Свет
Од галерија украдена слика на Салвадор Дали вредна 20 илјади долари
Полицијата во Сан Франциско бара маж, кој е снимен на видеонадзор, како краде слика на Салвадор Дали вредна 20.000 долари, која била изложена во уметничка галерија. Осомничениот влегол во галеријата Dennis Rae Fine Art и го зграпчил првото дело што му дошло при рака – „Жирафата во пламен“ на Дали. Сликата била изложена на штанд во предниот дел на галеријата.
Во снимката од безбедносните камери може да се види човек што шета низ галеријата додека друго лице го чека надвор. По една минута, човекот излегува од галеријата со сликата во рака и заминува во непознат правец.
Уметничкото дело е направено од Дали помеѓу 1966 и 1967 година. Сликата била изложена како дел од изложбата на дела на Салвадор Дали и се проценува дека е вредна 20 илјади долари.
Полицијата трага по крадците.
Салвадор Дали (11 мај 1904 – 23 јануари 1989) е шпански сликар и протагонист на надреализмот во Франција и САД.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.
Свет
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти.
Градоначалникот Виталиј Кличко изјави дека меѓу повредените е тринаесетгодишно момче.
Воената администрација на Киев ги предупреди жителите и на заканата од напад со балистички ракети и ги повика да останат во затворен простор.
Шефот на воената администрација на Кијева, Тимур Ткаченко изјави дека еден човек загинал во нападот, како и дека бројот на повредени не е конечен.
Свет
Трамп ги поништил сите уредби и документи потпишани од Бајден
Американскиот претседател Доналд Трамп соопшти дека ги поништил сите уредби и документи потпишани од неговиот претходник на функцијата, демократот Џозеф Бајден, бидејќи користел уред за автоматско потпишување.
Кои се правните последици од одлуката на Трамп засега не е јасно.
„Секој документ кој го потпишал Поспаниот Џо користејќи автоматско пенкало, што е околу 92 проценти од нив, со ова се поништува и повеќе нема никаква правна сила или ефект“, напиша републиканскиот претседател на својата платформа Трут Соушл.

