Маж на 61-годишна возраст од кинескиот град Вухан починал од пневмонија, откако во градот се појавил вирус што допрва треба да се идентификува, а седум лица се наоѓаат во критична состојба, дознаваат кинеските медиумите од болнички извори.

Kај 41 лице досега е дијагностициран вирусот, а првите лабораториски тестови упатуваат за нов тип корона вирус, се наведува во соопштението објавено на интернет страницата на Министерствто за здравство на Вухан.

За непознатиот вирус се вели дека е причина за пневмонија, пренесува Ројтерс.

Двајца пациенти биле отпуштени од болница, а остантите биле во стабилна состојба.

За 739 лица кои биле во блиски контакти со пациентите утврдено е дека немаат вирус.

Првата жртва на вирусот, што се појави во декември, бил редовен купувач на рибниот пазар во градот и кај него и претходно биле дијагностицирани абдоминални тумори и хронична болест на црниот дроб.

Заради вирусот расте и загриженоста за патувањата што Кинезите треба да ги имаат околу кинеските новогодишни празници што почнуваат кон крајот на јануари, а кинеските власти очекуваат 440 милиони да патуваат со железница и уште 79 милиони со авион.