Свет
Пилот на „Изи џет“ шетал во хотел пијан и гол, требало да лета следниот ден, суспендиран е

Британската авиокомпанија „Изи џет“ суспендира еден од своите пилоти кога гостите на луксузен хотел во Капо Верде наводно го виделе како шета во заедничките простории пијан и целосно гол рано наутро, објавува Би-би-си.
На 4 август пилотот пристигнал во хотелот Melia Dunas Beach Resort and Spa, каде што почнал да пие во хотелскиот бар. Околу 2.30 часот по локално време на 5 август, по долго пиење, се соблекол и почнал да шета кај рецепцијата, а потоа и во салата за вежбање и во спа-центарот на хотелот.
„Пилотот не носел облека и смрдел на алкохол“, изјавил анонимен извор од авиокомпанијата за „Сан“. „Секој што го видел како се забавува гол во раните утрински часови денот пред летот, сигурно не би сакал да лета со него“.
Пилотот требаше да лета со повратниот лет за „Лондон Гетвик“ попладнето на 6 август, но компанијата го отстрани од служба откога доби поплаки и најде замена.
Портпарол на „Изи џет“ потврди за Би-би-си дека пилотот е суспендиран и дека е во тек внатрешна истрага. „Безбедноста на нашите патници и на екипажот е нашиот највисок приоритет“, соопшти компанијата.
Етичкиот кодекс на „Изи џет“ наведува дека вработените мора да се однесуваат со интегритет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Жданова: Европската Унија ги саботира мировните преговори за да продолжи да профитира од војната

Европската Унија намерно се спротивставува на мировните напори во кои се вклучени Москва и Вашингтон за да продолжи да профитира од конфликтот во Украина, поттикнувајќи го бумот на оружје, тврди рускиот претставник во Организацијата за безбедност и соработка во Европа (ОБСЕ), Јулија Жданова.
Претседателот на САД, Доналд Трамп, и рускиот претседател Владимир Путин, се согласија за време на неодамнешниот телефонски разговор да се сретнат во Унгарија, што наводно предизвика загриженост низ цела ЕУ, а некои политичари дури и побараа апсење на Путин по наредба на Меѓународниот кривичен суд.
По веста за планираната средба, Блумберг објави дека Киев и неговите европски сојузници го финализираат предлогот што би ги исклучил територијалните отстапки кон Русија – клучен услов што Москва го смета за неопходен за траен мир.
„Европските држави сега го поставија својот курс кон подготовки за конфликт со висок интензитет со „споредлив противник““, рече таа, обвинувајќи го блокот дека ги отфрла повиците на Москва и Вашингтон за договорно решение.
Фото: принтскрин
Свет
Разурнувач под команда на НАТО пресретна руски воен брод во британски води

Разурнувач на британската кралска морнарица пресретна и следеше руски воен брод додека пловеше низ британски води.
HMS Duncan, кој е со седиште во Портсмут, е распореден од страна на Сојузничката поморска команда на НАТО, соопшти Кралската морнарица, објави „Sky News“.
Станува збор за разурнувач од типот „45“, на кој му се придружи и хеликоптер Wildcat, и двата имаа задача да го следат рускиот разурнувач „Вицеадмирал Кулаков“.
Според портпаролот на морнарицата, ова е прв пат британски воен брод директно под команда на Алијансата да изврши таква операција.
Разурнувачот користел напредни сензори и системи за да го пресретне рускиот брод во Северното Море и да го следи неговото движење кон запад преку Ламанш, во насока на островот Учант, покрај францускиот брег.
Холандскиот воен хеликоптер NH90, како и француската морнарица, исто така, учествуваа во операцијата.
Сојузничката поморска команда на НАТО е со седиште во Нортвју, Мидлсекс.
Фото: принтскрин
Регион
Пленковиќ: Новите членки на ЕУ немаат право на донесување одлуки, тоа би било како да бидете поканети на прием и да стоите напред додека другите се внатре

Хрватскиот премиер Андреј Пленковиќ денес на маргините на состанокот на Берлинскиот процес изјави дека се спротивставува на идејата новите членки на Европската унија првично да немаат целосни права на донесување одлуки. Пленковиќ учествуваше на самитот на Берлинскиот процес во Лондон, иницијатива воспоставена со цел да се приближат шест земји од Западен Балкан кон Европската унија.
Иако прашањето за проширувањето доби нов импулс поради променетите геополитички околности, некои европски политичари предупредуваат дека тоа не може да се постигне без да се промени начинот на кој функционира самата Европска Унија, особено во процесот на донесување одлуки.
Една идеја е дека потенцијалните нови членки немаат целосни права на глас сè додека ЕУ не го промени својот сегашен начин на функционирање, што им овозможува на поединечните земји да блокираат заеднички одлуки, што на пример, Унгарија често го прави.
„Оваа идеја циркулира во последните неколку години, но не сум особено ентузијастичен за тоа“, рече Пленковиќ на маргините на состанокот одржан во лондонскиот „Ланкастер Хаус“.
„Една од главните карактеристики на една држава е тоа што е почитувана. И е почитувана ако има еднакви права“, нагласи хрватскиот премиер.
Членството без право на донесување одлуки би било како „да бидете поканети на прием и да стоите напред додека другите се внатре“, смета Пленковиќ. „Не сум убеден во тоа“, додаде тој. Хрватскиот премиер рече дека пристапот на ЕУ кон проширувањето денес е многу „поотворен отколку што беше пред неколку години, земајќи ги предвид глобалните безбедносни предизвици што се одразуваат на стабилноста на Европа“.
Берлинскиот процес беше започнат во 2014 година.
Земјите кандидати треба да ја искористат оваа можност, но во исто време да ги „исполнат своите задачи“: да го прифатат acquis, да градат институции и да можат да го издржат притисокот на заедничкиот европски пазар, рече премиерот на крајот од состанокот на Берлинскиот процес.
Ова е формат започнат во 2014 година на конференција на земјите од Западен Балкан и на иницијатива на Германија, која тогаш ја водеше канцеларката Ангела Меркел. Процесот денес обединува шест земји од Западен Балкан, заедно со земјите партнери: Австрија, Бугарија, Хрватска, Франција, Германија, Грција, Италија, Полска, Словенија и Велика Британија, пишува хрвстаки „Индекс“.
Фото: принтскрин