Свет
Поранешен американски разузнавач: Време е да се каже вистината за вонземјаните, луѓето можат да се носат со тоа!

Кристофер Мелон, поранешен американски разузнавач, ја повика федералната влада да објави информации за наводен проект за обратен инженеринг (процес на репродукција на технологија или производ, т.е. обратна анализа и истражување за да се одреди составот и компонентите, како се направени и функција, функционални карактеристики итн.) која вклучува неидентификувани летечки објекти (НЛО).
Мелон, поранешен заменик-помошник секретар за одбрана за разузнавање, кој е специјализиран за НЛО, напиша во авторски текст во изданието на Политико објавено во саботата дека добил извештаи оти владата се вклучила во „проект за обратен инженеринг“ во кој се вклучени НЛО. Тој ја повика владата да ги објави сите записи, пренесува Њузвик, кој не може самостојно да ги потврди извештаите.
Мелон наведува дека упатил четворица сведоци до Канцеларијата за решавање на аномалии на сите домени (AARO – канцеларија во рамките на Канцеларијата на секретарот за одбрана која истражува НЛО и други феномени во воздухот, морето, вселената и на копното) кои тврделе да има сознанија за тајна владина програма „која вклучува анализа и експлоатација на материјали пронајдени од несветски (земјени) летечки објекти“, и дека бил контактиран од други извори за „наводна тајна програма за обратно инженерство на американската влада“.
Тој наведе голем број причини зошто смета дека сите информации за овие наводни проекти треба да бидат јавни. Мелон посочува дека Американците „имаат право да ја знаат вистината“ за тоа дали владата има проекти за обратно инженерство на НЛО и дека луѓето „можат да се носат“ со какви било информации за вонземјани.
Откривањето на таквите информации, исто така, може да им помогне на глобалните лидери „да развијат ефективно одвраќање“ против напад, напиша тој, истакнувајќи дека нема знаци на „агресија“.
Мелон, исто така, појасни неколку научни предности од откривањето на какви било информации.
„Ако сме репродуцирале неземјени технологии, нашите најдобри и најпаметни умови треба да бидат ангажирани во нивното оценување. Претпоставувајќи дека технологијата на погон на неидентификувани аномални феномени (UAP) е различна од се што е познато на јавноста, успешна програма за обратно инженерство може да доведе до револуција во енергијата, транспортот и технологијата на материјали. Можеби ќе можеме да ја забрзаме транзицијата кон чиста и евтина енергија, можеби дури и да развиеме суперспроводливи материјали и погонски технологии кои сега се тема на холивудските филмови“, вели поранешниот разузнавач.
Мелон не е првиот човек што го поставил прашањето за обратното инженерство на НЛО. Американскиот конгресмен Тим Бурчет, републиканец од Тенеси, во март изјави за „Њузвик“ дека верува дека „во одреден момент најдовме летало, а можеби и суштества“. „Мислам дека многу работи во моментов се измислуваат обратно, но ние едноставно не го сфаќаме тоа“, рече конгресменот.
Во април, војската на Соединетите Држави декласифицираше досега видени видеа од НЛО за време на сослушувањето во Сенатот.
Гледањето на НЛО со векови го буди интересот на милијарди луѓе ширум светот. Иако овие гледања често се лесно објаснети – понекогаш тоа се вообичаени вселенски објекти како метеори или воена опрема – тие често наведуваат многумина да размислуваат за можноста за вонземски живот. Во последниве години, очите на јавноста повторно беа свртени кон НЛО, а многумина ја повикаа американската влада да биде потранспарентна во врска со забележаните појави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Повеќе од 200 луѓе се повредени во експлозијата во Нагорно-Карабах

Најмалку 200 лица се повредени, а неутврден број луѓе загинале во силната експлозија што се случи во складиште за бензин недалеку од патот Степанакерт-Аскеран, јавија ерменските медиуми.
Причината за експлозијата се уште е нејасна.
Azerbaycan – Karabağ
Hankendi yakınlarında bir benzin istasyonunda patlama oldu.
Çok sayıda ölü ve yaralı olduğu söyleniyor. pic.twitter.com/KaidyvtZlQ
— Furkan (@Frknwar3) September 25, 2023
-Потребна е итна воздушна евакуација на ранетите, бидејќи ресурсите на медицинскиот центар во Степанакерт се недоволни, изјави народниот правобранител на Нагорно-Карабах.
Свет
Експлозија во складиште за гориво во Нагорно Карабах, има жртви и многу повредени

Силна експлозија со многу жртви во складиште за гориво се случи вечерва во близина на автопатот Степанакерт-Аскеран во регионот Нагорно-Карабах.
Сепаратистичките власти во регионот соопштија дека има многу повредени кои се пренесени во болница. Деталите за инцидентот се уште се оскудни. Спасувачките екипи се на местото, соопштија официјални лица.
Има голем број на луѓе со изгореници, но нема доволно лекови за да се пружи помош, пренесува Спутник Ерменија, повикувајќи се на извори од болницата, пренесува Ројтерс.
Регион
„Од вчера ништо не може да биде исто“: Курти на комеморацијата за убиениот полицаец

Косовскиот премиер Албин Курти на комеморацијата за убиениот косовски полицаец Африм Буњаку изјави дека „од вчера ништо не може да биде исто“.
„Фактите излегоа пред нас, во нашите очи и во очите на меѓународната заедница, како и во очите на сите оние кои имаат храброст и волја да ја видат вистината за регионот во кој живееме“, рече Курти во својот говор, соопшти Владата на Косово.
„Денес во нашата земја е ден на жалост поради заедничката тага и болка за Африм Буњаку, нашиот полициски наредник кој вчера го загубивме. Но, денеска е и денот кога на полицаецот Африм Буњаку ќе му бидат доделени највисоките национални почести, бидејќи заедно со тагата и болката чувствуваме гордост и доверба за Африм и за сите косовски полицајци“, рече премиерот на Косово.
Курти потсети дека Буњаку бил убиен вчера од „група тешко вооружени, опремени и професионално обучени луѓе“.
„ Законитост и уставност, мир и безбедност, за секого и за се без разлика“, рече Курти.
На овој комеморативен собир, постхумно му беше доделен највисокиот орден на Африм Буњаку.