Свет
ОБСЕ: 2.500 прекршувања на огнот во Донбас годинава

Специјалната набљудувачка мисија на ОБСЕ (СНМ) годинава објави над 2.500 прекршувања на прекинот на огнот на истокот од Украина, изјави рускиот заменик-постојан претставник во ОБСЕ, Владимир Жеглов, на интернет-сесијата на Постојаниот совет на европската агенција за безбедност, пренесува ТАСС.
„СНМ пријави повеќе од 2.500 прекршувања на прекинот на огнот од почетокот на оваа година. Покрај тоа, во спротивност со мерките за зајакнување на прекинот на огнот украинската војска користела авиони блиску до патролата на СНМ во Лебединское, донецката област, на 30 и 31 јануари“, рече Жеглов.
„Во оваа насока важно е ефикасно користење на координативниот механизам за одговор на прекршувањата на прекинот на огнот. Како што е пропишано со точка 5 од горенаведените мерки, тој мора да работи преку олеснување со помош на заедничкиот центар за контрола и координација во моментниот работен состав. Во меѓувреме, Киев упорно избегнува да користи таков механизам со вклучување претставници на Донецк и Луганск во неговиот моментно работен состав“, вели тој.
Контакт-групата за решавање на ситуацијата во источна Украина договори дополнителни мерки за контрола на примирјето по должината на контактната линија во Донбас, што стапи во сила од 27 јули 2020 година. Договорот дојде една година откако беше прогласен т.н. неопределен прекин на огнот на 21 јули 2019 година по повеќе од 20 залудни обиди за запирање на непријателствата.
Според договорот, на страните во конфликтот им е забрането да организираат офанзивни и извиднички операции, да користат какви било видови беспилотни летала, да отвораат оган, вклучително и од снајперско оружје и да распоредуваат тешко оружје во населените места и дополнителна инженерска опрема на нивните позиции.
Една од клучните одредби е употребата на дисциплински мерки за кршење на прекинот на огнот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Крадец украл статуа од Исус од црква и потоа лично му ја вратил на свештеникот

Крадец кој украл вредна статуа на Исус од црква во германскиот град Мехнеси, се вратил неколку дена подоцна за да му го предаде лично украдениот предмет на еден свештеник.
„Тој се приближи и ја извади статуата од јакната“, рече свештеникот Луџер Ајлебрехт.
За време на разговорот што следел, крадецот му рекол на свештеникот дека ја украл статуата затоа што сакал лично да му ги објасни своите проблеми на Исус.
„Фала му на Бога, статуата е безбедна и неоштетена. Целата парохија е среќна што ја врати. Таа е повторно на место”, рече свештеникот.
Иако Ајлебрехт не можел да обезбеди информации за вредноста на статуата, тој вели дека нејзината вредност за заедницата е непроценлива.
Статуата на Исус исчезна од црквата Свети Панкрас стара 300 години. Свештеникот вети дека ако крадецот ја врати нема да биде казнет.
Свет
СЗО: Сè уште не е време за опуштање

Сè уште не е време за опуштање, изјави Мајкл Рајан, раководител на програмата за итни операции на Светската здравствена организација.
„Навистина сум загрижен затоа што некои луѓе мислат дека најлошото е минато. Тоа не е точно”, рече тој на прес-конференција во Женева.
„Ако не бидеме внимателни, можни се трет и четврти бран“, предупреди тој.
СЗО ги повика сите да не ги гаснат надежите во напорите за борбата против епидемијата, додека коронавирусот продолжува да мачи многу земји.
Ова предупредување доаѓа во време кога програмата Ковакс, утврдена за поправедна дистрибуција на вакцини, оваа недела конечно овозможи почеток на кампања за вакцинација во земји кои сè уште немаа набавено вакцина.
Испратени се дваесетина милиони дози во дваесет земји. Следната недела, списокот ќе биде проширен на уште 31 земја.
„Ова е напредок што инспирира надеж, но бројот на дози споделени преку Ковакс сè уште е мал“, рече генералниот директор на СЗО, Тедрос Аданом Гебреизус.
Регион
(Видео) Во Србија стигнаа уште 500.000 вакцини од „Синофарм“

Во Србија синоќа пристигнаа 500.000 вакцини од руската компанија „Синофарм“. Авионот со вакцини на аеродромот „Никола Тесла“ во Белград го пречека претседателот на Србија, Александар Вучиќ.
„Согласно протоколите вечерва дојдов сам на аеродромот ‘Никола Тесла’. Нашиот најголем авион А330 достави 500.000 вакцини на ‘Синофарм’. Дојдов уште еднаш да му покажам почит и благодарност на претседателот Шји Ѓинпинг и на кинескиот народ”, рече Вучиќ во видео обраќање на социјалните мрежи.
„Благодарен сум на Кина, горд на Србија!“, напиша претседателот на Србија.
Вучиќ ги повика граѓаните да се вакцинираат и со тоа да спасат животи.
„Вечерва имаме вкупно 2.620.000 вакцини и се договоривме за вкупно 13 милиони и 350.000 вакцини“, рече претседателот на Србија.
- Книги3 месеци
Македонски лекар ја објави последната исповед на Јосип Броз Тито
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа1 недела
Планот за отклучување на Германија протече во медиумите, Меркел: Имаме трет бран
- Свет1 месец
Поради примање мито во Кина погубен поранешен државен функционер
- Економија3 недели
Сите брендови на Индитекс доаѓаат во „Ист гејт мол“