Свет
Родум Австриец со родители од Македонија е 19-годишникот што планирал напад во Австрија, обелоденети детали за планот
Роден е во Австрија, а неговите родители се од Македонија. Кој е 19-годишникот кој е главниот осомничен за планирање на нападот за време на концерт на американската ѕвезда Тејлор Свифт во Виена?
Засега не е објавен неговиот идентитет, а од она што е познато тој се радикализирал преку интернет и се заколнал на верност на Исламската држава. Негови пријатели требало да работат на стадионот „Ернст Хапел“ како чувари, пишува денеска австрискиот весник „Куриер“. На тој начин тие би имале пристап до разни локации за местото на одржувањето на концертот.
Весникот дознава дека 19-годишникот планирал да го забие својот автомобил во десетиците илјади фанови што стоеле пред стадионот, а потоа да нападнат со мачети и ножеви и на крајот да активираат бомба направена од украдени хемикалии.
Се верува и дека тинејџерот тесно соработувал со 17-годишниот Австриец, кој беше уаспен, а се истражува и нивното опкружување.
Потврдено е дека информациите за нападот стигнале од странските тајни служби, а како што пренесоа некои американски медиуми, американските тајни служби ги информирале своите австриски колеги за опасноста.
Двајцата се уапсени вчера во Терниц и Виена. Директорот за јавна безбедност, Франц Руф, во емисијата „Утрински журнал“ на првиот канал на австрискиот национален сервис ОРФ утрово истакна дека по двете апсења, соодветно е минимизирана опасноста од конкретната закана, но дека сепак постои апстрактна закана.
Во полициската акција вчера биле запленети хемиски супстанции од домот на првоосомничениот, а превентивно биле расчистени и куќите во близина поради страв од присуство на поголеми количини експлозиви.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Врховниот лидер на Иран: Ова е предупредување до Америка
Врховниот лидер на Иран, Али Хамнеи, им честиташе на социјалните мрежи на учесниците на денешните провладини собири.
Во серија објави на X, ајатолахот сподели фотографии од провладини демонстранти и рече дека тие „одлично ја завршиле работата“ и „го спречиле планот на странските непријатели, кој требало да го спроведат домашни платеници“.
„Големата нација Иран им се покажа на своите непријатели, заедно со својата решителност и идентитет“, додаде Хамнеи.
„Ова беше предупредување до американските политичари да престанат да бидат измамници и да не се потпираат на предавнички платеници“, додаде тој.
Свет
Украинската војска објави видео: Го освоивме градското собрание во Купјанск
Украинските одбранбени сили ја вратија контролата врз зградата на Градскиот совет на Купјанск, објави Вториот корпус на Националната гарда на Украина (НГУ), познат како Хартија.
„Хартија воспостави контрола врз зградата на Градскиот совет на Купјанск. Единицата за пребарување и уништување на Хартија и тактичката група Купјанск ги завршуваат операциите за расчистување во градот, кој беше деблокиран за време на успешната операција предводена од командата на Вториот корпус на НГУ“, се вели во соопштението.
Корпусот објави снимка од GoPro камера за која тврди дека е направена од борци од 4-тиот баталјон Хартија за време на упадот во зградата на Градскиот совет на Купјанск. Војниците од извидувачката и ударна група на баталјонот го кренаа украинското знаме над градскиот совет во центарот на Купјанск.
„Операцијата во Купјанск докажува дека благодарение на планирањето, стручноста на командантот и штабот и висококвалитетната подготовка на единиците – сето тоа го нарекуваме метод на Хартија – е можно успешно да се запре и уништи непријателот“, рече полковник Ихор Оболенски, командант на Вториот корпус.
Свет
Белата куќа: Трамп не се плаши да употреби воена сила против Иран
Портпаролката на Белата куќа, Каролина Ливит, изјави дека американскиот претседател Доналд Трамп „покажал дека не се плаши да употреби воени опции“ кога смета дека е потребно.
„Мислам дека едно нешто во што претседателот Трамп е многу добар е тоа што секогаш ги држи сите опции на маса, а воздушните напади би биле една од многуте, многу опции што се на маса“, изјави Ливит пред новинарите.
Во исто време, таа додаде дека „дипломатијата е секогаш првата опција“ за Трамп.
„Претседателот ви кажа на сите синоќа дека она што јавно го слушате од иранскиот режим е многу различно од пораките што администрацијата ги добива приватно“, рече Ливит.
„Претседателот покажа дека не се плаши да користи воени опции ако и кога смета дека е потребно, а никој не го знае ова подобро од Иран“, заклучи таа.
фото/депозитфотос

