Контакт

Свет

САД планираат кривично да ја гонат сопругата на Николас Мадуро за трговија со дрога

Објавено пред

Вашингтон, наводно, се подготвува да ја обвини сопругата на венецуелскиот претседател Николас Мадуро во наредните неколку месеци барајќи нејзино гонење за кривични дела, како што се трговија со дрога и корупција, пренесува „Ројтерс“.

Обвиненијата против Цилија Флорес, според четири извори наведени од агенцијата, се верува дека делумно се засноваат на нејзините врски со двајцата внуци, уапсени во 2015 година по спречена трговија со кокаин. Според извештајот, Флорес помогнала во одгледувањето на внуците и одржувала блиска врска со нив.

Ефреин Кампо и Франки Флорес, кои во моментот се во затвор на Флорида, беа уапсени во ноември 2015 година на Хаитите од страна на американската Агенција за борба против дрогата (ДЕА) под обвинение дека планирале да продадат кокаин во вредност од 20 милиони долари во САД. По изјаснувањето за невини, во 2017 година и двајцата беа осудени на 18 години затвор.

Истражителите наводно располагаат со текстуални пораки помеѓу двајцата осудени внуци и Цилија Флорес, во кои, наводно, разговараат за пратка кокаин. „Ројтерс“ признава дека не го видел текстот на наводните пораки.

Претходно, во интервјуата за „Ројтерс“ сега затворенит поранешен телохранител на Флорес, Јазенки Ламас, рече дека таа е свесна за активностите поврзани со дрогата на членовите на нејзиното семејство.

Екстрадиран во САД поради обвиненија за дрога во 2017 година, Ламас се спогоди со американските обвинители признавајќи ги обвиненијата за трговија со дрога по што стана сведок соработник, покажува доверливиот документ на Министерството за правда, цитиран од „Ројтерс“.

Министерот за информации на Венецуела, Хорхе Родригез, жестоко ја критикува статијата за можна кривична пријава против Флорес како одвратна, клеветничка и навредлива.

Портпаролката на Министерството за правда на САД, Никол Навас, одби да даде какви било официјални коментари за статијата, а Цилија Флорес и нејзината канцеларија во националното собрание исто така не понудија коментар.

Кон крајот на март Вашингтон понуди серија награди за информации за петмина високи функционери во владата на Мадуро вклучувајќи 15 милиони долари за Мадуро, поврзани со наводните обвиненија за трговија со дрога.

Според наводите на американските официјални претставници, Мадуро бил лидер на групата за трговија со кокаин наречена „Картел на сонцата“, во која учествувале високи политичари и припадници на венецуелската војска и судството, кои сакале да ги преплават САД со кокаин, притоа зацврстувајќи ја неговата позиција, но и богатството. Доказите против Мадуро наводно биле собирани неколку години од страна на истражителите во Мајами, Њујорк, Хјустон и Вашингтон.

Мадуро жестоко ги отфрли обвиненијата против него и неговите колеги нарекувајќи ги политички мотивирана измислица на администрацијата на американскиот претседател Доналд Трамп.

„Доналд Трамп, ти си мизерно човечко суштество… Управуваш со меѓународните односи како њујоршки мафијашки изнудувач што некогаш бил во сферата на недвижностите“, рече Мадуро во телевизиското обраќање.

И обвиненијата во март и извештајот за можни кривични пријави против Цилија Флорес доаѓаат во екот на новата кампања на притисок врз Николас Мадуро, кој заедно со својот внатрешен круг беше санкциониран од 2017 година од Министерството за финансии на САД.

Венецуела е во политичка криза од 2019 година кога лидерот на опозицијата, поддржан од САД, Хуан Гваидо, се прогласи за привремен претседател со поддршка од повеќето од западните земји, кои го прогласија реизборот на Николас Мадуро во 2018 година за измама.

Европа

Во Словачка уапсени деветмина екстремисти, меѓу нив и познат пејач

Објавено пред

Словачката криминалистичка академија (НАКА) спроведе рации низ Словачка и уапси девет лица поврзани со екстремни злосторства, а меѓу нив е и познатиот словачки пејач и актер Растислав Р, соопшти денеска полицијата.

