Свет
Подољак: Војната во Украина, порано или подоцна, ќе стигне до најголемите градови во Русија

Војната во Украина, порано или подоцна, ќе допре до најголемите градови во Русија, изјави Михаил Подољак, советник на украинскиот претседател.
„Внатрешната ескалација на војната во Русија е неизбежна. Такви градови, кои се разгалени, мрзливи, кои мислеа дека живеат во друга реалност, се Москва, Санкт Петербург, Екатеринбург“, рече тој.
Подољак не прецизира кој точно и зошто ќе организира вакви напади, а како причина ја наведе неинформираноста.
Тој нагласи дека „Украина не ја напаѓа Русија“, но „логиката на војната“ му дозволува да даде таква прогноза.
Во меѓувреме, руските власти почнаа да ја подготвуваат Москва за заштита од можни удари на украински беспилотни летала, кои претходно ја нападнаа руската територија на стотина километри од борбената зона.
Во медиумите и телеграмските канали се појавија фотографии и видеа од распоредувањето системи за противракетна одбрана во главниот град.
Advisor to the Ukrainian President Mikhail Podolak:
We will hit Moscow, St. Petersburg and Yekaterinburg… This is inevitable…#Bakhmut ♥️ #Kherson#Kyiv #Lviv #Ukraine 🇺🇦#Moscow #Russia pic.twitter.com/6CabU526CD
— RakanSlmaan (@RakanSlmaan) January 24, 2023
Ракетните системи за ПВ, „Панцир“, се распоредени на покривите на седиштето на Министерството за одбрана на Русија, потоа во близина на националниот парк „Лошини остров“ и на експерименталните полиња на Академијата „Темиријазев“.
Подоцна, во близина на воениот аеродром „Остафјево“, деловниот аеродром на „Газпром“ – „Авија“, како и во близина на резиденцијата на претседателот Владимир Путин во Ново Огарево, биле забележани противвоздушни ракети „Панцир“.
Системи за противвоздушна одбрана беа инсталирани и на згради во близина на Кремљ во Москва, пренесе „Денес.рс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Ким Џонг Ун заедно со ќерката ја посети војската: На светот му покажа со што располага

Севернокорејскиот лидер Ким Јонг Ун ги обиколи војниците по повод 75-годишнината од основањето на севернокорејската војска, придружуван од неговата ќерка Ким Јо Ае.
Во таа прилика тој нагласи дека неговата армија „е сила на која не може да се одолее“, соопшти денеска севернокорејската државна агенција КЦНА.
Неговата ќерка по четврти пат се појави во јавноста заедно со нејзинитe татко и мајка Ри Сол Јо, што ги подгреа шпекулациите дека таа е можен наследник на Ким Џонг Ун, пренесува АП. Севернокорејските државни медиуми често го нарекуваат Ким Ју Ае како „почитуван“ и „сакан“.
Според аналитичарите, одлуката на Ким Џонг Ун да ја одведе својата ќерка на настани поврзани со севернокорејската војска испраќа сигнал до светот дека нуклеарното оружје е најсилната гаранција за континуираното владеење на династијата Ким.
Воената посета доаѓа бидејќи има навестувања дека Северна Кореја се подготвува за голема воена парада во Пјонгјанг. Се очекува на оваа парада Северна Кореја да ги прикаже своите најнови воени достигнувања и напредок во развојот на нуклеарно оружје, што ги загрижува земјите од регионот и САД.
Свет
(Видео) Дeвојче од Сирија спасено од под урнатините по 40 часа

Белите шлемови објавија видео од спасување на девојче од под урнатините.
Девојчето било спасено во сирискиот град Салкин, недалеку од Идлиб, а било заглавено под урнатините дури 40 часа.
Бројот на загинати во Турција и Сирија постојано расте и се менува. Според најновите податоци, досега загинати се 8400, а околу 38.000 се повредени.
Обединетите нации предупредија дека меѓу загинатите може да има илјадници деца.
Свет
Целосна катастрофа по земјотресот: Тела на улиците, се трага по преживеани, пристигнуваат спасувачки тимови од други земји

Повеќе од 8.400 луѓе загинаа во разорниот земјотрес што ги погоди јужните делови на Турција и Сирија.
Според последните податоци, повеќе од 38.000 се повредени. Илјадници згради се урнаа.
Турскиот претседател Реџеп Таип Ердоган прогласи тримесечна вонредна состојба во 10-те најпогодени провинции.
Телата на загинатите остануваат на улиците додека продолжува потрагата по преживеани. Обединетите нации предупредија дека меѓу загинатите може да има илјадници деца.
Многу земји и понудија помош на разурната од земјотресот Турција, а кинески спасувачки тим денеска слета на аеродромот во Адана, Турција, јави кинеската државна телевизија CCTV.
Тимот од 82 члена донесе 20 тони медицинска и друга помош и опрема во Турција, како и четири кучиња за потрага по преживеани. Кина претходно најави дека ќе испрати финансиска помош за Турција во износ од 5,49 милиони евра.