Свет
Принцот Хари и Меган ќе треба да вратат 2,4 милиони фунти
Принцот Хари и Меган ќе треба да вратат 2,4 милиони фунти, колку што чинеше да се реновира резиденцијата Фрогмор, платено од парите на даночните обврзници. Оваа куќа во Виндзор ќе остане нивниот семеен дом во Велика Британија.
Војводата и војвотката од Сасекс повеќе нема да користат кралски титули и нема да добијат пари од јавните средства за извршување на кралските должности, соопшти Бакингамската палата.
Двојката веќе нема официјално да ја претставува кралицата,а новиот аранжман стапува на сила од оваа пролет, соопшти палатата.
Хари и Меган најавија дека нема да бидат „високи“ членови на кралското семејство на почетокот на овој месец.
Британската кралица Елизабета Втора сооошти дека е „задоволна што најде заедно конструктивно решение за мојот внук и неговото семејство“.
„Хари, Меган и Арчи секогаш ќе бидат многу сакани членови на моето семејство“, се вели во изјавата на нејзината палата.Бакингемската палата вели дека Хари и Меган разбираат дека се очекува да се повлечат од кралските должности и дека веќе нема да поседуваат никакви официјални воени титули.
Иако веќе не можат официјално да ја претставуваат кралицата, војводата и војвотката од Сасекс јасно ставија до знаење дека што и да прават ќе продолжат да бидат во согласност со вредностите на нејзиното височество.
Во изјавата од Бакингамската палата се вели дека двајцата ќе продолжат приватно да се занимаваат со покровителство и со здруженија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти.
Градоначалникот Виталиј Кличко изјави дека меѓу повредените е тринаесетгодишно момче.
Воената администрација на Киев ги предупреди жителите и на заканата од напад со балистички ракети и ги повика да останат во затворен простор.
Шефот на воената администрација на Кијева, Тимур Ткаченко изјави дека еден човек загинал во нападот, како и дека бројот на повредени не е конечен.
Свет
Трамп ги поништил сите уредби и документи потпишани од Бајден
Американскиот претседател Доналд Трамп соопшти дека ги поништил сите уредби и документи потпишани од неговиот претходник на функцијата, демократот Џозеф Бајден, бидејќи користел уред за автоматско потпишување.
Кои се правните последици од одлуката на Трамп засега не е јасно.
„Секој документ кој го потпишал Поспаниот Џо користејќи автоматско пенкало, што е околу 92 проценти од нив, со ова се поништува и повеќе нема никаква правна сила или ефект“, напиша републиканскиот претседател на својата платформа Трут Соушл.
Свет
Преговорите со САД за мировниот план за прекин на конфликтот со Русија ќе почнат наскоро, вели Зеленски
Украинскиот претседател Володимир Зеленски изјави дека на преговорите со Соединетите Американски Држави за мировниот план за прекин на конфликтот со Русија, кои, како што наведе, наскоро ќе започнат, земјата ќе ја претставуваат началникот на Генералштабот на вооружените сили на Украина, Андреј Гнатов и секретарот на Советот за национална безбедност и одбрана Рустем Умеров.
Во синоќешното видео обраќање, Зеленски рече дека претставници на Министерството за надворешни работи и украинската разузнавачка служба ќе бидат меѓу членовите на украинската делегација, пренесува „Униан“.
Тој додаде дека во моментов се во тек подготовки за состанок со американската страна.
„Преговорите наскоро ќе започнат, а наши претставници ќе бидат таму – началникот на Генералштабот, претставници на Министерството за надворешни работи, секретарот на Советот за национална безбедност и одбрана и нашата разузнавачка служба. Состаноци со американската страна ќе се одржат во блиска иднина“, нагласи Зеленски.
Украинската делегација досега ја предводеше Андриј Јермак, кој вчера поднесе оставка од функцијата шеф на претседателскиот кабинет.

