Контакт

Свет

Помпео ја предупреди Русија да не се меша во изборите во 2020 година

Објавено пред

Американскиот државен секретар, Мајк Помпео, ја предупреди Русија да не се меша во претседателските избори во 2020 година.

Помпео, кој пристигна во земјата во вторникот за разговори со рускиот претседател Владимир Путин и министерот за надворешни работи, Сергеј Лавров, рече дека „мешањето во американските избори е неприфатливо и ако Русите го направат тоа во 2020 година, тоа ќе ги донесе нашите односи на уште полошо место отколку досега“.

„Нема да го толерираме тоа. Нашите избори се важни и свети и тие мора да бидат слободни и фер“, додаде тој.

Сепак, за време на прелиминарните разговори, Помпео и Лавров се согласија дека мора да постои поширока соработка меѓу САД и Русија.

„Одржавме искрена дискусија за многу прашања, вклучувајќи и за многу нешта за кои не се согласуваме“, рече Помпео. „САД се подготвени да најдат заеднички јазик со Русија“.

„Ова беше искрен и корисен разговор“, рече Лавров. „Јасно е дека нашите односи биле и подобри и дека постои потенцијал за заемно корисна соработка, кој во голема мера останува неискористен“.

Тој рече и дека се надева дека ваквата бурна ситуација ќе стивне и двете земји конечно ќе можат да продолжиме да градат попрофесионален и конструктивен дијалог.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Трамп размислува да ја повика Русија на следниот Самит Г7

Објавено пред

Американскиот претседател Доналд Трамп изјави во Бијариц дека е „можно“ тој да ја покани Русија да се врати на годишниот состанок на индустриски најразвиени држави следната година кога е домаќин на самитот на Г7.
        
Во изјавата за време на работниот појадок со британскиот премиер Борис Џонсон на маргините на Самитот Г7 во Франција, Трамп рече дека размислува да испрати повик до рускиот претседател Владимир Путин.

Русија беше членка на групата која тогаш се викаше Група Осум, но повеќето други земји ја исфрлија во 2014 година поради Украина. Европските земји инсистираат на тоа дека Русија прво треба да ги спроведе мировните договори од Минск пред да и биде дозволено повторно да се приклучи на групата.
        
Трамп не кажа под кои критериуми повторно ќе ја покани Русија да учествува на годишните самити.
        

Прикажи повеќе...

Европа

Дидие Рејндерс назначен за европски комесар од Белгија

Објавено пред

Досегашниот министер за надворешни работи на Белгија, Дидие Рејндерс e назначен за европски комесар од оваа земја. Според процедурата, комесарите треба прво да бидат сослушани и потврдени од страна на европратениците.

По неколку недели остри препукувања, техничката влада во Белгија конечно се одлучи да го предложи Рејндерс за еврокомесар во следниот состав на Европската Комисија.Рејндерс доаѓа од истата политичка партија (Реформаторско движење, либерали) како и идниот претседател на Европскиот Совет, Шарл Мишел, досегашен премиер на Белгија.

Рокот за пријавување на кандидати за еврокомесари од секоја земја членка е 26 август. Само Франција и Италија сѐ уште не поднеле свои предлози.

Прикажи повеќе...

Свет

НАСА објави вознемирувачки снимки од пожарите кои ги уништуваат ,,белите дробови” на светот

Објавено пред

Вознемирувачки сателитски снимки на НАСА од вселената укажуваат на огромниот размер на пожарите што ја зафатија Амазонија која се нарекува и „белите дробови на светот“.Фотографиите на НАСА покажуваат дека ситуацијата во неколку бразилски држави е застрашувачка.Повеќе од половина од пожарите се наоѓаат во огромниот басен на Амазон, каде живеат повеќе од 20 милиони луѓе.

Пожарите беснеат со рекордна стапка во бразилската дождовна шума во Амазон, а научниците предупредуваат дека може да се случи уништувачки удар во борбата против климатските промени.Станува збор за најголем број на пожари кои избувнале од 2013 година, кога ситуацијата на терен почнала да на следи Националниот институт за истражување на вселената (познат по кратенката INPE).

Оваа година има 72.843 пожари во Бразил, повеќе од половина во регионот Амазон, соопшти ИНПЕ. Тоа е повеќе од 80% зголемување во однос на истиот период минатата година.

Амазон честопати се нарекува ,,белите дробови на планетата”, бидејќи произведува 20% од кислородот во земјината атмосфера. Се смета дека е од витално значење за забавувањето на глобалното затоплување и е дом на безброј видови на фауна и флора.

Драматичните слики и видеата на социјалните мрежи покажуваат огромни облаци од чад што се издигаат од зеленилото и огнени линии, оставајќи пустош зад себе.

Чадот достигна сè до Сао Паоло, оддалечен повеќе од 1.700 милји. Сликите од градот го прикажуваат небото прекриено од чад и пепел.

Сателитската програма на Европската унија, Коперник, објави мапа на која се гледа чад од пожарите што се шират низ Бразил до источниот атлантски брег. Чадот опфаќа скоро половина од земјата и дури се прелева во Перу, Боливија и Парагвај. Реката Амазон се протега низ неколку од овие јужноамерикански земји, но мнозинството – повеќе од две третини – од дождовните шуми се во Бразил.

