Дваесет и петгодишен Загребчанец бил фатен со украдени респиратори од Шведска кои сакал да ги препродава, објави „Индекс.хр“.

Момчето е осомничено дека во периодот од 8 март до 2 април 2021 година преку компанија од Косово за компанија со седиште во Загреб, во која тој е директор, набавило 24 медицински респиратори од Шведска во вкупна вредност од 350.000 евра.

„За време на кривичната истрага преку меѓународна соработка, беше потврдено дека респираторите биле украдени во Шведска, односно кражбата била пријавена на 15 февруари 2021 година за време на нивниот транспорт низ Шведска“, соопшти полицијата.

Се сомнева дека тој ја набавил медицинската опрема со намера да ја препродава во трети земји иако знаел или морал да знае дека респираторите се добиени со кривично дело.

Францускиот претседател, Емануел Макрон, ги обвини Велика Британија и САД за блокирање на извозот на вакцини против коронавирус, пишува британскиот весник „Телеграф“.

Макрон вели дека е подготвен да го разгледа повикот на американскиот претседател, Џо Бајден, производителите на вакцини за коронавирус да се одречат од патентните права, но истакна дека во глобалната борба против коронавирусот многу е поважно Вашингтон да ја укине забраната за извоз на вакцини.

„Денес, Англосаксонците блокираат многу состојки и вакцини, а 100 проценти од дозите произведени во САД се наменети за нивниот пазар“, нагласи Макрон, истакнувајќи дека ЕУ се бори вакцините да бидат јавно добро.

Во судир меѓу израелската полиција и група Палестинци што се случи синоќа во Ерусалим, повредени се 205 Палестинци и 17 полицајци.

Судирот започна во џамијата Ал Акса кога Палестинците со камења ја нападнаа израелската полиција, која одговори со гумени куршуми, водени топови и солзавец.

Судирите во близина на џамијата Ал Акса се последица на неколкудневните тензии во источен Ерусалим во областа Шеик Џара, каде живеат многу палестински семејства, кои се плашат од протерување.

Видеа од местото на настанот покажуваат дека верниците фрлале столици, камења и други предмети кон полицијата, која за време на интервенцијата упаднала во џамијата.

Heavy clashes tonight between Israeli border police and Palestinians on the grounds of al-Aqsa Mosque. pic.twitter.com/dE9Mk2HumU

— Joe Truzman (@Jtruzmah) May 7, 2021

Израелската полиција соопшти дека била принудена да употреби сила со цел да воспостави јавен ред и мир кој бил нарушен од бунтот на илјадници верници, објави Би-Би-Си.

The clashes at The Temple Mount have moved to the Damascus Gate, #Jerusalem. pic.twitter.com/1wTWlvTDQG

— Aurora Intel (@AuroraIntel) May 7, 2021

Претставници на џамијата преку звучници повикаа на смирување на ситуацијата, барајќи полицијата веднаш да престане да пука со гумени куршуми и солзавец кон верниците, а младите Палестинци да се смират и да престанат да протестираат, јави „Ројтерс“.