочуваат дека некои од нив учествувале во домашната операција „Сентинел“, почната по разорните терористички напади на „Шарли ебдо“ во 2015 година, и биле сведоци на одредени етнорелигиски заедници во Франција, кои се целосно одвоени од остатокот на земјата.
„За ваквите заедници, Франција не значи ништо друго, освен предмет на сарказам, презир или дури и омраза“, се вели во писмото.
Како и претходното писмо, и ова ново писмо ги предупредува властите на републиката за претстојната граѓанска војна и дека е доведено во прашање самото постоење на Франција.
„Во Франција се подготвува граѓанска војна и вие тоа добро го знаете“, се вели во писмото.
Авторите на писмото исто така изразија силна поддршка за потписниците на првото писмо и остро го критикуваа одговорот на владата на него.
„Мораш да бидеш перверзен за да ги охрабруваш високите офицери на армијата да заземат став и да се експонираат, а потоа бесно да ги санкционираш веднаш штом ќе напишат нешто друго, освен извештаи за битки“, се вели во писмото.
Првото писмо, објавено на 21 април – на 60-годишнината од неуспешниот државен удар против генералот Шарл де Гол поради неговата поддршка за независноста на Алжир – предизвика бура кај највисоките претставници на Франција. Премиерот Жан Кастекс ја нарече пораката „иницијатива против сите наши републикански принципи, честа и должноста на армијата“, а армијата вети дека ќе ги казни активните потписници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Европа ќе најде повеќе од 15 милијарди долари за оружје за Украина
Генералниот секретар на НАТО, Марк Руте, е уверен дека сојузниците ќе најдат средства за купување американско оружје за вооружените сили на Украина. Тој го изјави ова денес на прес-конференција во Киев, пренесува „Украинска правда“.
Одговарајќи на прашањето како би можеле да се соберат 15,5 милијарди долари што ги побара Украина за финансирање на програмата PURL, која се користи за купување оружје во Соединетите Американски Држави, Руте вети дека средствата дефинитивно ќе бидат обезбедени.
„Апсолутно сум уверен дека парите ќе се најдат бидејќи сите знаеме дека ова е клучно“, рече тој. Генералниот секретар, сепак, призна дека нееднаквите придонеси од различни земји имаат негативен ефект. „Во моментов, две третини од сојузниците учествуваат во програмата PURL и во право сте, постои проблем со распределба на товарот“.
Тој рече дека ситуацијата во која некои земји им помагаат на вооружените сили на Украина во купувањето американско оружје, додека други не, е ненормална. „Во моментов, некои сојузници прават многу, многу сојузници прават нешто, а неколку не прават ништо. Сепак, повеќето сега се вклучени во PURL.
Но, ни треба подобра распределба на товарот во рамките на НАТО. Работиме на тоа“, додаде Руте. Тој, исто така, ги истакна поединечните земји кои значително придонесуваат за набавките во рамките на програмата PURL, имено Канада, Норвешка и Германија, како и Шведска и балтичките држави.
Руте претходно изјави дека 90% од ракетите за воздушната одбрана на Украина биле испорачани преку програмата PURL.
Свет
Макрон: Во тек се технички подготовки за директни разговори меѓу Европа и Русија
Францускиот претседател Емануел Макрон денес изјави дека се во тек подготвителни работи за повторно воспоставување директни разговори меѓу Европа и Русија за војната во Украина, додавајќи дека е важно Европејците да ги обноват своите комуникациски канали, но дека Русија не покажува подготвеност да постигне мировен договор со продолжување на бомбардирањето на Украина.
„Мора да биде подготвена, затоа се во тек технички разговори за да се овозможи тоа“, рече Макрон како одговор на новинарско прашање за неговиот повик од декември за обновување на преговорите со рускиот претседател Владимир Путин, пишува бриселски „Политико“.
Макрон истакна дека е важно Европејците да ги обноват своите канали за комуникација со Русија, нагласувајќи дека подготовките се одвиваат на техничко ниво.
Тој додаде дека сите разговори со Путин мора да бидат координирани со претседателот на Украина Володимир Зеленски и неговите „клучни европски колеги“, нагласувајќи ја улогата на таканаречената „Коалиција на волјата“, која ги собира земјите што ја поддржуваат Украина.
Францускиот претседател, сепак, оцени дека со продолжувањето на бомбардирањето на Украина, Русија не покажува подготвеност за постигнување мировен договор.
„Пред се, денес продолжуваме да ја поддржуваме Украина, која е под бомби, на студ, со руски напади врз цивили и украинска енергетска инфраструктура, што е неприфатливо и не покажува вистинска волја за мировни преговори“, рече Макрон, според Танјуг.
Свет
СЗО бара да се обезбедат пари за итни здравствени случаи
Светската здравствена организација (СЗО) бара да се обезбедат една милијарда долари за здравствени итни случаи оваа година.
Чиквез Ихеквезу на прес-конференција во Женева изјави дека апелот за обезбедување пари е помал од минатата година, бидејќи финансирањето од донаторите се намалува, објави Ројтерс.
„Се фокусираме на оние на кои им е најпотребно, каде што можеме да спасиме најмногу животи“, истакна Ихеквезу. Според него, средствата ќе бидат насочени кон 36 итни здравствени ситуации, вклучувајќи ги Газа, Судан и Украина.
„Длабоко сме загрижени за огромните потреби и како ќе ги задоволиме“, додаде тој. Ихеквезу негираше дека СЗО целосно ќе се повлече од каква било криза.
„Она што го направивме е дека, во секој од тие контексти, можеби не направивме толку колку што би сакале“, рече Ихеквезу.
