Свет
Обама, Буш и Клинтон пред камера ќе се вакцинираат против коронавирус
Поранешните претседатели на САД, Барак Обама, Џорџ В. Буш и Бил Клинтон, ќе примат вакцина против коронавирус пред камера за да ја уверат јавноста во безбедноста на вакцината откако американската администрација за храна и лекови ќе ја одобри.
Тројцата поранешни претседатели се надеваат дека кампањата за подигнување на свеста за вакцинација ќе биде моќна порака, бидејќи американските службеници за јавно здравје се обидуваат да ја убедат јавноста да ја примат вакцината.
Фреди Форд, шефот на кабинетот на Буш, за Си-ен-ен изјави дека 43. претседател се обратил до д-р Ентони Фаучи, директор на Националниот институт за алергија и инфективни болести и врвен експерт за заразни болести, и д-р Дебора Бирк, координаторот за одговор на коронавирусот во Белата куќа, за да види како тој може да помогне во промовирање на вакцината.
„Пред неколку недели претседателот Буш ме замоли да им соопштам на д-р Фаучи и д-р Биркс дека, кога ќе дојде време, тој сака да стори сè што може за да им помогне на неговите сограѓани да се вакцинираат“, изјави Форд за Си-ен-ен.
„Прво, вакцините треба да се сметаат за безбедни. Потоа, Буш со задоволство ќе се вакцинира пред камера“, додава Форд.
Прес секретарот на Клинтон за Си-ен-ен изјави дека и тој би бил подготвен да ја прими вакцината јавно, со цел да ја промовира.
„Тој дефинитивно ќе ја прими вакцината штом биде достапна, врз основа на приоритетите утврдени од јавните здравствени службеници. И тој ќе го стори тоа јавно ако тоа им помогне на сите Американци да го сторат истото“, рече Анхел Урена.
Обама, пак, вели дека ако Фаучи рече дека вакцината за коронавирус е безбедна, тој верува во него.
„Во луѓето како Ентони Фаучи, кого го познавам и со кого работев, верувам во целост“, рече Обама. „Значи, ако Ентони Фаучи ми рече дека оваа вакцина е безбедна и може да се вакцинирам, апсолутно јас ќе ја примам“, рече Обама.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Орбан пречекан во парламентот на ЕУ со „Бела, чао“; Мецола: Не сте на Евровизија
Илегалната миграција води до раст на антисемитизмот, насилството врз жените и ширењето на хомофобијата во Европската унија, изјави унгарскиот премиер Виктор Орбан за време на презентацијата на унгарското претседателство во Европскиот парламент.
„Европската унија мора да се промени и денес сакам да ве убедам во тоа“, ја започна Орбан презентацијата на унгарското претседателство со Европската унија, кое трае до крајот на годината, и предупреди дека Европа се соочува со „можеби најсериозното момент“ во нејзината модерна историја.
Тој во својот говор не ја спомна Украина, осврнувајќи се на таа земја дури по реакциите на парламентарците, велејќи дека Европа е на пат кон пораз во војната во Украина и дека води погрешна политика кон тој конфликт. „Мораме да зборуваме за примирје и да имаме поинаква стратегија или сите ќе изгубиме“, рече тој.
„Ние не сме членка на ЕУ поради тоа што таа е, туку поради тоа што може да биде“, нагласи Орбан, а ден откако на прес-конференција рече дека ќе ја прослави победата на Доналд Трамп на изборите во САД со „неколку шишиња шампањ“, тој го заврши својот говор со парафраза на неговиот слоган: „Да ја направиме Европа повторно голема“.
Parte del Parlamento Europeo canta el Bella Ciao después de la intervención de Viktor Orbán en Estrasburgo.
Metsola: “Esto no es Eurovisión” ni La Casa de Papel, “respeten la dignidad de esta casa” pic.twitter.com/b8oh6monTT— Beatriz Navarro (@beanavarro) October 9, 2024
Претставниците на левицата го пречекаа неговиот говор пеејќи ја антифашистичката песна Бела Чао, на што реагираше претседателката на Европскиот парламент Роберта Мецола, предупредувајќи ги дека не се на Евровизија.
Регион
Поплави и одрони во Босна и Херцеговина: Потрагата по исчезнатите продолжува
Потрагата по исчезнати лица во поплави и свлечишта продолжи денеска на подрачјето на Бутуровиќ Поле и други места во сливот на реката Неретвица, соопшти утринава Оперативниот центар за цивилна заштита на Херцеговско-неретванскиот кантон на Босна и Херцеговина, пренесува агенцијата „Фена“.
Според последните податоци за поплави и свлечишта во Коњиќ, Јабланица и Фојница загинале најмалку 22 лица.
Целата тешка механизација во моментот е фокусирана на чистење на локалните патишта. Тие ја пробиваат тињата на патиштата, а во исто време во тек се санации на водоводната, електричната и на телефонската мрежа. Лекови, храна, облека, хигиена и сите други неопходни потреби редовно се делат на ранливото население.
Цивилната заштита доцна во вторникот издаде наредба за итна евакуација на загрозените области Коњица и Јабланица. До 3.43 часот евакуирани се 330 лица.
Регион
Зеленски и Вучиќ денеска пристигнуваат во Дубровник, огромни безбедносни мерки
Денеска попладне, во Дубровник, се одржува самитот Украина – Југоисточна Европа. По тој повод, украинскиот претседател Володимир Зеленски првпат доаѓа во Хрватска. Заедно со него и со хрватскиот премиер беше најавено доаѓањето и на претседателот на Црна Гора, претседателот на Косово и на премиерите на Северна Македонија, Грција, Бугарија и на Албанија.
Се очекува и доаѓањето на српскиот претседател, Александар Вучиќ.
Учесниците на самитот треба да ја прифатат заедничката дубровничка декларација за чиј текст сè уште се преговара, но таа да оди по патот на претходните декларации од самитите во Атина и Тирана.
Главните точки на декларацијата, јавува ХРТ, треба да вклучуваат осуда на руската агресија, поддршка за територијалниот интегритет на Украина, вклучително и полуостровот Крим, поддршка за мировниот план на претседателот Зеленски, барање за процесирање на воените злосторства во Украина, поддршка за европската интеграција на Киев и членството во НАТО кога ќе се стекнат услови за тоа и поддршка за енергетска безбедност и обнова на Украина по завршувањето на војната.