Доналд Трамп вчера изјави дека се согласува со идејата Илон Маск да ја преземе популарната кинеска видео апликација TikTok, која е привремено забранета во САД, доколку сопственикот на X, SpaceX и Tesla сака да ја купи од кинеската компанија ByteDance.

Американскиот претседател завчера и нареди на својата влада да ја прекине примената на законот на 75 дена, за да се обиде да најде решение. Тој, исто така, предложи субјектот што го купува TikTok да даде половина од својот капитал на САД во замена за лиценца.

Предметниот закон, кој стапи на сила пред три дена, бара од матичната компанија на платформата да ја продаде, под закана за забрана на територијата на САД. Поради ова, социјалната мрежа беше недостапна неколку часа во текот на викендот.

Законот предвидува многу високи казни за давателите на интернет услуги и продавниците за апликации, до 5.000 долари по корисник. Овие санкции ќе ги воведе Министерството за правда, на кое Трамп му нареди да не интервенира два и пол месеци, време кое му е потребно за да се консултира со советниците.

Мерката беше доволна за да се смири Oracle, американската компанија која е домаќин на TikTok на своите компјутерски сервери, но не и Apple и Google, кои ја отстранија социјалната мрежа од нивните мобилни платформи за преземање апликации во неделата. Затоа, 170 милиони американски корисници кои веќе имаат TikTok можат да продолжат да го користат, но повеќе не можат да ја ажурираат платформата редовно како и обично.

Американските избраници го оправдаа законодавството со потребата да се спречат кинеските власти да пристапат до податоците на американските корисници или да манипулираат со мислењето во Соединетите држави. Трамп, кој за време на неговиот прв мандат сакаше да го забрани TikTok во име на националната безбедност, сега има поинаква перспектива. „Има толку многу производи произведени во Кина, а единствениот на кој се жалат е TikTok“, рече завчера Доналд Трамп, мислејќи на избраните функционери во Конгресот.

Вчера, одговарајќи на новинарско прашање, тој рече дека ќе биде отворен за идејата најбогатиот човек на светот, Илон Маск, да ја преземе платформата доколку сака. Маск водеше кампања за Трамп и доби советодавна улога на владата за да заштеди пари. Новиот американски претседател предложи ByteDance да им даде на САД 50 отсто од капиталот на TikTok во замена за непримена на законот. „Можеби ни треба согласност од Кина, но сигурен сум дека тие би ја дале“, заклучи Доналд Трамп.

Според иницијативата на новиот претседател Доналд Трамп, гувернерот на американската сојузна држава Флорида го нарече Мексиканскиот Залив „Американскиот Залив“ во нова извршна наредба во врска со претстојната зимска бура, јавува Анадолија.

„Површина со низок притисок што се движи низ Американскиот Залив, во интеракција со арктичкиот воздух, ќе донесе широко распространето и значително зимско време во северна Флорида почнувајќи од вторник, 21 јануари 2025 година“, се наведува во извршната наредба на Рон ДеСантис.

Пред бурата што се приближува, ДеСантис прогласи вонредна состојба поради „голема катастрофа“ што може да донесе „сите видови опасни зимски временски настани, вклучувајќи снег, лапавица и замрзнат дожд“.

Употребата на ДеСантис на терминот „Американски залив“ е усогласена со инаугуративното обраќање, во кое Трамп го потврди својот едностран план за преименување на Мексиканскиот Залив. Трамп зборуваше и за проширување на американската територија, спомнувајќи ја можноста за враќање на Панамскиот канал или преземање контрола врз Гренланд.

На прес-конференција пред неговата инаугурација, Трамп најави промена на името на Мексиканскиот залив. „Наскоро ќе го смениме името на Мексиканскиот залив“, рече тој, додавајќи дека фразата „Американски залив“ има „убава конотација“.

Земјотрес со јачина од 5 степени според Рихтеровата скала е регистриран вечерва во 21:38 часот, во западна Турција.

Според достапните податоци, епицентарот на земјотресот бил лоциран во областа со географски координати на географска ширина 39,444 и географска должина 26,284.

Хипоцентарот на земјотресот, според податоците на Европско-медитеранскиот сеизмолошки центар, се наоѓа на длабочина од приближно 1о километри под површината на земјата.

Земјотресот се почувстувал и на 13 километри северно од Митимна, Грција.

Засега нема извештаи за материјална штета или повредени, а надлежните служби ја следат состојбата.