Соединетите Американски Држави официјално ја напуштија СЗО на 22 јануари, откако ја обвинија глобалната здравствена агенција за справувањето со пандемијата Ковид-19. Во минатото, САД беа главен донатор за здравствените вонредни состојби на СЗО, кои се потпираат на доброволни донации и на нејзиниот поширок буџет, кој делумно се базира на задолжителни членарини.
Министерството за здравство за случајот со „извоз на мозоци“: Немаме директни надлежности во спроведувањето на научно-истражувачката дејност
Во врска со актуелната тема во јавноста за научна студија за мозочни примероци меѓу Институтот за судска медицина и МАНУ,...
Во вторник ССМ ќе ги блокира пратениците, во четврток газдите, а на 17 февруари Владата: ќе мора пешки да поминат пред работниците
Откога владин претставник вчера не се појави во Сојузот на синдикати на Македонија (ССМ) да потпише спогодба за зголемување на...
Николоски со претставници на Европската Комисија: бара изнаоѓање на долгорочни решенија за превозниците
Заменик претседателот на Владата и министер за транспорт Александар Николоски, заедно со министерот за внатреши работи, Панче Тошковски и заменик...
Почна исплатата на „Мој ДДВ“, повик до граѓаните со погрешна сметка да ги ажурираат податоците
Управата за Јавни Приходи – УЈП ја почна исплатата на средства за скенираните фискални сметки за четвртото тримесечје од 2025...
Бомба фрлена врз куќата на Здравко Чолиќ во Белград
Доцна синоќа беше фрлена бомба врз куќата на пејачот Здравко Чолиќ во белградската населба Дедиње. Полицијата и дежурниот обвинител на...
651 прекршоци регистрирани вчера преку „Безбеден град“, од нив 585 за пребрзо возење
Во текот на вчерашниот ден преку системот „Безбеден град“ констатирани се вкупно 651 прекршоци, извести МВР. „Од нив, за минување...
Електродистрибуција: Tешка кражба на електрична енергија од трафостаница, штета од 16 милиони денари
„Тимот за откривање на неовластено користење на електрична енергија побара спроведување на пребарување од МВР и вклучување на вешто лице,...
Ѓорѓиевски: Скопје ќе добие 100 нови, современи и целосно еколошки градски автобуси
Со одлука на Владата на Република Македонија, Скопје ќе добие 100 нови, современи и целосно еколошки градски автобуси, чекор што...
„Фајненшел тајмс“: Ако Русија го прекрши примирјето, следи координиран одговор – детали од договорот меѓу Украина и Западот
Украина се согласила со западните партнери дека секое упорно кршење на идниот договор за прекин на огнот од страна на...
Украина бесна на шефот на ФИФА: „Морален дегенерик, овој срам потсетува на 1936 година“
Украинскиот министер за надворешни работи, Андриј Сибиха, остро го критикуваше претседателот на ФИФА, Џани Инфантино, кој го поддржа укинувањето на...
Клинтонови сепак ќе сведочат за случајот со Епстин
Поранешниот американски претседател Бил Клинтон и демократската претседателска кандидатка од 2016 година, Хилари Клинтон, ќе сведочат во конгресната истрага за...
(Видео) Масовен напад врз Киев, експлозии низ градот
Руските сили испукаа ракети врз украинскиот главен град Киев во раните утрински часови, соопштија официјални лица, со првични извештаи за...
Во пораки од 2018 година пишува дека Епстин платил 5.000 долари за 23-годишна Русинка
Во најновата серија досиеја на Епстин е објавена преписка која што се чини дека е серија текстуални пораки разменети помеѓу...
Трамп: Го замолив Путин да не ја напаѓа Украина една недела, тој се согласи
Американскиот претседател Доналд Трамп изјави дека рускиот претседател Владимир Путин се согласил на еднонеделна пауза во ракетните напади врз Украина...
Нормализиран сообраќајот на експресниот пат Кочани-Штип
Од 23:25 часот, вчера вечер сообраќајот на експресниот пат Кочани-Штип целосно е нормализиран, извести АМСМ. Претходно, од 19:10 часот, поради...
„Сè беше легално и со дозволи“: како Македонија учествувала во проектот со мозоци што беше споменат во документите за Епстин
Македонија била вклучена во меѓународен научен проект кој се споменува во документите поврзани со починатиот американски милијардер Џефри Епстин,пишува Дојче...
Вратата кај бината во „Пулс“ служела да излезат малолетниците во случај на полициска рација, сведочи 25-годишниот Петар Марковски
На денешното рочиште за пожарот во кочански „Пулс“ во кој загинаа 63 лица, а над 200 беа повредени, 25-годишниот Петар...
Над 45 милиони денари вратени во државниот буџет; Фетаи: Конфискацијата на нелегално стекнатиот имот дава конкретни и мерливи резултати
Денес се одржа првиот конститутивен состанок на Националниот совет за финансиски истраги и конфискација на имот, со што официјално започна...
Тројца експерти од странство во составот на комисијата за истражување на кардиолошките и кардиохируршките операции, соопшти Министерството за здравство
Странската комисија за истражување на кардиолошките и кардиохируршките операции ја сочинуваат тројца врвни експерти од областа, соопштија од Министерството за...
Нудел 50.000 евра мито за пари од ИПАРД програмата: поднесено обвинение против повеќе лица
По спроведена истражна постапка, јавен обвинител од ОЈО ГОКК денеска до Основниот кривичен суд Скопје поднесе Обвинителен акт против едно...