Според ИНПЕ, површина колку едно ипол фудбалско игралиште се уништува секоја минута во пожарите во шумите на Амазон.

Прикажи повеќе...

Најново

Свет5 минути

Трамп размислува да ја повика Русија на следниот Самит Г7

Американскиот претседател Доналд Трамп изјави во Бијариц дека е „можно“ тој да ја покани Русија да се врати на годишниот...

Свет35 минути

НАСА објави вознемирувачки снимки од пожарите кои ги уништуваат ,,белите дробови” на светот

Вознемирувачки сателитски снимки на НАСА од вселената укажуваат на огромниот размер на пожарите што ја зафатија Амазонија која се нарекува...

Топ1 час

Пожар во селото Опеница, чадот се шири накај Охрид

Пожар од вчера попладне го зафати селото Опеница, кое се наоѓа на 8 километри од Охрид, а силниот чад се...

Европа2 часа

Уапсени 68 учесници на протестот против Самитот Г7 во Франција

Француските власти соопштија дека уапсиле 68 лица кои учествувале на напнатиот протест во близина на Бијариц, каде се одржува самитот...

Регион2 часа

Вучиќ: Пред Србија е тешка есен и компликувана зима

Српскиот претседател Александар Вучиќ за ТВ Пинк изјави дека не може да ги толкува или да зборува за важноста на...

Спорт2 часа

Ѓоковиќ: Мојата сопруга е помоќна од мене – секогаш пишува нешто

Новак Ѓоковиќ во ново интервју пред САД опен во Њујорк, последниот гренд слем од сезоната, се отвори за својот личен...

Македонија3 часа

Прв рок за упис на скопскиот универзитет на 29 и 30 август

Првиот рок за упис во прва година додипломски студии во учебната 2019/2020 година на Универзитетот „Св. Кирил и Методиј“-Скопје е...

Спорт3 часа

Ковалев го „здроби“ Јарди во 11. рунда, сега го сака Канело (видео)

Шампионот Сергеј Ковалев го „уништи“ британскиот предизвикувач Ентони Јарди со нокаут во 11. рунда од нивниот меч за ВБО титулата...

Свет15 часа

Над 1 600 нови пожари во Амазонија, на терен испратени 44 илјади војници

Над 1 600 нови пожари продолжуваат да ја уништуваат Амазонската прашума, поради што на тарен се испратени авиони како и...

Македонија17 часа

ЗНМ и СЕММ бараат медиумите да се држат до професионалните стандарди, а политичарите да се воздржат од тужби

Здружението на новинарите на Македонија (ЗНМ) и Советот за етика во медиумите на Македонија (СЕММ) сметаат дека јавните функционери треба...

Македонија18 часа

(Видео) Заев се надева дека со опозицијата консензуално ќе го донесат законот за јавно обвинителство

Премиерот Зоран Заев денеска во Општина Новаци, на настанот по повод увидот на напредокот на работите на магистралниот гасовод Неготино...

Свет18 часа

Во пожар на Алјаска изгореа 51 куќа и три згради

Шумски пожар којшто гори северно од Анкорејџ, Алјаска, уништи 51 куќа и три деловни згради, соопштија властите. Уништени се и...

Европа18 часа

Макрон апелираше за помош за сузбивање на пожарите во Амазонија

Францускиот претседател Емануел Макрон изјави денеска пред почетокот на самитот на Г7 во Бијариц дека ги повикува сите светски сили...

Македонија22 часа

(Видео) Заев ќе тужи за клевета по објавата на записникот за случајот „Рекет“

Премиерот Зоран Заев денеска oд Прилеп најави тужба за клевета, повикувајќи го обвинителството да ја потврди веродостојноста на записникот кој...

Регион22 часа

Во Словенија просечната плата изнесува 1.108 евра

Просечната нето плата во Словенија во јуни 2019 година била 1.107,96 евра, што е за 0,8 проценти пониска од просечната...

Македонија1 ден

Обвинителството ќе утврдува како документи од „Рекет“ протекле во јавноста

Основното јавно обвинителство за гонење на организиран криминал и корупција најостро го осудува објавувањето на нелегално добиени документи од истрагата...

Македонија1 ден

Германски државјанин што се барал со потерница, живеел со лажен идентитет на Попова Шапка

Педесет и петгодишен Германец кој германската полиција го бара за набавка на 700 килограми кокаин деновиве бил приведен во земјава....

Македонија1 ден

Еден мигрант загина, а 12 се повредени во несреќата кај Демир Капија, возачот побегнал

Едно лице од Бангладеш почина, а 12 други се повредени во сообраќајната несреќа што се случи синоќа на автопатот Демир...

Македонија1 ден

Владејачката партија најавува за 5 отсто повисоки плати во образованието од септември

Платите во основното, средното и високото образование, како и кај јавните високообразовани установи растат за 5 отсто, почнувајќи од исплатата...

Македонија1 ден

До вторник во попладневните часови ќе врне дожд

Од денеска до вторник во попладневните часови ќе има зголемување на облачноста, соопшти Управата за хидрометеоролошки работи. Метеоролозите најавуваат услови...

Досие