Свет
Русија, Кина, Велика Британија, САД, Франција нема да го потпишат договорот за забрана на нуклеарното оружје
Русија, Велика Британија, Кина, САД и Франција во заедничката изјава во понеделникот истакнаа дека се противат на договорот за забрана на нуклеарно оружје и одбија да го потпишат, пренесува „Спутник“.
„Цврсто веруваме дека најдобриот начин да се постигне свет без нуклеарно оружје е преку постепен процес што го зема предвид меѓународното безбедносно опкружување. Овој докажан пристап кон нуклеарното разоружување даде видливи резултати, како големото намалување на глобалните резерви на нуклеарно оружје”, се вели во соопштението.
Петте постојани членки на Советот за безбедност на ОН истакнаа дека договорот за забрана на нуклеарното оружје, кој беше изготвен на голема конференција во ОН на 7 јули 2017 година и допрва треба да биде ратификуван од големите сили, не се справува со клучните проблеми што му пречат на трајното нуклеарно разоружување, му противречи и ризикува да го поткопува договорот за неширење нуклеарно оружје (NPT).
„Овој договори ги игнорира меѓународниот безбедносен контекст и регионалните предизвици и не прави ништо за да ја зголеми довербата и транспарентноста меѓу државите, нема да резултира со елиминација на ниедно оружје, не ги исполнува највисоките стандарди за неширење и создава поделби во меѓународната машинерија за неширење и разоружување, кои понатаму можат да го отежнат разоружувањето”, се вели во соопштението.
Петте земји членки отидоа и чекор понатаму, повикувајќи ги оние кои размислуваат да го поддржат новиот договор да размислат за неговите последици врз меѓународниот мир и безбедноста.
„Ние нема да го поддржиме, потпишеме или ратификуваме договорот. Тој нема да биде обврзувачки за нашите земји и не прифаќаме никакво тврдење дека придонесува за развојот на обичајното меѓународно право, ниту, пак, поставува нови стандарди или норми. Ги повикуваме сите земји кои размислуваат да го поддржат овој договор сериозно да размислат за неговите импликаци во меѓународниот мир и безбедност”.
Наместо тоа, тие ветија дека ќе се посветат на договорот за неширење на нуклеарно оружје од 1968 година велејќи дека крајната цел е свет без нуклеарно оружје во услови на ненамалена безбедност за сите.
Таканаречениот Договор за забрана на нуклеарното оружје е првиот правно обврзувачки договор за забрана на нуклеарно оружје. Тој беше усвоен на 7 јули од повеќе од 120 земји членки на ОН. Документот забранува цела низа активности поврзани со нуклеарно оружје, вклучувајќи го и нивниот развој, производство и поседување.
Договорот беше отворен за потпишување на 20 септември во седиштето на ОН во Њујорк. Од 29 октомври 2018 година, 69 земји го потпишаа и 19 држави го ратификуваа договорот, но нуклеарните сили го бојкотираа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.