Свет
Палестинците ќе ги прекинат врските со земјите со амбасади во Ерусалим
Палестинските власти во неделата предупредија дека ќе ги прекинат врските со која било земја што ќе отвори своја амбасада во Ерусалим, откако Србија, Косово и Малави ги објавија своите намери да отворат дипломатски мисии во израелската престолнина.
„Палестина ќе ги прекине односите со која било земја што ќе ја премести или отвори своја амбасада во Ерусалим. Прекршувањето на меѓународното право е знак на слабост, а не на сила“, напиша на Твитер високиот палестински претставник Саеб Ерекат.
„Насилната окупација, дефинирана од меѓународното право, на туѓа територија е највисока форма на тероризам. Доста е лага и уцена. Никој не може да ги нормализира израелските населби, анексијата и окупацијата “, продолжи Ерекат.
Ерусалим во ниту еден момент не бил палестинска територија. Источниот дел на градот – кој 19 години беше под јорданска окупација – беше ослободен од Израел за време на одбранбената шестдневна војна во 1967 година.
Palestine will sever its relations with any country that will move or open its embassy to Jerusalem.We urge all nation states to abide by international law ,including security council resolutions 478 and 2334 . Violating int. law is a sign of weakness not strength
— Dr. Saeb Erakat الدكتور صائب عريقات (@ErakatSaeb) September 6, 2020
Израел го официјализираше тој потег во 1980 година со Основниот закон – Ерусалим, кој ја потврди заштитата на светите места во Ерусалим за сите религии. Тој закон беше отфрлен во ОН и меѓународната заедница оттогаш го избегнува признавањето на Ерусалим за главен град на Израел. Источниот дел на градот беше предвиден во неколку мировни планови како главен град на идната палестинска држава – вклучувајќи го и планот на претседателот Доналд Трамп.
Единствените две земји кои ги преместија своите амбасади од Тел Авив во Ерусалим се САД и Гватемала. Австралија, Бразил, Хондурас и Унгарија отворија дипломатски трговски мисии во главниот град на Израел.
Новоназначениот претседател на Малавија, Лазарус Чаквера, евангелистички ревносен поддржувач на Израел, во саботата ја објави својата намера да ја отвори првата амбасада на неговата земја во Ерусалим. Ако Чаквера го исполни ветувањето, тоа ќе биде првата африканска земја што ќе го направи овој чекор.
Србија и Косово исто така ги објавија своите планови за отворање амбасада во Ерусалим, со тоа што Косово се согласи да размени дипломатски врски со Израел за возврат на признавањето. Со тоа, Косово ќе ја има првата амбасада во Ерусалим од нација со муслиманско мнозинство.
„Кругот на мирот и признавањето на Израел се шири и се очекува дополнителни земји да му се придружат“, рече Нетанјаху во изјавата по најавите дадени од балканските ривалски нации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
75-годишна жена скокнала од тераса бегајќи од синот кој ја тепал: насилство во Грција
75-годишна жена била тешко повредена кога паднала од тераса бегајќи од синот кој силно ја тепал.
Грчката полиција добила дојава дека жена паднала од терасата во Агринио, откако синот ја бркал.
Несреќната жена бегајќи од својот полуден син се фрлила од терасата и се здобила со бројни скршеници на рацете, нозете и карлицата. Во тешка состојба е пренесена во болница.
Според истрагата, синот прво вербално, а потоа и физички ја нападнал мајката. Таа се фрлила од терасата кога тој се фатил за железна прачка за да ја претепа.
Полицијата вчераутро го привела синот, кој се товари за семејно насилство и нанесување тешка телесна повреда, пренесуваат локалните медиуми.
Свет
Четиригодишно девојче оставено во автомобил во Аризона, починало од жештините
Четиригодишно девојче од Баки, Аризона, починало вчера откако поминало неколку часа во вжештениот автомобил, јавува ABC News.
Членовите на семејството на девојчето во полиција изјавиле дека од паркот се вратиле околу 14 часот. Откако стигнале дома, сфатиле дека четиригодишното девојче го нема, па почнале да го бараат, пренесува Индекс.
Два часа подоцна, девојчето било пронајдено во несвест во возилото надвор од домот, соопшти полицијата на Баки. Семејството контактирало со полицијата околу 17 часот.
„Полицајците пристигнаа и веднаш почнаа со компресија на градниот кош на четиригодишното девојче и се обидоа да користат дефибрилатор пред да пристигнат болничарите за да го пренесат детето во болница. Девојчето е прогласена за почината во болница“, соопшти полицијата.
Вчера температурата во Баки беше над 38 степени, соопшти Националната метеоролошка служба. Полицијата е во рана фаза на расветлување на овој случај.
Регион
Нападната амбасадорката на Србија во Мадрид
Министерот за надворешни работи на Србија, Марко Ѓуриќ, најостро го осуди физичкиот напад врз српската амбасадорка во Шпанија, Ирена Шарац, што, како што рече, се случи во центарот на Мадрид.
„Најостро го осудувам физичкиот напад врз амбасадорката Шарац во центарот на Мадрид. Бараме целосна истрага и одговорност од сите власти за овој безобразен инцидент и чин на насилство врз највисокиот дипломатски претставник на нашата земја“, изјави за Танјуг шефот на српската дипломатија Марко Ѓуриќ.
Според Танјуг, во центарот на Мадрид, млад човек физички ја нападнал српската амбасадорка во Шпанија, на улицата каде што живее и и нанел повреди на грбот.
Од изјавите на присутните сведоци и по неговиот говор, според написите, постои сомнеж дека тој по потекло е од Албанија.
Според очевидци, на амбасадорката, кој телефонски разговарала на српски јазик, и пришол помлад човек и ја прашал дали е од Србија, по што тој ја удрил со нога во грбот и побегнал.
Неколку сведоци потоа неуспешно се обиделе да го фатат напаѓачот. Нападот бил пријавен во полиција, која пристигнала на местото на настанот.
Амбасадорката е во добра состојба, вели извор за Танјуг.