Контакт

Свет

Палестинскиот премиер се закани со државност ако Израел го анектира Западниот Брег

Објавено пред

Палестинците еднострано ќе прогласат држава заснована на линиите пред 1967 година ако Израел продолжи со својот план за анектирање делови од Западниот Брег, предупреди премиерот Мохамед Штајех, пренесува израелскиот портал „Инет“.

Според Штајех, израелските планови за наметнување суверенитет врз еврејските населби на Западен Брег и во долината на Јордан претставуваат егзистенцијална закана за Палестинците и ги кршат сите договори на Ерусалим со Рамалах.

„Се соочуваме со моментот на вистината: никаде на земјата не можеме да живееме со оваа анексија. Анексијата е егзистенцијална закана за нашата иднина“, рече тој.

Штајех ја повика меѓународната заедница да го санкционира Израел ако продолжи со својот план.

„Анексијата е ерозија на идната палестинска држава и светот треба да избере помеѓу меѓународното право и анексијата. Сигурен сум дека меѓународната заедница ќе го избере меѓународното право“, рече тој.

Штајен неосновано тврди дека Израел веќе презел мали мерки на терен во долината на Јордан во подготовките за анексија вклучувајќи испраќање сметки за комунални услуги на арапските жители и отстранување на знаците на кои се вели: „По оваа точка е палестинско“.

Меѓутоа, според „Џерусалем пост“, кој ги цитира Палестинците во долината на Јордан, ниту еден знак не е отстранет или заменет. Израел исто така со децении им наплаќа за вода и електрична енергија на палестинските жители во областа.

„Нашата непосредна цел е да не му дозволиме на Израел да анектира“, рече Штајех. „Ова е нашата непосредна цел – од денес до 1 јули сите наши напори се насочени кон оваа цел“.

Според коалицискиот договор меѓу премиерот Бенјамин Нетанјаху и алтернативниот премиер и министер за одбрана Бени Ганц, анексијата би можела да изгласа во Кнесетот уште на 1 јули.

Сепак, САД јасно ставија до знаење дека не треба да се прават еднострани чекори кон анексија пред да заврши мапирањето од страна на Комитетот за мапирање на територијата, кое може да трае со недели, па дури и со месеци, пишува „Тајмс оф Израел“. Штајех рече дека ваквите карти ја загрозуваат целата иднина на мировниот процес.

Мировниот план на администрацијата на Трамп предвидува Израел да анектира 30 отсто од Западен Брег и долината на Јордан. Исто така, се предвидува демилитаризирана палестинска држава основана на поголемиот дел од Западен Брег со делови од источен Ерусалим, кои се наоѓаат надвор од израелската безбедносна ограда како нејзин главен град.

Палестинците исто така ќе добијат економски пакет во висина од 50 милијарди американски долари ако се согласат со условите на договорот, кој вклучува ставање крај на поттикнувањето терор и на нивната т.н. шема плати за убивање, со која им даваат финансиски стипендии на осудени терористи и на нивните семејства.

Германскиот министер за надворешни работи, Хајко Мас, се очекува да пристигне во Израел денеска на средба со израелскиот колега Габи Ашкенази за да разговара за анексијата.

Израел го известил Мас дека ако го посети Рамалах, ќе мора да оди во 14-дневен карантин пред да му биде дозволено да се врати во Израел. Штајех го критикува овој потег обвинувајќи го Израел за користење на коронавирусот како изговор за саботажа на состанокот со претставници на Палестинската Самоуправа, што сега ќе се одржи онлајн.

„Ја знаеме историјата на германско-еврејските односи. Но, ова не треба да биде на штета на меѓународното право. Не треба да биде на штета на палестинските права“, рече тој.

„Германија е против анексија и за меѓународно право – и тоа е пораката што мислам дека им ја носи на Израелците. Ако Израел има уши да слуша, знае дека меѓународната заедница се спротивставува на ова“, продолжи тој.

Штајех исто така рече дека Палестинската Самоуправа доставила контрапредлог до блискоисточната дипломатска четворка, составена од ОН, САД, ЕУ и Русија. Со планот се предвидува суверена палестинска држава, независна и демилитаризирана, со мали измени на границите.

„Ако ги прашате Палестинците: Што сакате?, некои ќе ви кажат две држави, некои ќе ви кажат една“, заклучи Штајех. „Можеби има разни гледишта, но нема разлика кога станува збор за една единствена работа: крај на окупацијата. Тоа е она што го сака народот“.

