Болеста предизвикана од коронавирус е најголемата причина за смрт во Европската Унија минатата недела и одзема 3.000 животи секој ден, изјави претседателката на Европската комисија Урсула фон дер Лаен.

„Болниците сè уште се под притисок, а во некои региони единиците за интензивна нега се преоптоварени“, рече Фон дер Лаен пред европратениците во Брисел.

„Иако овој Божик нема да биде нормален и Унијата мора да се спротивстави на поривот прерано да ги ублажи ограничувањата, светлината е видлива на крајот од тунелот, додаде таа.

Таа најави дека  европските граѓани можат да ја примат вакцината пред крајот на декември.

Откако неколку производители на вакцини пријавија ветувачки резултати од клиничките испитувања, членките на ЕУ мора да се подготват за дистрибуција на милиони дози, заклучи Фон дер Лаен.

Европската комисија постигна шест договори со најголемите фармацевтски компании во име на 27-те земји членки за набавка на вакцината.

Автомобил управуван од непознато лице удрил во оградата на канцеларијата на германската канцеларка Ангела Меркел во Берлин.

Деталите за оваа несреќа сè уште не се познати, наведува „Ројтерс“.

Allemagne : Une voiture a percuté la grille d’entrée de la chancelière Angela Merkel à Berlin, selon des témoins. pic.twitter.com/waujJCLMoB

— Rebecca Rambar (@RebeccaRambar) November 25, 2020

Во тој момент германската канцеларка се подготвувала да одржи виртуелен состанок со премиерите на покраините со цел да се разгледаат понатамошни мерки за да се спречи ширењето на коронавирусот.

Некогаш имаше најголема стапка на Ковид-19 во Југоисточна Азија, но откако во вторникот пријави 14 дена без нови локални случаи, велејќи дека го изгасил последното жариште на инфекција во работнички дом, Сингапур го искорени вирусот.

Преполни домови населени со млади, ниско платени работници, претежно од Бангладеш, Индија и Кина, беа епицентарот на ширењето на вирусот во овој град-држава на почетокот на оваа година.

И додека Сингапур не пријави ниеден случај во текот на две недели, мал број на заразени се слеваа однадвор, но тие веднаш беа изолирани, соопштија властите.

Повеќето случаи на заразени во Сингапур се забележани во објекти за сместување на работници. Властите воведоа строг карантин таму, што предизвика критики од групите за човекови права. Но, сè уште беа потребни многу месеци за да се запрат жариштата дури и кога бројот на заразени во пошироката заедница беше мал.

Во вторникот, Сингапур за прв пат тврди дека нема нови жаришта на инфекција низ целата земја од почетокот на пандемијата.

Иако животот се врати во релативна нормалност, останува задолжително носењето маски и строги правила за социјалното растојание, додека границите на земјата остануваат главно затворени.