Свет
По речиси една година пандемија, во светот постојат земји што не пријавиле ниту еден случај

Пандемијата на коронавирусот трае речиси една година, а сепак во светот има девет земји што официјално не пријавиле ниту еден случај на Ковид-19.
Тоа се Северна Кореја, Туркменистан, Самоа, Кирибати, Сојузните Држави на Микронезија, Тонга, Палау, Тувалу и Науру, пренесува „Б92“.
Најголемата од сите, Северна Кореја (25,7 милиони жители), објави дека има еден сомнителен случај на 26 јули, но подоцна наводно со тест било потврдено дека лицето е негативно.
Северна Кореја беше првата земја што целосно ги затвори своите граници кога почна пандемијата на 21 јануари.
Туркменистан (шест милиони жители), централноазиска земја лоцирана помеѓу Казахстан, Узбекистан, Таџикистан, Иран и Авганистан, границите ги затвори пред еден и пол месец и нема пријавено ниту еден случај на корона.
Постојат шпекулации дека официјалните извештаи не одговараат на реалната состојба, а оваа земја особено го привлече светското внимание кога нејзините официјални лица во еден момент рекоа дека го забраниле постоењето на вирусот, иако подоцна следуваше дообјаснување дека станува збор за погрешно пренесена изјава.
Самоа е пацифичка земја со 200.000 жители, која воведе рестриктивни мерки на 25 март, а воздушниот сообраќај беше целосно прекинат.
Кирибати (120.000 жители) исто така не пријави случаи на Ковид-19, а од 30 март училиштата беа затворени само две недели.
Сојузните Држави на Микронезија (115.000 жители) исто така бргу ги забранија меѓународните летови и најпрвин ги стопираа летовите од Кина, како и пристигнувањето кинески државјани.
Тонга (105.000 жители) има строги мерки од февруари, а кога во земја во околината беше забележан случај на коронавирус, Тонга ги затвори своите граници за странци дозволувајќи им само да ја напуштат земјата.
Палау (18.000 жители), друга островска држава на Пацификот, не забележа ниту еден случај на коронавирус, иако имаше еден сомнителен случај на патник што дошол од Гуам, но тој бил негативен на тестирањето.
Тувалу (12.000 жители) се смета за една од најмалку посетуваните земји во светот бидејќи има помалку од 200 туристи годишно. Оттука не е изненадувачки што тие немаат забележано ниту еден случај на Ковид-19.
Науру (11.000) е толку мала земја што можете да ја обиколите за еден ден и без поголеми проблеми успеа да остане зона без Ковид-19, а заедно со Тувалу на годишно ниво има најмалку туристи во светот, пренесува „Б92“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: За 72 часа Србија ќе биде втора во Европа и петта во светот според стапката на вакцинација

Србија во моментов е четврта во Европа според стапката на вакцинација, верувам дека во следните 72 часа ќе бидеме втори во Европа, а во исто време ќе можеме да достигнеме дури петто место според стапката на вакцинација во светот, изјави вечерва српскиот претседател Александар Вучиќ.
„ Пред нас се Велика Британија, Малта и Данска. Верувам дека за 48 часа, односно 72 часа, ќе ги претекнеме 2 и 3 и дека ќе бидеме втори. Верувам дека можеме да бидеме 5-то место во светот, сега сме на 9. Јас им честитам на граѓаните на Србија и на фактот дека се искачивме високо однос на економијата и заштитата на здравјето на нашите граѓани“ реч Вучиќ.
„ И денес имаме над 42.000 лица кои се вакцинирани. Речиси е невозможно да се набави вакцина. Потпишавме договор и добивме помалку вакцини, сè што добивме беше заради нашата снаодливост и затоа што се подготвивме однапред“ додаде Вучиќ.
Тој истакна дека имаат зачувани вакцини за ревакцинација и дека доколку ова темпо продолжи, вакцини „ имаме за уште седум, осум дена“.
„ Сите оние кои примиле или ќе примат, имаме зачувана вакцина за ревакцинација. Сигурен сум дека ќе обезбедиме уште една количина вакцини, една доза од 100.000 вакцини. Не можам да ви кажам ништо повеќе сега. Ќе продолжиме со тоа, се бориме со сè, чекаме одговор од Русија, проблемот е заради нив, тие имаа проблем во некои фабрики. Ќе го повикам и кинескиот премиер ако е потребно …“ нагласи Вучиќ.
Свет
Бајден му порача на претседателот на Мексико дека ќе ја смени американската имиграциска политика

САД планираат да направат пресврт во „драконскиот“ пристап на администрацијата на Трамп, кон имиграцијата и повеќе да се справат со причините за иселувањето, му рече американскиот претседател Џо Бајден на својот мексикански колега, соопшти Белата куќа.
Во телефонскиот разговор со Андрес Мануел Лопез Обрадор, Бајден го истакна неговиот план за создавање нови можности за легална имиграција и подобрување на процесот за барателите на азил, соопшти Белата куќа. Приоритет е „пресврт во драконската имиграциска политика на претходната администрација“, се вели во соопштението.
Двајцата водачи се согласија да соработуваат за да се намали „илегалната миграција“.
Мексико ќе игра голема улога во плановите на имиграционите реформи на Бајден. На почетокот на овој месец, Мексико помогна да се задржи голем караван мигранти што се упатуваат кон САД во Централна Америка.
Мексиканското Министерство за надворешни работи исто така соопшти дека започнало преговори со Вашингтон за регулатива во врска со ковид-19, потпишана од Бајден за воспоставување посилни здравствени протоколи за луѓето што влегуваат на територијата на САД.
Свет
(Видео) Шварценегер се вакцинираше против коронавирус од автомобил

Во САД масовно се спроведува вакцинацијата на населението против коронавирус. Со оглед на големиот број заразени но и смртни случаи вакцинирањето се спроведува исто како и тестирањето – и во автомобил.
Токму таков начин на вакцинирање, иако чекал со часови, избрал и познатиот актер и поранешен гувернер на Калифорнија, Арнолд Шварценегер.
„ Денес беше добар ден. Никогаш не сум бил посреќен да чекам во ред. Ако сте во состојба придружете ми се и пријавете се за вакцина. Дојдете со мене ако сакате да живеете“, напиша Шварценегер под видеото кое го постави на својот профил на Инстаграм.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Црна хроника2 месеци
Млада девојка од Штип пронајдена мртва во нејзиниот дом
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија2 месеци
(Видео) Отстранети два нелегално изградени објекта во општина Центар
- Спорт3 месеци
Гетџи: По мечот со Хабиб, мојата мајка конечно ќе може да се пензионира
- Македонија1 месец
Возачот на „бентлито“ што „влета“ на плоштад казнет со 45 евра, објавена фотографија од записникот