Свет
Проблеми при слетувањето на хеликоптер што се користи за превоз на Путин

Во близина на Москва се урна хеликоптер наменет за транспорт на високи руски функционери, вклучително и Владимир Путин. Ова го пренесуваат „Њусвик“ и „Украинска правда“ а се повикуваат на руската новинска агенција „Интерфакс“.
Се работи за хеликоптер Мил Ми-8 за кој се вели дека паднал на земја со опашката и сечилата на роторот при слетување на меѓународниот аеродром Внуково (околу 25 километри од центарот на Москва). Според последните извештаи, инцидентот се случил во петокот.
На руска страница на „Телеграм“ објавена е фотографија која би требало да ги покаже последиците од несреќата.
„Според нашите информации, станува збор за Mi-8MTV-1, произведен во 2013 година и дизајниран за 22 патници“, се вели во објавата на Телеграм.
Се претпоставува дека причина за несреќата е грешка на пилотот.
„Кога хеликоптерот слета, пропелерот се фати на земја и го оштети делот од опашката“, изјавил за агенцијата извор од аеродромот.
Како што јави „Аеротајм“ , хеликоптерот припаѓал на одделот за специјални летови „Росија“, кој управува со авиони за транспорт на руски владини претставници. Не е јасно кој бил во хеликоптерот и дали некој е повреден во инцидентот. Од Русија пристигнаа контрадикторни информации . Истрагите на московскиот аеродром Внукова засега остануваат без одговор.
„Аеротајм“ понатаму известува дека хеликоптерите на владината флота се опремени со специјални одбранбени системи и други модификации за безбедно транспортирање на нивните ВИП патници.
Украинската новинска агенција „Украинска правда“ јавува дека се работи за грешка на пилотот. Според Интерфакс, тешкото слетување можело да биде предизвикано од лоши временски услови или дефект на опремата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Во Унгарија мнозинството од гласачите се уште го поддржува Орбан

Во Унгарија, огромното мнозинство гласачи сè уште го поддржуваат премиерот Виктор Орбан,според резултатите од новото истражување спроведено од Центарот за фундаментални права.
Според истражувањето, 58 отсто од гласачите се за Орбан во споредба со 18 отсто од оние кои го претпочитаат неговиот поранешен противник Питер Марчи-Заја.
Во извештајот на центарот се наведува дека Орбан има поголема поддршка во сите општествени групи отколку неговиот поранешен предизвикувач.
Свет
(Видео) Апокалиптични сцени од Бахмут: уништени згради и улици преполни со проектили

Андреј Јермак, шефот на кабинетот на претседателот на Украина, Володимир Зеленски, на својот Твитер профил објави видео од Бахмут, на кое се гледа степенот на уништување во градот кој со месеци е под руски напад.
Видеото покажува уништени згради и улици преполни со проектили, а повеќе личи на постапокалиптичен филм отколку на град во кој живееле повеќе од 70.000 луѓе.
#ФортецяБахмут 🇺🇦 pic.twitter.com/WZdDZOb7xJ
— Andriy Yermak (@AndriyYermak) March 30, 2023
Русија од летото 2022 година се обидува да го освои украинскиот град Бахмут во регионот на Доњецк, а нападите особено се интензивираа оваа година. Руските трупи контролираат околу 65 отсто од градот, но украинската армија продолжува да дава жесток отпор.
Свет
Судот во Њујорк го очекува Доналд Трамп

Доналд Трамп во вторник треба да се појави пред судот во Њујорк. Ова е првпат во историјата поранешен претседател на САД да биде кривично гонет.
Големата порота која го обвини Трамп ги разгледа деталите за наводната исплата на актерката од филмови за возрасни Сторми Даниелс за време на претседателската кампања во 2016 година.
Во судот Трамп ќе биде фотографиран, ќе даде отпечаток од прст како и секој друг обвинет, иако ќе биде заштитен од Тајната служба поради неговиот статус на поранешен претседател.
Трамп претходно рече дека ова е политички прогон и мешање во изборите на највисоко ниво во историјата.