Најновата акција на Федералната полициска управа, во која е уапсен дилер од Сараево, од кого купувале дрога главно државјани на Алжир, Мароко и Пакистан, е уште една потврда дека мигрантите кои доаѓаат во БиХ со себе носат бројни безбедносни проблеми и дека Балканската рута е повторно оживеана, пишува во сараевски „Дневни аваз“.

Тоа се лица кои нелегално влегле на територијата на БиХ, односно нелегални мигранти.

Полицијата на Унско-санскиот кантон открила и одредена количина на дрога од разни видови во последните десет рации во мигрантските кампови Бира, Липа, Мирал.
Повеќето мигранти доаѓаат од Пакистан, а потоа следат Бангладеш, Ирак, Авганистан, Иран, Сирија …

Мигрантите од Пакистан и Авганистан со себе носат посебен безбедносен аспект, затоа што, според извештајот на Стејт департментот, овие две земји се прогласени за најголем светски производител и дистрибутер на дрога.

Пакистан е прогласен за еден од најголемите светски транзитни коридори за опијати.

„Опијатите се тргуваат преку порозни граници со Авганистан и Иран. Пристаништата, аеродромите, поштенските услуги и нерегистрираните крајбрежни области на Пакистан овозможуваат дистрибуција на нелегални дроги на глобално ниво. Канцеларијата на ООН за дрога и криминал проценува дека Пакистан е транзитна земја за 45% од опијатите произведени во Авганистан. Истражувањето на оваа канцеларија покажа дека Пакистан има 6,7 милиони корисници на дрога, се наведува во извештајот на Стејт департментот, пишува сараевскиот весник.

Во извештајот се посочува дека дрогата што минува низ Пакистан е наменета за глобалниот пазар, а пакистанските сили се во можност да пресретнат само мал дел. Во 2019 година пакистанските агенции за спроведување на законот тврдат дека раскинале 11 ланци на трговија со дрога. За 10 месеци од минатата година, запленети се приближно шест тони морфиум и хероин, како и 7,9 тони опиум.

Министерот за внатрешни работи на сараевскиот кантон, Исмир Јушко, рече дека речиси не постои кривично дело што мигрантите не го сториле.

„Сведоци сме дека со лицата кои нелегално влегуваат во БиХ, мигранти, доаѓаат бројни безбедносни проблеми. Насилство, поседување оружје, кражба, наркотици, сето тоа доаѓа со мигрантит“, вели Јушко.

Во кабинетот на германската канцеларка Ангела Меркел, откриено е лице кое со години шпионирало за египетската разузнавачка служба.

Станува збор за соработник на главниот портпарол на германската влада, Штефан Сајберт, кој бил разоткриен како египетски таен агент.

Вработениот во службата за прес и информации на германската влада е осомничен дека повеќе години работел во египетската разузнавачка служба.

Федералната криминалистичка служба презеде извршни мерки против лицето во декември минатата година, по наредба на федералното обвинителство, се наведува во извештајот за безбедност, кој беше претставен во Берлин.

Истрагата е сè уште во тек.

Обвинителството за германски „Билд“ потврди дека е покрената истрага против лицето поради сомневање за разузнавачки активности.

Според весникот, осомничениот во владата бил државен службеник на средно ниво.

Федералната прес служба не сакаше да го коментира случајот, потенцирајќи дека тие не се мешаат во тековни истраги.

Заводот за образование во Хонгконг објави дека сите училишта престануваат да работат поради зголемувањето на бројот на случаи на коронавирус.

Повеќето училишта во азискиот финансиски центар главно се затворени уште од февруари, а многумина се префрлија на учење и предавање преку интернет. Покрај тоа, летните одмори започнаа во голем број меѓународни училишта, пишува „Ројтерс“.

Вчера имаше 42 нови случаи во Хонгконг, втор ден по ред со зголемување на бројот на локални инфекции. Министерот за образование, Кевин Јунг, рече дека учениците и родителите на учениците биле меѓу оние што неодамна биле заразени.

Досега во градот се пријавени вкупно 1.366 случаи на „Kовид-19“, а седум лица починале.