Свет
Претставничкиот дом на САД усвои мерка што ќе ја ограничи воената акција на Трамп против Иран
Претставничкиот дом на САД во четвртокот усвои резолуција за воени сили со која ќе се ограничат воените активности на претседателот Доналд Трамп против Иран. Сесијата се емитуваше на официјалната веб-страница на Домот.
Вкупно 224 конгресмени гласаа за резолуцијата, а 194 гласаа против. Тројца републиканци го поддржаа документот, а осум демократи гласаа против него.
Резолуцијата го обврзува Трамп да побара одобрение од американскиот Конгрес пред да преземе понатамошни воени активности против Иран.
Ситуацијата на Блискиот Исток ескалира на 3 јануари кога САД спроведоа воздушни напади на подрачјето во близина на аеродромот во Багдад, при што загина командантот на иранскиот корпус, генерал-мајор Касем Сулејмани.
Како одговор Техеран изврши воздушни напади на два објекта во Ирак што ги користеа американските сили – воздушната база Аин ал-Асад и аеродромот во Ербил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.
Свет
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти.
Градоначалникот Виталиј Кличко изјави дека меѓу повредените е тринаесетгодишно момче.
Воената администрација на Киев ги предупреди жителите и на заканата од напад со балистички ракети и ги повика да останат во затворен простор.
Шефот на воената администрација на Кијева, Тимур Ткаченко изјави дека еден човек загинал во нападот, како и дека бројот на повредени не е конечен.

