Таткото на американскиот државен секретар, Ентони Блинкен, Доналд, поранешен американски дипломат и инвестициски банкар, почина на 96-годишна возраст, пренесува АП.

Блинкен ја објави веста за смртта на својот татко, кој почина вчера, во серија твитови додека присуствуваше на годишното Генерално собрание на ОН, наведува американската агенција.

„Моето семејство загуби родител и дедо, извор на љубов и инспирација, татко ми Доналд Блинкен“, напиша американскиот државен секретар.

Тој рече дека Доналд Блинкен починал мирно во својот дом во Ист Хемптон, Лонг Ајленд.

My family lost a parent and grandparent, a source of love and inspiration — my father Donald Blinken. A member of the U.S. Army Air Corps, a U.S. Ambassador, president of the Mark Rothko Foundation, chair of the State University of New York dad served his city, state and country.

— Antony Blinken (@ABlinken) September 23, 2022

„Припадник на Воздухопловниот корпус на американската армија, американски амбасадор, претседател на одборот на директори на Фондацијата ‘Марк Ротко’ и Државниот универзитет во Њујорк, тато му служеше на својот град и држава“, рече Блинкен и додаде дека татко му  му бил инспирација за тој да се определи за јавна служба.

Ентони Блинкен откажа неколку настани на кои требаше да присуствува на Генералното собрание на ОН во четвртокот вечерта поради влошената здравствена состојба на татко му, а неговиот распоред денес ќе биде приспособен за да вклопат на семејните обврски, изјави претставник на Стејт департментот.

Доналд Блинкен беше претседател на Одборот на доверителите на Државниот универзитет во Њујорк од 1978 до 1990 година и американски амбасадор во Унгарија од 1994 до 1997 година за време на администрацијата на Клинтон, според АП.