Портпаролот на Московската патријаршија, митрополитот Иларион, изрази загриженост поради најавите за претворање на „Аја Софија“ во џамија, пренесува „Спутник“.

„Внимателно и сериозно ги следиме случувањата поврзани за храмот ‘Света Софија’. Очекуваме официјално објавување на одлуката на Врховниот суд на Турција, кој, ако им се верува на медиумите, одлучил дека статусот на ‘Аја Софија’, која сега е музеј, може да се промени со указ на претседателот. Се надеваме дека нема да биде донесена одлука храмот да се претвори во џамија“, изјави Иларион.

Тој ја нарече „Аја Софија“ наследство на целото човештво. Таа илјада години беше православен храм, потоа претворен во џамија, но во 1934 година со одлука на првиот претседател на Турција, Кемал Ататурк, доби статус на музеј.

Во храмот се сочувани непроценливи фрагменти на мозаици со Исус Христос, Богородица, свети Јован Крстител и со византиските императори.

„Каква ќе биде судбината на тие мозаици ако храмот биде претворен во џамија? Во исламот сликите се забранети. Ќе ги уништат како што уништија и дел од мозаикот по заземањето на Цариград во 1453 година или ќе ги пребојат“, рече тој.

Митрополитот Иларион изрази уверување дека промените во рамнотежата и долгогодишното статус кво може да му нанесат штета на заемното разбирање во светот, дијалогот меѓу цивилизациите и културите и на меѓурелигискиот дијалог.

Тој посочи дека не е во прашање само споменик на светската култура кој се наоѓа под заштита на УНЕСКО, туку објектот има и сакрално значење.

Од последниот извештај во Србија тестирани се примероци од 8.102 лица, од кои 309 се позитивни на коронавирус.

Единаесет лица починаа, а 81 е на респиратор.

Според денешните податоци, од вкупниот број починати, петмина починале во Нови Пазар, тројца во Ниш и еден во Врање.

Германската канцеларка, Ангела Меркел, почна да носи заштитна маска во јавноста, откако беше цел на критики поради тоа што не ја носеше, и покрај препораките на владата за сузбивање на коронавирусот.

Меркел се појави денес во горниот дом на германскиот парламент со црна маска, на која е логото на германското претседателство на Европската Унија.

Ја симна маската дури откако го зазеде местото во салата, на пропишано растојание од другите службени лица, пренесува АП.

Меркел беше фотографирана со слична маска вчера за време на средбата со гувернерот на германската сојузна држава Берлин.