Свет

Претседателот на Туркменистан подигна златен споменик на куче во време кога земјата е во криза

Објавено пред

2 недели

- 12 ноември, 2020

Од

Претседателот на Туркменистан во главниот град откри златен споменик посветен на неговата омилена раса кучиња – средноазиски овчар.

И додека Туркменистан, како и целиот свет, се бори со кризата поради пандемијата, во главниот град Ашгабат осамна споменик висок 6 метри.

Средноазискиот овчар, попознат како алабаи, е национален симбол на Туркменистан и не е првпат претседателот Гурбангули Бердимухамедов да ѝ посвети нешто на оваа раса. Имено, минатата година тој му посвети една книга на своето омилено куче.

Величествениот споменик е подигнат во делот на градот каде што живее претежно сиромашно население и никој не знае колку чинела неговата изградба.

Meanwhile, Turkmenistan’s president Gurbanguly Berdymukhamedov has just unveiled a gisnt statue of his favorite dog pic.twitter.com/NSlIlXbAoH
— Piotr Zalewski (@p_zalewski) November 12, 2020

За време на откривањето на споменикот, на едно момче му беше подарено кутре од ова расно куче, како и рачно везен тепих и тркачки коњ од расата ахал-теке, на кои Бердимухамедов исто така е многу горд.

Претседателот во повеќе наврати ја искажал својата љубов кон туркменските коњи, а колку е приврзан за нив, можеби најдобро покажува друг златен споменик, на кој е претставен како јава на ахал-теке. Споменикот е откриен во Ашгабат во 2015 година.

Бердимухамедов честопати на водачите на пријателските земји им подарува ждребиња од туркменски коњ, како и кутриња од средноазиски овчар.

Владимир Путин, кој е познат како голем љубител на кучиња, исто така своевремено го доби подарок.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Мерките за затворање во ноември дале резултати во Германија

Претходно

Ким последен пат во јавноста пред 23 дена

Свет

(Видео) Пијан маж држи шест деца како заложници во Русија

Објавено пред

10 минути

- 24 ноември, 2020

Од

Макфакс

Маж вооружен со секира држи во заложништво шест деца во стан во предградие на Санкт Петербург, пренесуваат руските агенции.

Извор од безбедносните сили за агенцијата „РИА Новости“ изјавил дека човекот бил пијан, а со полицијата контактирала неговата сопруга, која не можела да влезе во станот.

Агенцијата „Тасс“ известува дека човекот се забарикадирал во станот со децата, а дека причина за земање на децата во заложништво можеби е неговиот конфликт со сопругата. Тој наводно ја избркал сопругата од станот, а потоа се затворил.

Житель Петербурга захватил в заложники шестерых детей. С ним ведут переговорыhttps://t.co/UjiAiZgmve pic.twitter.com/ealaO3WOJv
— SmolNarod.ru (@SmolNarod_ru) November 24, 2020

„Тој не ја отвора вратата, не одговара на телефон“, ги пренел извор зборовите на сопругата на пијаниот маж и додал дека зад вратата се слуша плачот на деца.

Полицијата преговара со човекот, а тој наводно се заканува дека ќе ги убие децата.

Появилось видео из Колпино. Захвативший детей в заложники держит нож у горла ребёнка и орет на полицейских. Он требует не подходить к нему, а привести жену pic.twitter.com/uMU437IzaH
— NEWS.ru (@nws_ru) November 24, 2020

Според извор на „Спутник“, најмалото дете има само три години, додека најстарото има 15 години. Полицијата го потврди инцидентот.

Прикажи повеќе...

Регион

Во Хрватска од коронавирусот досега починале 1.445 пациенти

Објавено пред

36 минути

- 24 ноември, 2020

Од

Макфакс

Во последните 24 часа, во Хрватска се регистрирани 2.323 нови случаи на коронавирус, а 47 лица починале, објави Националниот штаб за цивилна заштита.

Бројот на активни случаи во Хрватска e 19.161. Меѓу нив, 2.093 пациенти се во болница, од кои 244 се на апарати за дишење.

Од февруари, кога е регистриран првиот случај во Хрватска, регистрирани се 108.014 лица заболени со коронавирус, од кои 1.445 починале.

Вкупно оздравеле 87.408 луѓе, од кои 2.390 во последните 24 часа.

Во моментов има 40.762 лица во самоизолација.

До денес се тестирани вкупно 692.048 луѓе, од кои 8.944 во последните 24 часа.

Прикажи повеќе...

Свет

Песков: Путин не може да биде доброволец за вакцината против Ковид-19

Објавено пред

37 минути

- 24 ноември, 2020

Од

Макфакс

Рускиот претседател Владимир Путин не може да биде меѓу доброволците кои ќе се вакцинираат против коронавирус до крајот на клиничките испитувања.

Ова денес на новинарите им изјави портпаролот на Кремељ, Дмитри Песков.

„ Секако, шефот на државата не може да учествува во вакцинацијата како доброволец“ објасни Песков на прашањето зошто рускиот лидер досега не добил руска вакцина против Ковид-19.

Песков рекол дека во Русија се уште не почнала масовна вакцинација.

Прикажи повеќе...