 

 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Во САД, по 17 години, извршена смртна казна на сојузно ниво

Објавено пред

Во САД е извршена првата смртна казна на сојузно ниво по 17 години, а егзекутиран е човек осуден за тројно убиство, соопшти Министерството за правда.

Даниел Ли (47) беше погубен во 8.07 по локално време со смртоносна инјекција во сојузниот затвор во Индијана, се наведува во соопштението доставено до агенцијата „Франс прес“.

„Убивате невин човек“, биле последните зборови на овој осуденик, објави новинар од Индијанаполис, кој присуствувал на егзекуцијата.

Во 1999 година Даниел Ли беше прогласен за виновен за убиство на брачна двојка и нивната осумгодишна ќерка во Арканзас за време на грабеж.

Според американскиот правосуден систем, кривичните дела може да се судат или во сојузните судови на национално ниво или во државните судови на регионално ниво.

За одредени кривични дела, како што се фалсификување валути или кражба на пошта, автоматски се суди на сојузно ниво, како и во случаи во кои САД се странка или, пак, ситуации што вклучуваат уставни прекршувања.

За другите може да се суди и во федералните судови врз основа на сериозноста на злосторствата.

Според американските медиуми, семејствата на жртвите се спротивставиле на егзекуцијата, па затоа поднеле тужба за запирање наведувајќи дака поради ризикот од коронавирусот, нема да може да присуствуваат на извршувањето на смртната казна.

Ерлин Петерсон (81), чија ќерка, внука и зет биле убиени од Ли, пак, изјавила дека сакала на 47-годишникот да му биде изречена доживотна затворска казна, како што било случај со неговиот соучесник.

Уште две егзекуции на сојузно ниво се закажани за подоцна оваа недела, а четвртата егзекуција е планирана за август.

Прикажи повеќе...

Европа

Мицотакис: Европа треба заеднички да настапи против турската агресија

Објавено пред

Однесувањето на Турција по прашањето за „Аја Софија“ е насочено против Европа, рече грчкиот премиер Киријакос Мицотакис, јавија тамошните медиуми.

Тој додаде дека однесувањето на Турција е надвор од рамките на меѓународното право.

За време на заедничките изјави со кипарскиот претседател Никос Анастасијадес во Атина, Мицотакис рече дека турските провокации, кои ги има многу, не се насочени само кон овие две држави – Грција и Кипар – туку и кон Европа.

Тој потсети дека ваквото однесување доаѓа од земја што формално е кандидат за членство во ЕУ додавајќи дека потребен е европски одговор по однос на тоа прашање.

„Турција ја потврди својата улога како локален провокатор и се заканува на стабилноста во целиот регион“, рече грчкиот премиер додавајќи дека Грција и Кипар никогаш не отфрлиле дијалог со добра волја заснован врз принципите на меѓународното право, почитувањето на човековите права и добрососедските односи.

Прикажи повеќе...

Регион

ЕУ ги отстрани Србија и Црна Гора од листата на сигурни земји

Објавено пред

Земјите членки на ЕУ решија да ги отстранат Црна Гора и Србија од списокот на трети земји од кои може да се патува во ЕУ, без ограничувања. Ваквата одлука е поради зголемениот број на заразени со коронавирус, тврдат дипломатски извори.

По исклучувањето на Србија и Црна Гора, на списокот веќе нема европски земји од кои без ограничувања може да се влезе во ЕУ, освен можеби Грузија, држава чија територија е на границата меѓу источна Европа и западна Азија.

На списокот сега се наоѓаат 13 држави: Алжир, Австралија, Грузија, Јапонија, Јужна Кореја, Канада, Кина, Мароко, Нов Зеланд, Руанда, Тајланд, Тунис и Уругвај.

На состанокот на Комитетот на постојаните претставници на земјите членки на ЕУ имало предлози од списокот да се отстранат и Алжир и Мароко, но ваквата сугестија не добила поддршка.

Земјите членки на ЕУ решија од 1 јули да ги укинат ограничувањата за влез на нивната територија од трети земји, кои имаат слична или подобра епидемиолошка состојба во однос на коронавирусот.

Списокот ќе се ревидира и ажурира на секои две недели според развојот на епидемиолошката состојба. Ограничувањата може да бидат укинати во целост или делумно или повторно да се воведат за земјите во согласност со промените на состојбата.

Прикажи повеќе...

Најново

Македонија5 часа

Регистрирани 135 новозаразени од Ковид-19 и четири смртни случаи

Министерството за здравство информира дека во последните 24 часа се направени 1.259 тестирања, а регистрирани се 135 нови случаи на...

