Папата Франциско денеска пристигна во Монголија, во својата прва посета на огромната, доминантно-будистичка, азиска земја со само 1.450 католици, за која Ватикан се надева дека може да дејствува како посредник во подобрувањето на тешките односи со Кина. Авионот на папата слета во Улан Батор малку пред 10 часот по локално време, а папата беше пречекан од формација на монголската почесна гарда во традиционална сина, црвена и жолта облека.

Неговата посета на оваа претежно будистичка земја е гест на поддршка за малата католичка заедница, која брои околу 1.400 верници од повеќе од три милиони жители.

Ова е второ патување на папата во регионот за една година, по она во септември 2022 година на Казахстан, што исто така се сметаше за стратешка посета во геополитички контекст.

По еден ден одмор, распоредот на папата во Монголија ќе вклучува церемонија за добредојде, средби со претседателот и премиерот, како и неговото прво обраќање до властите, дипломатите и членовите на граѓанското општество.