Свет
Само 0,01 процент од Израелците се заразиле откако ја примиле вакцината на „Фајзер“

Прелиминарните резултати споделени од израелски ХМО Макаби покажуваат дека само 20 лица од 128.000 кои ги примиле обете дози на вакцината на „Фајзер“ биле заразени со коронавирус, пишува „Ројтерс“.
Помалку од 0,01 процент од Израелците кои ја примиле вакцината на „Фајзер“ против коронавирус се заразиле по повеќе од една недела откако ја примиле втората доза, пишува „Ројтерс“.
Израел во моментов е меѓу светските лидери кога станува збор за вакцинација против коронавирус. Граѓаните почнале да ги примаат првите дози на 19 декември.
Од 20 заразени лица, 50 проценти страдаат од хронични заболувања. Сите пациенти имале лесни симптоми, вклучувајќи главоболка, кашлица, слабост или замор. Никој не беше хоспитализиран ниту имаше температура над 38,5 степени. Повеќето пациенти беа тестирани на коронавирус поради контакт со некој кој веќе е позитивен на вирусот, се вели во официјалното соопштение за печатот.
Повеќе од 2,6 милиони Израелци примија една доза, а околу 1,2 милиони ги примија двете дози. Израел има нешто повеќе од 9 милиони жители.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Коронавирус со непознато потекло го затвора најголемиот град во Нов Зеланд

Премиерката на Нов Зеланд, Џасинда Ардерн, објави дека најголемиот град во земјата, Окленд, ќе биде затворен една недела поради појава на коронавирус од непознато потекло.
Окленд ќе биде во карантин од недела, откако во градот беше регистриран случај на коронавирус од непознато потекло.
Во остатокот од Нов Зеланд ќе биде на сила вториот степен на ограничувања, што, меѓу другото, значи и забрана за собирање, рече Ардерн.
Во средината на февруари, скоро два милиони жители на Окленд беа ставени во ненадејна тридневна блокада откако кај тричлено семејство беше регистриран британскиот вид на Ковид-19.
Свет
„Модерна“ почнува со тестирање на вакцини против јужноафриканскиот вид на коронавирус

Во САД следниот месец ќе почнат испитувања на вакцина развиена од лабораторијата „Модерна“ против јужноафриканската варијанта на коронавирус.
Како што најави водечкиот епидемиолог во САД, Ентони Фаучи, испитувањата од првата фаза ќе почнат наскоро, а засега нема да се проучува ефикасноста, туку само безбедноста и имуногеноста на производот.
Тоа значи дека на тест ќе биде ставена способноста на вакцината да предизвика имунолошка реакција.
Првата фаза ќе се спроведе на мал број луѓе.
Свет
(Видео) Масовно бегство на 400 затвореници на Хаити, има загинати

Повеќе од 400 осуденици избегаа од затворот на Хаити, недалеку од главниот град Порт-о-Пренс.
Во извештајот на локалните власти се наведува дека 25 лица загинале за време на масовното бегство од затворот Круа ле Буке.
Меѓу нив се и директорот на таа институција и случајни минувачи кои биле во центарот на инцидентот, пренесува Би-би-си.
Меѓу загинатите е и моќниот шеф на подземјето, Арнел Жозеф, кој настрада кога се појави на мотор на контролен пункт неколку часа по бегството.
- Книги2 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Црна хроника3 месеци
Млада девојка од Штип пронајдена мртва во нејзиниот дом
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Свет4 недели
Поради примање мито во Кина погубен поранешен државен функционер