Свет
Рускиот митрополит Иларион: Ќе ги уништат ли Турците и другите мозаици со Исус во „Аја Софија“?
![](https://makfax.com.mk/wp-content/uploads/2020/07/03-aja.jpg)
Портпаролот на Московската патријаршија, митрополитот Иларион, изрази загриженост поради најавите за претворање на „Аја Софија“ во џамија, пренесува „Спутник“.
„Внимателно и сериозно ги следиме случувањата поврзани за храмот ‘Света Софија’. Очекуваме официјално објавување на одлуката на Врховниот суд на Турција, кој, ако им се верува на медиумите, одлучил дека статусот на ‘Аја Софија’, која сега е музеј, може да се промени со указ на претседателот. Се надеваме дека нема да биде донесена одлука храмот да се претвори во џамија“, изјави Иларион.
Тој ја нарече „Аја Софија“ наследство на целото човештво. Таа илјада години беше православен храм, потоа претворен во џамија, но во 1934 година со одлука на првиот претседател на Турција, Кемал Ататурк, доби статус на музеј.
Во храмот се сочувани непроценливи фрагменти на мозаици со Исус Христос, Богородица, свети Јован Крстител и со византиските императори.
„Каква ќе биде судбината на тие мозаици ако храмот биде претворен во џамија? Во исламот сликите се забранети. Ќе ги уништат како што уништија и дел од мозаикот по заземањето на Цариград во 1453 година или ќе ги пребојат“, рече тој.
Митрополитот Иларион изрази уверување дека промените во рамнотежата и долгогодишното статус кво може да му нанесат штета на заемното разбирање во светот, дијалогот меѓу цивилизациите и културите и на меѓурелигискиот дијалог.
Тој посочи дека не е во прашање само споменик на светската култура кој се наоѓа под заштита на УНЕСКО, туку објектот има и сакрално значење.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Од строго чуван затвор во Португалија побегнаа петмина затвореници
![](https://makfax.com.mk/wp-content/uploads/2023/07/R.jpg)
Петмина затвореници, меѓу кои еден Британец, Аргентинец и Грузиец, како и двајца Португалци, побегнаа од строго чуваниот затвор во Вале де Жудеуш, 30 км северно од Лисабон, соопштија португалските власти.
Според португалската затворска служба, мажите на возраст од 33 до 61 година побегнале вчера во 10:00 часот со помош однадвор, користејќи скали за да ја прескокнат затворската ограда. Полицијата веднаш била испратена за да ги пронајде бегалците, соопштија властите.
Двајцата Португалци служеле казни од 25 години за дела поврзани со трговија со дрога, кражби, грабежи и киднапирања. Останатите тројца исто така биле осудени за слични кривични дела.
Затворот Вале де Жудеуш е строго обезбеден и има капацитет од 560 затвореници.
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.