Францускиот претседател Емануел Макрон прогласи каратин од петок што ќе трае најмалку до 1 декември.

„Бранот се рашири низ цела Европа, несомнено ќе биде посилен и поубиствен од првиот“

„Вирусот циркулира со брзина што не ја предвидуваат ниту најпесимистичките прогнози“, рече Макрон на почетокот на своето обраќање. Тој рече дека сите француски региони се во црвено.

„Бранот ја зафаќа цела Европа. Дали сторивме сè како што треба? Не. Но, направивме се што можеме. Нашата стратегија, со оглед на информациите што ги имавме, беше вистинската“.

Тој рече дека Франција е преплавена од втор бран „кој несомнено ќе биде помоќен и поубиствен од првиот“. Изрази увереност дека 9000 пациенти ќе бидат на интензивна нега до средината на ноември, што би значело дека капацитетите ќе бидат речиси полни.

„Вирусот ги погодува сите генерации“, рече Макрон, нагласувајќи дека задачата е да се заштитат оние кои обезбедуваат грижа за болните.

„Треба да ја заштитиме економијата“, рече Макрон, додавајќи дека рамнотежата е важна, меѓутоа, ништо не е поважно од човечките животи.

„Франција никогаш нема да усвои стратегија на колективен имунитет. Оваа опција ќе доведе до скоро 400.000 дополнителни смртни случаи”, рече францускиот претседател.

Карантин од петок, на луѓето ќе им биде дозволено да го напуштат домот само од оправдани причини

Макрон прогласи карантин, почнувајќи од петок. Според новите мерки, на луѓето ќе им биде дозволено да ја напуштаат куќата само заради неопходни обврски, работа или од здравствени причини. Во секој од овие случаи, луѓето ќе мора да пополнат образец за да го оправдаат напуштањето.

Карантинот вклучува и забрана за собирање.

Училиштата ќе останат отворени, како и градинките.

Макрон објасни дека карантинот ќе трае најмалку до 1 декември. Тој се надева на вакцина во текот на летото, повикувајќи се на проценки на научници.

„Имам доверба во нас. Ќе се издигнеме уште еднаш и ќе бидеме обединети. Да живее Република и да живее Франција”, го заврши Макрон своето телевизиско обраќање во живо.

Најавата на Макрон за карантин доаѓа по рекордните бројки на заразени во земјата.

Изгласана е новата Влада на Република Србија. „За“ гласаа 227 пратеници во Собранието на Србија, додека петмина беа „против“. Немаше воздржани, јавува „Б92“.

Утрово, мандатарот за состав на новата влада, Ана Брнабиќ, ги претстави членовите на кабинетот, а како што најави претседателот на републичкиот парламент, Ивица Дачиќ, гласањето се одржа околу 20 часот.

Предлогот за состав на новата влада пристигна во Собранието на Србија во вторникот, а потоа имаше повеќе сомнежи во јавноста, како на пример прашањето кој ќе биде новиот министер за образование и кој ќе биде министер за здравство.

Во последните 24 часа во Црна Гора се регистрирани 301 новозаболен од коронавирус и седум смртни случаи.

Тестирани се 793 лица. Епидемиологот од Институтот за јавно здравје др. Милко Јоксимовиќ претходно денес изјави дека поради недостаток на материјал, 2.500 примероци чекаат на тестирање.

Најмногу заразени има во Подгорица – 162.

Од почетокот на јуни, 273 лица починале од последиците на коронавирусот, а од почетокот на годината 282 пациенти.

Во последните 24 часа оздравеле 234 пациенти.

Во моментов, активни се 3.625 случаи на коронавирус, а од март се регистрирани вкупно 17.392 заболени лица, пренесува Танјуг.