Свет
Светот се движи кон климатска катастрофа, рече првиот човек на Обединетите нации
Генералниот секретар на Обединетите нации, Антонио Гутереш, предупреди дека светот се движи кон климатска катастрофа, додавајќи дека лидерите на богатите земји од Г-20 мора да направат повеќе во многу области за да им помогнат на посиромашните земји.
Говорејќи пред самитот на лидерите на Г-20 што ќе се одржи викендов во Рим, Гутереш им рече на новинарите дека постои опасно ниво на недоверба меѓу големите сили. Тој изрази надеж дека претстојниот дводневен состанок ќе помогне да се надмине тоа. Гутереш конкретно ја повика Г20 да насочи повеќе пари за сиромашните нации, вклучително и преку простување долгови и да им помогне полесно да пристапат до вакцината против коронавирус. Тој е уверен дека економското закрепнување по пандемијата дополнително ги влошува нееднаквостите.
„Тоа е неморално“, истакна тој. Гутереш исто така, ја повика Г20 да ја исполни својата претходна заложба да насочува 100 милијарди долари годишно за да им помогне на земјите во развој да се справат со растечките проблеми поврзани со климатските промени.
Многу од лидерите кои доаѓаат на самитот на Г-20 во Рим, вклучително и американскиот претседател Џо Бајден, веднаш по Рим ќе отпатуваат во Шкотска на климатскиот самит на ОН COP26, кој се смета за клучен за борба против заканата од пораст на температурите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

