Украинскиот претседател Володимир Зеленски изјави дека раководни лица на државниот одбранбен концерн „Укроборонпром“ ја прекршиле законската регулатива дозволувајќи складирање оружје во близина на населени места.

Неговата изјава доаѓа по отворањето кривична истрага за силните експлозии во градот Вишњеве, во близина на Киев, кои се случија за време на руски ракетен напад. Во нападот, според украинските власти, загинале седум лица, а 29 биле повредени.

Vyshneve, Kyiv Oblast💔
The surrounding region also came under continuous russian attack.

At least 3 people killed; 16 more wounded.

High level of air pollution was recorded. Civilians are being evacuated.

These are deliberate war crimes. https://t.co/QO7Ey0K5SS pic.twitter.com/22ffjpPJXJ

— UNITED24 (@U24_gov_ua) July 6, 2026

Погодено складиште за муниција предизвикало секундарни експлозии

Вишњеве, град западно од Киев, се најде под силен руски напад со дронови и ракети во рамки на поширок напад врз украинската престолнина.

За време на нападот било погодено складиште за муниција, што предизвикало серија секундарни експлозии и дополнителна материјална штета.

Зеленски претходно соопшти дека складиштето му припаѓало на „Укроборонпром“, а сега оцени дека одговорните лица мора да сносат кривична одговорност.

СБУ ги идентификувала одговорните лица

„Во Украина постојат посебно определени локации за складирање оружје и муниција, а сите тие се поставени на начин да бидат оддалечени од станбени објекти“, изјави Зеленски.

Тој посочи дека Службата за безбедност на Украина (СБУ) ги идентификувала лицата кои, според истрагата, ги прекршиле правилата и дозволиле функционирање на складиштето.

Меѓу нив, како што наведе украинскиот претседател, се директори на две државни компании во состав на „Укроборонпром“, како и други службени лица.

Об’єкт у Вишневому, на якому після російського обстрілу відбувалася детонація, не підпорядковується ЗСУ та не належить до їхньої сфери управління — повідомив речник Генштабу

Відео: надано hromadske pic.twitter.com/0W0NGAQldS

— hromadske (@HromadskeUA) July 7, 2026

Зеленски бара поширока истрага и реформи

Украинскиот претседател оцени дека трагедијата бара поширока реакција на институциите и дополнителни проверки во други компании од одбранбениот сектор.

„Внатрешните механизми за контрола над работата на компаниите и нивните директори мора дополнително да се зајакнат“, изјави Зеленски.

Тој додаде дека големата организациска структура на „Укроборонпром“, кој обединува десетици компании, претставува сериозен предизвик за контролата и управувањето.

„Укроборонпром“ е еден од најголемите украински производители на оружје

„Укроборонпром“, познат и како „Украинска одбранбена индустрија“, е најголемиот државен производител на оружје и воена опрема во Украина.

Концернот обединува околу сто компании кои произведуваат оружје, муниција, ракети, беспилотни летала и оклопни возила. По почетокот на руската инвазија, компанијата за првпат се најде меѓу 50-те најголеми одбранбени компании во светот.

💔🇺🇦 Vyshneve now: destroyed streets, broken houses – the streets of the city have turned into ruins… pic.twitter.com/vc0U5BCvNy

— Savchenko Volodymyr (@SavchenkoReview) July 6, 2026

Продолжува санацијата по рускиот напад

Во Вишњеве и понатаму трае санацијата на последиците од нападот. Голем број куќи биле оштетени, делови од градот останале без електрична енергија, а стотици жители биле евакуирани.

Околу 300 припадници на украинската Државна служба за вонредни ситуации учествуваат во расчистување на теренот и помош на жителите.

Нападот врз Вишњеве бил дел од поширокото руско бомбардирање на Киев, во кое, според украинските власти, загинале 19 лица, а околу 90 биле повредени.

Силнo невреме проследено со град ја зафати Словенија во саботата попладне, а нестабилното време се прошири во централните, северните и југозападните делови на земјата.

Метеоролозите предупредија дека опасноста од град и понатаму постои во поголем дел од Словенија.

Олујните системи најпрво го погодиле источниот дел на земјата, а потоа се прошириле кон други региони.

Во повеќе места било пријавено невреме, а жителите од поширокото подрачје на Драмље пријавиле град со големина на орев.

Поради страв од оштетување на возилата од град, дел од возачите во близина на Цеље ги запреле автомобилите под надвозници, па дури и во тунели.

Од Заводот „Решевални пас“ предупредија дека запирањето на возила во тунели и под надвозници е исклучително опасно и забрането.

Според нив, постоеле информации дека во еден тунел дошло и до сообраќајна несреќа поради возила кои стоеле на коловозот.

И Центарот за информирање за сообраќај упати апел до возачите да ја приспособат брзината и начинот на возење на условите на патот и да не запираат на забранети места за време на невреме.

Словенечката Агенција за животна средина (АРСО) издаде највисоко предупредување за можност од град во подрачјата на Бовец, Горенска, Горишка, Нотранска, Савинска, Љубљана со околината и Долно Посавје.

За останатите делови од земјата е на сила жолто предупредување поради можни грмежи, обилни врнежи, силен ветер и удари од гром.

Тајфунот Бави, најсилната бура што годинава го погоди копнениот дел на Кина, донесе обилни врнежи и силни ветрови на источниот брег, ставајќи ги на тест капацитетите на надлежните служби за справување со екстремни временски услови.

Според метеоролозите, иако до недела наутро Бави ослабнал во тропска бура додека се движел кон внатрешноста на земјата, системот со големина споредлива со Франција може да предизвика долготрајни и обилни врнежи во источна и северна Кина во наредните денови.

Евакуирани речиси два милиони луѓе

Пред пристигнувањето на тајфунот биле евакуирани речиси два милиони луѓе, главно во провинцијата Џеџијанг, еден од економски и технолошки најразвиените региони во Кина.

Тајфунот прво го погодил крајбрежниот град Јухуан во Џеџијанг во саботата околу 23:20 часот по локално време, а потоа околу полноќ повторно удрил кај градот Јуечинг.

Today, massive waves topping 10 meters (33 feet) battered the coast of Zhejiang, China, as Typhoon Bavi slammed ashore. pic.twitter.com/HdvIrzInaJ

— Weather Monitor (@WeatherMonitors) July 11, 2026

Силниот ветер урна повеќе од 1.300 дрвја

Кинеската државна телевизија Си-Си-Ти-Ви објави дека во Јуечинг биле урнати повеќе од 1.300 дрвја, од кои над 700 биле целосно искорнати.

Поплавите на одредени места достигнале до половина од висината на автомобилските гуми, а спасувачките екипи користеле багери и моторни пили за расчистување на улиците покриени со вода и паднати дрвја.

Властите предупредуваат на нови врнежи

И покрај слабеењето на бурата, метеоролошките служби предупредија дека остатоците од системот можат да донесат нови обилни врнежи и дополнителни проблеми во повеќе делови на источна и северна Кина.

Властите продолжуваат со следење на состојбата и со активности за расчистување на погодените подрачја.