Македонија6 часа

Се бара со потерница експретседателот на кривичниот суд Владимир Панчевски

Експретседателот на кривичен суд, Владимир Панчевски, се бара со национална потерница што ја распиша МВР по наредба на Основниот суд...

Македонија6 часа

Во полициска станица повикани лица кои објавиле статус да се чкртне „Северна“ на гласачкото ливче

И други лица ќе бидат повикани на разговор за објавување статуси на социјалната мрежа „Фејсбук“, по примерот на директорот на...

Македонија8 часа

Две телевизии го прекршиле изборниот молк

Агенцијата за аудио и аудиовизуелни медиумски услуги при проверка на начинот на известување на радијата и телевизиите за време на...

Топ10 часа

Kривична пријава за скопјанецот осомничен дека ја убил невенчаната сопруга, а телото го фрлил покрај пат

Полицијата поднесе кривична пријава против 36-годишен скопјанец кој е осомничен дека ја убил невенчаната сопруга. Според информациите на МВР, И.Е.(36)...

Македонија10 часа

Австрија забрани летови од Македонија и другите земји од Западен Балкан

Со цел да се избори со пандемијата на коронавирус, Австрија го прошири списокот на земји на кои им е забрането...

Македонија10 часа

Најголем дел од заболените изминатата недела се лица над 60 години

Минатата недела, односно за седум дена, регистрирани се вкупно 1.073 нови позитивни случаи на коронавирус од вкупно направени 9.995 тестови....

Македонија12 часа

Во Македонија досега се излечени над 4.000 пациенти од коронавирус

Од почетокот на пандемијата, бројката на оздравени пациенти изнесува 4.326 лица. Во текот на вчерашниот ден надлежните соопштија за 123...

Македонија12 часа

Денеска гласаат болните, немоќните и затворениците

Во тек е вториот ден од гласањето за предвремените парламентарни избори. Откако вчера своето гласачко право го остварија заразените со...

Свет12 часа

СЗО: Многу земји одат во погрешна насока, нема враќање во нормала во скоро време

Светот во догледна иднина нема да се врати во некогашната нормала, оцени Светската здравствена организација (СЗО), еден ден по рекордните...

Европа13 часа

Судот во Каталонија го забрани карантинот

Судот во Каталонија ја оспори одлуката на регионалната власт да воведе целосна забрана за движење на околу 200.000 луѓе кои...

Регион13 часа

Шест часа траеше сослушувањето на Тачи во Хаг, рочиштето продолжува и денеска

Косовскиот претседател, Хашим Тачи, по шестчасовно испрашување ги напушти просториите на Специјалното јавно обвинителство во Хаг, а рочиштето ќе продолжи...

Македонија1 ден

Гласале 723 лица заболени од Ковид-19 и во самоизолација

Вкупно 723 лица, кои се заболени од Ковид-19 или се наоѓаат во самоизолација, гласале денеска. Како што информира претседателот на...

Македонија1 ден

На базен со маска, задолжително е туширање пред влегување во водата

На денешната владина седница веше усвоен протоколот за работата на базените, кој вклучува носење маска на лицето и држење растојание,...

Македонија1 ден

Растојание помеѓу лежалките и во водата, забрана за играње одбојка – објавен протоколот за плажите

Владата на денешната седница го усвои протоколот за работа на плажите во текот на пандемијата. Во согласност со протоколот, покрај...

Македонија1 ден

Планинар синоќа залутал на косовска територија, утрово е пронајден на бачило

Утрово е пронајден 42-годишен планинар од планинарското друштво „Љуботен“, кој синоќа залутал на косовска територија. Тој се движел во група...

Топ1 ден

Нова мигрантска драма во кумановското село Ваксинце – Пакистанци во залошништво држеле мигранти

Нова мигрантска драма деновиве се случувала во кумановското село Ваксинце, каде што две лица од Пакистан во засложништво држеле 19...

Македонија1 ден

Косово воведе задолжителен тест за влез на граѓаните од Македонија, Црна Гора и од БиХ

Косовската влада воведе задолжителен негативен тест РТ-ПЦР при влез во земјата за граѓаните од Македонија, Црна Гора и од Босна...

Македонија1 ден

Тројца починати и 88 нови случаи на коронавирус во Македонија

Во последните 24 часа во Македонија регистрирани се три смртни случаи и 88 новозаболени од коронавирус. Излекувани се 123 пациенти,...

Свет1 ден

Италијански лекари: Ковид-19 не е само распираторно заболување, туку убиец што го погодува целото тело

Последиците од Ковид-19 врз пациентите кои се излечени би можеле да бидат полоши од што се мислеше. Италијански лекари предупредуваат...

Досие