Во денешните инциденти на автобуска станица во близина на зградата на Пентагон во Вашингтон, еден полицаец од обезбедувањето на објектот е избоден до смрт, а најмалку едно лице е погодено при пукањето, потврдиле два добро информирани анонимни извори.

Во извештајот на АП се наведува дека напаѓачот бил убиен на самото место, дека зградата и околината на Пентагон биле под блокада повеќе од еден час и дека пукањето се случило пред самиот објект на Министерството за одбрана на САД, на постојка за градски автобуси, од која илјадници вработени во Пентагон влегуваат на работа.

Возовите од метрото и автобусите го заобиколуваат Пентагон поради полициската истрага која е во тек.

Грчките пожарникари се борат со исклучително голем пожар што денеска се приближи до северните предградија на Атина, а огнот ги зафати населбите Варибоби и Ахарнес, принудувајќи илјадници жители на бегство.

„Напуштете ги своите домови веднаш“, ги повика градоначалникот на Ахарнес жителите преку државната телевизија. Жителите добиле предупредувања и СМС-пораки од службата за цивилна заштита.

Густи облаци чад се видливи насекаде над грчката престолнина.

Метеоролозите со денови предупредуваат на можноста за големи пожари бидејќи голем топлотен бран ја погоди Грција, што не се очекува да стивне оваа недела. Температурите се искачуваат над 40 Целзиусови степени. Во другите делови на Грција, пожарникарите се борат со голем пожар на островот Родос, што ги принуди жителите на неколку општини да се евакуираат.

Властите ја предупредија јавноста дека ризикот од пожари ќе биде многу голем дури и кога ќе помине топлотниот бран бидејќи има голема суша, а метеоролозите најавуваат силен ветер.

Двајца мажи и една жена се ранети во пукање во шведскиот град Кристијанштад.

Тие биле итно префрлени во болница и се во сериозна состојба. Жената е на возраст од шеесет години, еден маж во дваесеттите години и еден во триесеттите.

Според „Експресен“, полицијата добила дојава за пукање во 15:44 часот.

Ранетите луѓе биле пронајдени на различни места во северниот дел на градот.

Полицијата ја блокирала таа област и се очекуваат повеќе информации околу овој инцидент.