Пребарувањата спроведени низ цела Словачка се дел од операцијата наречена „Кловнови“, пренесуваат тамошните медиуми.

Како што се наведува, Растислав Р. одамна е познат како член на десничарските групи Краток процес и Еврејско убиство.

Меѓу уапсените е и Марек В., тапанар и менаџер на популарниот словачки бенд Horkize Slize.

Според локалните медиуми, двете групи се познати како обожаватели на нацистите и Адолф Хитлер.

Прикажи повеќе...

Европа

Анкета во Италија: Третина од мајките би ја напуштиле работата ако децата имаат онлајн настава

Објавено пред

Доколку во новата учебна година училишната настава се одвива онлајн, една третина од италијанските мајки се подготвени да ги напуштат работните места, а дури 65 проценти изјавиле дека часовите преку интернет не се компатибилни со вработеноста на жените.

Ова се податоците од истражување спроведено од професорката на Универзитетот Бикока од Милано, Џулија Пастори, кое опфатило седум илјади семејства.

Според истражувачите, податоците покажуваат дека повеќето италијански семејства се традиционални односно оти веруваат дека работата на жена/мајка е да се грижи за децата, а дури 95 проценти од испитаниците рекле дека за време на пандемијата и на наставата преку интернет, токму мајките ја вршеле својата работа од дома за да им помагаат на децата и да бидат покрај нив, пренесува „Танјуг“.

За време на карантинот, мајките им посветувале просечно по четири часа дневно на своите деца, практично паралелно работејќи две работи, својата и онаа на воспитувач, вели авторката на истражувањето.

„Грда, неефикасна, демотивирачка, неподнослива“, со овие атрибути, интервјуираните мајки ја опишале наставата преку интернет наменета за нивните деца.

Некои анкетирани мајки рекле дека работењето од дома и онлајн наставата ја бришат границата меѓу приватното и професионалното и дека не постои работно време, а некои навеле дека имаат проблем да го сочуваат целото семејство заедно, но сите апелираат дека наставата преку интернет не може да биде единственото решение, посочува авторката Пастори.

Родителите, особено мајките, се исто така загрижени за тоа како ќе се одвива следната учебна година, дали ќе биде можно да се почитува растојанието во училиштата и да се применат неопходните мерки за хигиена, но и дали училишните простории се на соодветно ниво.

Прикажи повеќе...

Регион

Во Унгарија нормален почеток на учебната година: „Не може училниците да останат празни“

Објавено пред

Новата учебна година во Унгарија ќе започне на вообичаен начин, а училиштата ќе се отворат на 1 септември, соопшти денеска унгарското Министерство за човечки ресурси.

Според унгарските власти, епидемијата на коронавирус не е оправдување за дигиталното образование да ги замени училниците.

Во соопштението од ресорното министерство се наведува дека ќе бидат воведени нови мерки доколку владата и релевантните органи сметаат дека е потребно.

До училиштата ќе биде испратен протокол за превенција од коронавирус, а родителите не треба да испраќаат на училиште деца со симптоми на Ковид-19.

Според уредбата на владата што ќе биде објавена наскоро, новата учебна година во Унгарија започнува на 1 септември и завршува на 15 јуни 2021 година.

Прикажи повеќе...

Најново

Македонија10 часа

Комисијата за заразни болести предлага наставата да се одвива онлајн, освен во првите одделенија

Ставот на комисијата за заразни болести е наставата да почне да се одвива онлајн, освен во првите одделенија во коишто...

Европа10 часа

СЗО сака дополнително да ја проверува ефикасноста на руската вакцина против Ковид-19

Светската здравствена организација (СЗО) и руските власти разговараат за процес на евентуално тестирање на безбедноста и ефикасноста за нова вакцина...

Македонија10 часа

(Видео) Костадинов: Заев е мандатар, преговараме за Влада со полн четиригодишен мандат

Во тек се разговорите и консултациите за парламентарно мнозинство и владина коалиција за четиригодишен стабилен мандат, изјави портпаролот на СДСМ...

