Свет
Потона брод со Рохинџи од Мјанмар: има 23 загинати и 30 исчезнати
Брод полн со Рохинџи од мјанмарската држава Ракин потона, при што загинаа најмалку 23 лица. Триесет се уште се водат како исчезнати, додека осум лица преживеале.
Преживеаните изјавиле дека се обидувале да стигнат до Малезија кога нивниот брод со повеќе од 50 патници потонал и екипажот го напуштил бродот, пренесува „Би-Би-Си“.
Секоја година, илјадници Рохинџи, се обидуваат да стигнат до Малезија или Индонезија со брод, бегајќи од прогонот во Мјанмар и преполните бегалски кампови во Бангладеш.
Меѓу загинатите оваа недела има 13 жени и 10 мажи. Сите биле муслимани, соопшти спасувачката екипа.
Преживеаните од овонеделниот потонат брод се сеќаваат дека биле погодени од голем бран во близина на главниот град на Ракин.
Тие велат дека шверцерите, на кои им биле платени околу 4.000 долари по човек за да патуваат во Малезија, потоа го напуштиле бродот.
Телата на жртвите биле подигнати од други бродови или морето ги фрлило на плажата.
Муслиманските Рохинџи се етничко малцинство во мнозинскиот будистички Мјанмар.
Многумина од нив побегнаа од геноцидот на бурманската армија во Бангладеш во 2017 година. А оние кои останаа во Мјанмар се обидуваат да избегаат од 2021 година, кога се случи воениот удар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Британскиот премиер: Ги ставаме нашите бази на располагање на Американците
Велика Британија го прифати барањето од Соединетите Американски Држави да користи британски воени бази за напади врз ирански ракетни објекти, изјави премиерот Кир Стармер во неделата навечер, нагласувајќи дека Лондон „нема да учествува во офанзивни акции против Иран“.
„Се сеќаваме на сите грешки направени во Ирак и научивме од нив“, рече британскиот премиер во видео објавено на Икс. „Не бевме вклучени во првичните напади врз Иран… и нема да им се придружиме сега“.
My update on the situation in the Middle East. pic.twitter.com/DvsOVcTDMy
— Keir Starmer (@Keir_Starmer) March 1, 2026
Сепак, Иран сега „спроведува стратегија на изгорена земја, а Велика Британија ја поддржува колективната самоодбрана на нашите сојузници и нашите луѓе во регионот“.
Стармер рече дека неговата земја затоа го прифатила барањето на САД за користење на британските бази за одбранбени напади против иранските ракетни складишта или лансери.
„Соединетите Американски Држави побараа дозвола за користење на британските бази за оваа специфична и ограничена одбранбена цел. Одлучивме да го прифатиме барањето за да го спречиме Иран да испукува ракети низ регионот“, рече Стармер.
Свет
Германија, Франција и Обединетото Кралство најавија пропорционални чекори против Иран, можно е уништување ракети и беспилотни летала
Обединетото Кралство, Франција и Германија, познати како Е3, објавија заедничка изјава за нападите на Блискиот Исток. Ги опишаа иранските ракетни напади како „неселективни и непропорционални“ и рекоа дека ќе „преземат чекори“ за да ги заштитат своите национални интереси и интересите на сојузниците во регионот.
Во изјавата се вели дека овие чекори потенцијално би можеле да вклучуваат преземање неопходни и пропорционални одбранбени мерки за уништување на иранските ракети и беспилотни летала.
Лидерите се согласија да соработуваат со Соединетите Американски Држави и другите сојузници во регионот.
Британското Министерство за надворешни работи соопшти дека 94.000 британски граѓани го регистрирале своето присуство во земјите од Заливот кај владата.
Фото: Депозитфотос
Свет
Иран започна нов напад врз Израел
Нови сирени се огласија низ јужен Израел поради ирански напад со балистички ракети. Во централен Израел, медицинските лица велат дека скенираат откако добиле извештаи за места каде што паднале фрагменти од ракети.
Засега нема извештаи за повредени.

