Свет
Роднините чекаат вести за судбината на 62 патници во авионот што се урна при полетување од Џакарта

Спасувачки екипи за пребарување ги осветлија темните морски води крај брегот на индонезиската престолнина Џакарта во потрага по патничкиот авион со 62 патници, кој изгуби контакт со контролата на летање набргу по полетувањето од аеродромот и исчезна од радарите, соопштија официјални лица.
Сè уште нема официјална потврда за судбината на патниците и екипажот и во тек е интензивна потрага. Роднините на исчезнатите патници, на аеродромот со нетрпение чекаат вести за авионот.
Авионот „боинг 737-500“, на компанијата „Сривиџаја ер“, непосредно по полетувањето во 7 часот и 40 минути, најверојатно паднал во океанот откако нагло ја изгубил висината. Сè уште се чека на официјална потврда за несереќата.
Во авионот имало 62 лица – 56 патници, од кои седум деца, како и шест членoви на екипажот, објави „Метро ТВ“.
Авионот летал на домашен лет кон островот Борнео, изјави министерот за транспорт Буди Карја Сумади.
„Загрижени сме за оваа несреќа“, рече тој на прес-конференција, најавувајќи ја операцијата за потрага по авионот.
„Според досега достапните информации, во областа биле пронајдени неколку фрагменти за кои се сомневаме дека припаѓаат на леталото. Тие веќе се наоѓаат на нашиот брод на кој ќе спроведеме понатамошна истрага“, соопштија властите.
Војската распореди неколку воени бродови и два хеликоптера „Супер Пума“ во областа со цел да се помогне во потрагата, изјави командантот на вооружените сили.
Податоците од шведската интернет платформа „Флајт радар 24“ покажуваат дека авионот одеднаш, четири минути по полетувањето, забавил и ја изгубил висината.
Градоначалникот на областа каде исчезна авионот пренел сведоштва од локалните рибари кои наводно ја виделе експлозијата во близина на островот Лаки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Коронавирус со непознато потекло го затвора најголемиот град во Нов Зеланд

Премиерката на Нов Зеланд, Џасинда Ардерн, објави дека најголемиот град во земјата, Окленд, ќе биде затворен една недела поради појава на коронавирус од непознато потекло.
Окленд ќе биде во карантин од недела, откако во градот беше регистриран случај на коронавирус од непознато потекло.
Во остатокот од Нов Зеланд ќе биде на сила вториот степен на ограничувања, што, меѓу другото, значи и забрана за собирање, рече Ардерн.
Во средината на февруари, скоро два милиони жители на Окленд беа ставени во ненадејна тридневна блокада откако кај тричлено семејство беше регистриран британскиот вид на Ковид-19.
Свет
„Модерна“ почнува со тестирање на вакцини против јужноафриканскиот вид на коронавирус

Во САД следниот месец ќе почнат испитувања на вакцина развиена од лабораторијата „Модерна“ против јужноафриканската варијанта на коронавирус.
Како што најави водечкиот епидемиолог во САД, Ентони Фаучи, испитувањата од првата фаза ќе почнат наскоро, а засега нема да се проучува ефикасноста, туку само безбедноста и имуногеноста на производот.
Тоа значи дека на тест ќе биде ставена способноста на вакцината да предизвика имунолошка реакција.
Првата фаза ќе се спроведе на мал број луѓе.
Свет
(Видео) Масовно бегство на 400 затвореници на Хаити, има загинати

Повеќе од 400 осуденици избегаа од затворот на Хаити, недалеку од главниот град Порт-о-Пренс.
Во извештајот на локалните власти се наведува дека 25 лица загинале за време на масовното бегство од затворот Круа ле Буке.
Меѓу нив се и директорот на таа институција и случајни минувачи кои биле во центарот на инцидентот, пренесува Би-би-си.
Меѓу загинатите е и моќниот шеф на подземјето, Арнел Жозеф, кој настрада кога се појави на мотор на контролен пункт неколку часа по бегството.
- Книги2 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Црна хроника3 месеци
Млада девојка од Штип пронајдена мртва во нејзиниот дом
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Свет4 недели
Поради примање мито во Кина погубен поранешен државен функционер