Свет
Поради палењето на Куранот, Данска ја зајакна граничната контрола
Данската полиција ги зајакнува граничните контроли откако недамнешното палење на Куранот влијаеше на безбедносната ситуација, соопшти Министерството за правда по сличната одлука на Шведска претходно оваа недела.
Антиисламските активисти во Данска и Шведска запалија и оштетија неколку копии од муслиманската света книга во последните месеци, што предизвика бес во муслиманскиот свет и барања до владите да ги забранат таквите дела.
„Властите денеска заклучија дека во овој момент е неопходно да се зголеми фокусот на тоа кој влегува во Данска за да се одговори на конкретни и актуелни закани“, се вели во соопштението на данското министерство. Засилените гранични контроли ќе стапат во сила од 10 август“, се вели во соопштението.
„Недамнешното палење на Куранот, како што тврди безбедносната полиција, влијаеше на моментната безбедносна ситуација“, рече во изјавата министерот за правда, Питер Хумелгард.
Одлуката за заострување на граничните контроли со повеќе проверки на патниците што доаѓаат во Данска следува по сличен потег на Шведска.
Двете влади го осудија палењето и рекоа дека размислуваат за нови закони, кои би можеле да го запрат. Но, домашните критичари велат дека ваквите одлуки ќе ја поткопаат слободата на говор заштитена со нивните устави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Поплави во Европа: Во Полска пукна брана, настрада едно лице
Циклонот Борис предизвика поројни поплави низ Европа, а ситуацијата сега е на критично ниво.
Браната во југозападна Полска попушти под силните поплави по обилните дождови, додека Чешка и делови од Австрија сè уште се справуваат со невремето што ја погоди централна и источна Европа.
Локалните власти во општината во Долна Шлезија соопштија дека браната пукнала и покрај напорите да се пренасочи водата и да се спречи поплава. Регионалната управа за води во Вроцлав ја опиша ситуацијата како критична, поради што селата во пониските региони беа евакуирани.
Video of the overflowing dam in Międzygórze, Poland…😫pic.twitter.com/V83Tw1Sd2a
— Volcaholic 🌋 (@volcaholic1) September 14, 2024
Едно лице се удави, а 1.600 луѓе се евакуирани во во југозападна Полска.
Ново видео објавено на социјалните мрежи покажува дека водата речиси стигнува до првиот кат од зграда во Полска.
Torrential rain from Storm Boris continues to cause severe flooding across Central and Eastern Europe.
Further downpours expected in the next couple of days.
Klodzko county in southwest Poland. pic.twitter.com/s4pLCChBBa
— BBC Weather (@bbcweather) September 15, 2024
Свет
(Видео) Критично во Австрија: Поплавен автопат, улиците во Виена под вода, спасувачите на терен
Поради поплави предизвикани од обилните дождови, илјадници луѓе денеска се евакуирани во Чешка, Полска и долна Австрија, која е прогласена за зона на катастрофа.
Водостојот на реките во Централна Европа продолжува да расте, вклучувајќи го и Дунав.
Во Австрија поројот целосно го потопи автопатот помеѓу Сент Полтен и Виена којшто е затворен за сообраќај.
Службите за итни случаи со часови се борат со обилните врнежи што доведоа до поплави. Ситуацијата сега е критична и во Виена, каде што почна евакуацијата на загрозените жители. Во акцијата во Тулин загина еден пожарникар, а во спасувањето на граѓаните учествуваа и хеликоптери.
Ein Black Hawk S-70 des #Bundesheer ist im Einsatz bei der B19 bei Markersdorf. Lebensrettung zweier Personen. pic.twitter.com/h9yCGs31IJ
— Michael Bauer (@Bundesheerbauer) September 15, 2024
Поплавите предизвикани од циклонот Борис доведоа до излевање на река во Виена. Поплавени се куќите во 14-тиот арондисман, а луѓето се итно евакуирани. Пожарникарите се на терен и предупредуваат дека ситуацијата дополнително може да се влоши, бидејќи во текот на денот се очекуваат рекордни врнежи.
Wien hochwasser #donaukanal #strandbarhermmann #urania #wienfluss pic.twitter.com/qCeE09xa2g
— kaufroli (@kaufroli) September 15, 2024
Итните служби на виенската професионална противпожарна бригада биле повикани на повеќе од 1.100 интервенции во последните 24 часа. Околу половина од тие интервенции се поради врнежите, а другата половина поради ветер.
💦 Die Wien, 9h in der Früh. Höhe U4 Unter St. Veit. #Wienfluss #Hochwasser #Wien pic.twitter.com/751y5EXM3H
— clang⭐️ (@Christine_clang) September 15, 2024
Во Будимпешта, властите предупредија на прогнозите дека нивото на водата на Дунав ќе се зголеми на над 8,5 метри, што е блиску до рекордот од 8,91 метри поставен во 2013 година, бидејќи дождот продолжи да паѓа и во Унгарија и Словачка.
Свет
(Видео) Членовите на историската мисија „Спејс Икс“ слетаа на Земјата
Екипажот на „Спејс Икс Поларис Дон“ се врати на Земјата по пет дена во орбитата, по историската мисија која ја вклучи првата приватна вселенска прошетка во историјата.
Капсулата „Драгон“ паднала во морето во близина на брегот на Флорида, јавува „Би-би-си“.
„Добредојдовте назад на Земјата“, објави „Спејс Икс“ на социјалната мрежа „Икс“.
Splashdown of Dragon confirmed! Welcome back to Earth, @rookisaacman, @kiddpoteet, @Gillis_SarahE, @annawmenon pic.twitter.com/nILpMQh2sR
— SpaceX (@SpaceX) September 15, 2024
Американската вселенска агенција НАСА соопшти дека мисијата претставува голем чекор напред за комерцијалната вселенска индустрија.
Вчера, екипажот ја искористи сателитската мрежа „Старлинк“ на „Спејс Икс“ за да воспостави директна видео врска со Земјата.
Мисијата ја финансираше милијардерот Џаред Исакман. Нему му се придружија Скот Потет, пензиониран пилот на американските воздухопловни сили и вработените во „Спејс Икс“, Сара Гилис и Ана Менон. Исакман и Гилис се првата непрофесионална екипа која изведе вселенска прошетка, многу ризичен маневар кој вклучува излез од вселенското летало.
Пред тоа, тоа можеа да го сторат само астронаутите со вселенски агенции финансирани од владата.
Во исто време, „Драгон“ успеа да достигне височина од околу 1.400 километри, што е повисока од кој било друг лет со екипаж од слетувањето на месечината на НАСА пред повеќе од 50 години и три пати поголема од висината на Меѓународната вселенска станица.
Говорејќи на контролата на мисијата во Хоторн, Калифорнија за време на вселенската прошетка, Исакман рече: „Сите сме многу зафатени дома, но оттука светот изгледа како совршено место“.