Македонија10 часа

Филипче: Ќе разговараме за воведување ПЦР-тест за патниците што транзитираат од соседството

Ниту еден од патниците што бил тука во нашата земја со престој како двојно државјанство, финско и македонско, не е...

Македонија12 часа

Нови 141 заболен и еден починат од Ковид-19 во земјата

Министерството за здравство информира дека во последните 24 часа се направени 1.885 тестирања, а регистрирани се 141 нов случај на...

Македонија12 часа

Мицкоски: Ахмети ми рече дека ќе преговара со СДСМ

Лидерот на ВМРО-ДПМНЕ, Христијан Мицкоски, една недела по средбата со Али Ахмети, изјави дека тие воопшто не ни преговорaле за...

Македонија13 часа

Лукаревска веќе не е директорка на УЈП, ќе биде пратеник

По верификувањето на мандатот за пратеник, Сања Лукаревска ја напушти функцијата директор на Упрвата за јавни приходи, а на нејзино...

Македонија14 часа

Ниту еден патник од авионот за Финска го нема во македонската база на позитивни случаи на Ковид-19

Министерството за здравство информира дека веќе се извршени проверки за сите патници од авионот за Финска, кои, според финските власти,...

Свет15 часа

Русија ја регистрира првата вакцина против Ковид-19; Путин: Вакцината ја прими и мојата ќерка

Претседателот на Русија, Владимир Путин, тврди дека Русите ја регистрирале првата светска вакцина против короната. Според руската новинска агенција ТАСС,...

Македонија15 часа

Повеќето патници со коронавирус што слетале во Финска биле иселеници со косовски пасоши

Во однос на информациите за летот од Скопје до Турку, Финска, каде што според финските власти од авион со 157...

Топ15 часа

Се удави рибар во водите на Вардар

Педесет и шестгодишен маж од гевгелиското село Миравци се удави во реката Вардар. Несреќата се случила вчера во 15.40 часот...

Свет17 часа

Над 250.000 новозаболени од Ковид-19 во светот

Бројот на потврдени случаи на коронавирус во светот надмина 20 милиони, а само во последните 24 часа пријавени се повеќе...

Свет17 часа

(Видео) Експлозија разнесе три куќи во САД – плач на заробени деца се слуша под урнатините

Експлозија раснесе три куќи во САД, а неколку лица се заробени под урнатините, меѓу кои има и деца, соопштија пожарникарите...

Свет17 часа

Русија подготвена да ја лансира првата вакцина против коронавирусот

Русија е подготвена да ја лансира првата вакцина против коронавирус, пишува Ентертејмент Тајмс. Рускиот кандидат за вакцината е вирусна векторска...

Свет18 часа

(Видео) Пукање во близина на Белата куќа – Трамп веднаш е евакуиран

Членовите на тајната служба ја прекинале конференцијата на американскиот претседател Доналд Трамп и го извадиле од просторијата за брифинг. На...

Свет18 часа

(Видео) Хаос во Белорусија – одекнуваа експлозии во Минск, едно лице загина

Во Минск синоќа повторно се одржаа протести против претседателот на Белорусија, Александар Лукашенко. Експлозии одекнуваа во центарот на градот, запален...

Европа18 часа

Финска воведува задолжителни тестови и карантин по слетувањето на авион со 24 позитивни патници од Скопје

Финска ќе воведе задолжителни тестови за коронавирус и карантин за патниците од одредени високоризични земји, откако 24 од 157 патници...

Свет1 ден

Германија размислува за задолжително носење маски во училниците

Претседателот на Здружението на германски наставници, Хајнц Питер Мејдингер побара носењето маски да биде задолжително во училниците како заштита од...

Свет1 ден

Катастрофа во Индискиот океан: од брод кој заринка истекоа 1.000 тони нафта

На бродот кој на 25 јули заринка во корален гребен во Индискиот океан кај Маурициус се појавиле пукнатини, кои претставуваат...

Македонија1 ден

Нема договор меѓу Заев и Ахмети

Лидерот на СДСМ, Зоран Заев и лидерот на ДУИ, Али Ахмети не постигнаа договор за коалиција во новата Влада ниту...

Досие