Европа е зафатена од длабока политичка и институционална криза, што е резултат на бројни внатрешни поделби и ограничени капацитети на земјите-членки, пренесува Блумберг.

Според анализата на овој медиум, „од Британија до Полска, Европа стана неуправлив континент“ кој страда од „катастрофална комбинација од ограничени буџети, долги административни процедури, парламентарна фрагментација, гласно спротивставување од политички екстремисти и поделби што често се прелеваат во улични протести“.

Недостаток на капацитет за реформи
Авторите истакнуваат дека многу европски лидери не се во можност да иницираат суштински реформи и да донесат клучни одлуки, што дополнително ја ослабува нивната позиција на глобалната сцена. Овој тренд е особено видлив во ситуации каде што е потребна брза реакција на безбедносните и економските предизвици.

Луис Џовани Орсина, професор по политички науки на Универзитетот во Рим, проценува дека изгледите за надминување на кризата се крајно песимистички. „Светот се промени, а политиките што ги водат европските лидери повеќе не се вклопуваат во целокупната слика“, предупредува тој.

Критиките кон Европската Унија доаѓаат и од Москва. Рускиот заменик-министер за надворешни работи Сергеј Рјабков неодамна, за време на дискусијата за 19-тиот пакет антируски санкции, изјави дека Брисел покажува „лоша надворешна политика“ и дејствува без јасна стратегија.

Аналитичарите заклучуваат дека ЕУ е во време кога треба да се позиционира како стабилен глобален актер – сè повеќе парализирана од внатрешни поделби, а во исто време трпи растечки притисок однадвор.

Фото: принтскрин

Потпретседателот на Соединетите Американски Држави, Џ. Д. Венс, изјави дека постои можност Тајлер Робинсон, осомничениот за убиството на конзервативниот активист Чарли Кирк, да дејствувал со поддршка на неколку соучесници.

Во интервју за „Фокс њуз“, Венс нагласи дека надлежните органи мора целосно да ги расветлат сите околности на злосторството.

„Не исклучувам дека голем број луѓе му помогнале на овој човек да го изврши пукањето“, рече тој.

Според него, радикализацијата на Робинсон се случила под влијание на „левичарската“ идеологија, иако дваесет и двегодишникот пораснал во нормално и просперитетно семејство.

Венс, според написите, исто така, употреби остар јазик во разговорот, директно обвинувајќи ја политичката левица за смртта на Чарли Кирк, еден од блиските сојузници на претседателот Доналд Трамп.

Истражните власти во Јута веќе поднесоа обвинение против Робинсон, а наводите на потпретседателот го поставуваат прашањето дали кругот на осомничени ќе се прошири за да вклучи и потенцијални соучесници.

Фото:

Претседателот на САД, Доналд Трамп, објави дека ќе ја прогласи организацијата составена главно од левичарски активисти, Антифа, за „голема терористичка организација“ и повика на истрага против луѓето кои наводно ја финансираат.

„Со задоволство ги информирам нашите бројни американски патриоти дека ја означувам Антифа, за болна, опасна, радикална левичарска катастрофа, како голема терористичка организација“, напиша Трамп во објава на Truth Social, објави CBS News.

Тој додаде дека „исто така, силно ќе препорача оние кои ја финансираат Антифа да бидат темелно истражени во согласност со највисоките законски стандарди и практики“.

Трамп даде слична најава дека Антифа ќе биде прогласена за терористичка група за време на неговиот прв мандат во 2020 година, кога земјата беше зафатена од насилни протести, но потоа тој не ја спроведе заканата, анализираат

Во текот на изминатата недела, Трамп и неговите сојузници се побунија против „радикалното левичарско политичко насилство“ по убиството на конзервативниот активист и интелектуалец Чарли Кирк.

Фото: принтскрин