Разговорот меѓу рускиот претседател Владимир Путин и Стивен Виткоф, специјален пратеник на американскиот претседател Доналд Трамп, траеше речиси пет часа, по полноќ по московско време.

Помошникот на Путин: Сè уште нема компромисно решение
„Разговорот беше многу корисен, конструктивен и многу информативен“, изјави помошникот на рускиот претседател, Јуриј Ушаков, по средбата. Значајно е што Ушаков нагласи дека сè уште нема компромисен план за Украина, кој најверојатно се однесува на најчувствителното прашање за територијата. „Некои американски предлози се прифатливи за Русија, други не“, рече тој.

Тој исто така рече дека за време на разговорите биле дискутирани и можни територијални отстапки, како и економска соработка меѓу Русија и САД. Ушаков рече дека Русија добила уште четири документи покрај мастер-планот од 28 точки и дека Москва и Вашингтон се согласиле да не откриваат дополнителни детали за содржината на преговорите. „Сè уште има многу работа што треба да се направи“, заклучи тој.

Talks between Vladimir Putin, Donald Trump’s special envoy Steve Witkoff and Trump's son-in-law Jared Kushner are underway in the Kremlin.

Putin is joined by his foreign policy aide Yury Ushakov and economic envoy Kirill Dmitriev.

Read more: https://t.co/AcXn6FdgHo pic.twitter.com/eRxtH8gtSF

— The Moscow Times (@MoscowTimes) December 2, 2025

Од руска страна, на состанокот присуствуваа Ушаков и специјалниот претставник за инвестиции и економска соработка со странски држави, генерален директор на Рускиот фонд за директни инвестиции, Кирил Дмитриев. Од американска страна, присутен беше и зетот на Трамп, претприемач, инвеститор и основач на „Афинити партнерс“, Џаред Кушнер.

Виткоф до Путин: Москва е прекрасен град
„Многу ми е мило што ве гледам“, им рече Путин на Виткоф и Кушнер кога се сретнаа доцна попладне.

„Прошетавте низ Москва пред состанокот“, додаде Путин.

„Прекрасна прошетка“, одговори Виткоф, кој претходно прошета со Кушнер и претставникот на рускиот лидер, Кирил Дмитриев, околу Црвениот плоштад во близина на Лениновиот мавзолеј.

„Московските власти со право се горди на она што го направија во развојот на градот во последните години. Се надевам дека можевте сами да го видите тоа“, рече Путин.

„Да, ова е прекрасен град“, му одговори Виткоф на Путин.

Теми на состанокот
Средбата, првиот директен разговор на Кушнер со Путин, доаѓа по две недели интензивна дипломатија што вклучуваше две рунди разговори меѓу американската и украинската делегација.

Два извори, цитирани од „Аксиос“, изјавија дека се очекува Виткоф и Кушнер денеска да го информираат украинскиот претседател Володимир Зеленски за разговорите на Кремљ во Европа.

Разговорот на рускиот претседател Владимир Путин со специјалниот претставник на САД, Стив Виткоф и зетот на американскиот претседател Доналд Трамп, Џаред Кушнер, заврши во Кремљ по повеќе од пет часа.

Заедно со Путин, во руската делегација се и двајца негови советници, Кирил Димитриев и Јуриј Ушаков.

По средбата, Димитриев се огласи на социјалната мрежа „Икс“, каде што објави фотографија од средбата со стикер од гулаб со маслиново гранче, што симболизира мир.

Productive 🕊️ pic.twitter.com/YlkqF0b7tr

— Kirill Dmitriev (@kadmitriev) December 2, 2025

„Продуктивно“, напиша тој, пренесе „ТАСС“.

По него, зборуваше и Јуриј Ушаков.

Тој рече дека засега не е изнајден компромис на мировниот план за решавање на ситуацијата во Украина.

„Сè уште не е пронајдена компромисна варијанта на мировниот план за Украина, но некои американски нацрти за мировно регулирање изгледаат повеќе-или-помалку прифатливи, но потребна е дискусија. Некои формулации што ни беа предложени не ни одговараат. Односно, работата ќе продолжи“, објасни Ушаков, во изјава што ја пренесоа руските медиуми.

Италијанската влада има намера да го одложи одобрувањето на декретот што ќе му дозволи на Рим да ја продолжи воената помош за Киев за следната година, соопштија денес извори блиски до ова прашање, пренесе „Ројтерс“.

Застојот доаѓа во услови на тензии во десничарската коалициска влада околу поддршката за Украина. Премиерката Џорџа Мелони вети продолжување на помошта, но нејзиниот заменик Матео Салвини ја доведе во прашање оправданоста на таа одлука.

Во својата критика за помошта за Украина, Салвини се осврна на корупцискиот скандал во енергетскиот сектор што ја тресе администрацијата на украинскиот претседател Володимир Зеленски.

Од руската инвазија на Украина во февруари 2022 година, италијанската влада испрати 12 пакети воена помош за Украина, вклучувајќи го и системот за воздушна одбрана SAMP/T.

Прописите ѝ дозволуваат на владата да дејствува без да бара одобрение од парламентот за секоја нова рунда воени испораки. Важечкиот пропис истекува на крајот од годината.

Откако ќе биде одобрен од владата, новиот пропис ќе стапи на сила веднаш, но парламентот ќе мора да го ратификува во рок од 60 дена.