Свет
Пекинг најави санкции за американските производители на оружје поради договорот со Тајван
Кина најави дека ќе воведе санкции против најголемите американски производители на оружје поради масовната продажба на нивните производи на Тајван. Пентагон го одобри договорот минатата недела, со што го разбесни Пекинг, пренесува РТ.
САД планираат да му испорачаат три вооружени системи во вредност од речиси 1,8 милијарда долари на Тајван. Тие вклучуваат ракетни фрлачи на камиони произведени од „Локид Мартин, ракети од голем дострел „воздух-земја“ – „боинг АГМ-84Х“ и надворешни подни сензори за авиони „Ф-16“, кои се произведени од подружница на „Рејтеон технолоџис“, според официјалните известувања добиени од Конгресот на САД.
„Трите американски гиганти за одбрана ќе бидат санкционирани од кинеската влада ако договорот се реализира“, рече портпаролот на кинеското Министерство за надворешни работи, Жао Лиџијан, на прес-конференција денеска.
Кина се спротивставува на каква било продажба на оружје на Тајван за кој смета дека е под нејзин суверенитет велејќи дека овие достави го дестабилизираат регионалниот баланс на силите.
Додека ги зголемува тензиите со Кина, администрацијата на Трамп ја интензивира дипломатската и трговската соработка со Тајван испраќајќи високи функционери да го посетат островот и да нудат профитабилни договори за трговија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

