Свет
Рoхани: Иран збогатува ураниум во поголемo количество отколку пред нуклеарниот договор
Иран во моментов збогатува ураниум во поголемo количество отколку пред склучувањето на нуклеарниот договор во 2015 година, изјави иранскиот претседател Хасан Рoхани.
„Денес секој ден збогатуваме повеќе ураниум отколку пред склучувањето на нуклеарниот договор“, рече Рoхани за новинската агенција ИЛНА.
Тој смета дека Техеран донел правилна одлука кога решил да го избегне напуштањето на Заедничкиот сеопфатен план за акција.
„Ако Иран се повлечеше од договорот, санкциите на ОН против нас ќе беа вратени. Тоа ќе му одеше во прилог на американскиот претседател Доналд Трамп“, рече Рохани.
Иднината на договорот за иранската нуклеарна програма беше доведена во прашање по едностраното повлекување на САД на 8 мај 2018 година и воведувањето на американските санкции за Техеран за извозот на нафта.
Иран тврди дека сите други учесници во нуклеарната спогодба, пред сè и најзначајно Европејците, не исполниле некои од нивните економски обврски, па договорот во сегашната форма нема смисла. Затоа Иран почна постепено да ја суспендира усогласеноста со своите обврски според договорот во врска со збогатувањето на ураниумот и истражувачки активности.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Цел на напади била и иранската државна телевизија
Иранската државна телевизија соопшти дека била цел на напади откако серија моќни експлозии го потресоа Техеран, иако не била прекината.
„Техничкиот тим ја проценува штетата“, соопшти радиодифузерот, кој исто така беше цел на напади за време на 12-дневната војна меѓу САД и Израел против Иран во јуни.
Свет
Во напад врз женско училиште во Иран убиени се 165 ученички
Сто шеесет и пет ученички се убиени во женско училиште во Минаб, Иран, објавија иранските државни медиуми.
Иран вели дека училиштето било погодено во израелски напад. Израел негира дека извршил напади во областа.
Иранските медиуми велат дека 96 лица биле ранети во нападот.
Свет
Трамп се согласил да разговара со новите ирански лидери
Американскиот претседател вели дека новото раководство на земјата сака да разговара со неговата администрација и дека тој планира да го стори тоа.
„Тие сакаат да разговараат и јас се согласив да разговарам, па затоа ќе разговарам со нив“, беше цитиран од списанието „Атлантик“.
„Требаше да го направат тоа порано. Требаше да го дадат она што беше многу практично и лесно да се направи порано. Чекаа предолго“, додаде Трамп.
Тој не коментираше кога ќе се одржат разговорите.

