Илјадници бензински пумпи во Велика Британија останаа без гориво во текот на викендот поради недоволен број возачи на камиони.

Здружението на продавачи на бензин, кое застапува речиси 5.500 продажни места, соопшти дека голем дел од нејзините членови пријавиле дека останале без гориво, а останатите дека наскоро ќе останат без гориво, откако Британците викендов формираа долги редици на бензинските пумпи.

„Бритиш петролеум“ призна дека два вида гориво снемало на една третина од нивните бензински пумпи.

Премиерот, Борис Џонсон, изјави дека стотици војници можат да бидат ангажирани за снабдување на бензинските пумпи со гориво низ целата земја.

Се очекува Џонсон денеска да ги собере министрите со цел да се најде решение и да се избегне понатамошно продлабочување на кризата, објави „Гардијан“.

Проблемот настана кога „Бритиш петролеум“ мораше да затвори мал број продажни места поради недостаток на возачи, а „Шел“ и „Еко“ исто така пријавија проблеми со акциите.

Проблемот не е поради недостаток на гориво, туку поради недостаток на возачи на камиони за транспорт до бензинските пумпи.

Претставниците на транспортната индустрија наведуваат дека причината за кризата, освен пандемијата, е старата работна сила и егзодусот на странските работници по излегувањето на Британија од Европската унија.

По силниот земјотрес со јачина од 6 степени според Рихтеровата скала, што утрово го погоди грчкиот остров Крит, следеа неколку послаби потреси, објави Европско-медитеранскиот сеизмолошки центар (ЕМСЦ). Предизвикана е голема материјална штета, урнати се постари згради и други објекти, а според информациите од грчките медиуми, две лица се заробени во урнатините.

Земјотресот се случи на 20 километри југоисточно од градот Ираклион, на длабочина од два километри. Најблиска населба до епицентарот е Ано Арханес, која има 3.900 жители. Оддалечено е десет километри од местото на земјотресот.

Земјотресот е регистриран во 8,17 часот по средноевропско време, или 9,17 часот по грчко време.

6.5M in Heralion Crete. video + pics showing damage to historical buildings in the Greece Earthquake.#greece #crete #heraklion pic.twitter.com/ZMRw1IpBFZ

— ✨Sk Boz✨ (@skkboz) September 27, 2021

Очевидци изјавија дека земјотресот бил исклучително силен и траел долго. Некои училишта веднаш беа евакуирани, локалните жители во паника истрчаа на улиците. Според првите информации, има материјална штета, особено на постарите згради и цркви.

Десет минути по првиот земјотрес, следел уште еден со јачина од 3,8 степени, а потоа се регистрирани уште неколку земјотреси.

Германските Социјалдемократи (СПД) изборија тесна победа на националните избори, покажуваат првичните резултати и освоија мандат да формираат влада првпат од 2005 година и со тоа да стават крај на 16 -годишното владеење на Конзервативците под лидерство на Ангела Меркел.

Социјалдемократите освоија 26 проценти од гласовите, а зад нив е конзервативниот блок ЦДУ / ЦСУ на Меркел со 24,5 проценти, но двете партии веруваат дека би можеле да ја предводат следната влада.

Договорот за нова коалиција може да трае со месеци, и најверојатно ќе ги вклучи и помалите – Зелената партија и Либералдемократската партија (ФДП).

Одзивот на гласачите на вчерашните избори беше 76,6 проценти.

Новиот Бундестаг ќе има рекорден број пратеници – 735. Досега имаше 709 – и тоа беше историски најголем број на пратеници во германскиот парламент.