Канцеларијата на израелскиот премиер Бенјамин Нетанјаху изјави дека прогласувањето глад од Обединетите нации во делови од Појасот Газа е „целосна лага“ и „модерна крвна клевета“. Крвната клевета е антисемитски мит дека Евреите ја користат крвта на децата за верски цели.

„Израел не води политика на гладување. Израел води политика на спречување на гладување. Единствените кои намерно се изгладнуваат во Газа се израелските заложници“, се вели во соопштението на Канцеларијата на премиерот објавено на Икс.

Во соопштението се вели дека извештајот на ОН ги игнорирал хуманитарните напори на Израел и не го споменал падот на цените на маслото, шеќерот, солта, брашното, квасецот и друго во Газа, што Канцеларијата на Нетанјаху го припишува на влегувањето на хуманитарната помош во Појасот Газа. Изворот на податоците за цените е нејасен.

Today, prices have plunged because of Israel’s surge in humanitarian aid in Gaza.

The report says nothing about the collapse in prices. pic.twitter.com/5HoIF39OML

— Prime Minister of Israel (@IsraeliPM) August 22, 2025

Повикувајќи се на податоци од координаторот за владини активности на териториите при Министерството за одбрана, Канцеларијата на премиерот наведува дека Израел дозволил милиони тони помош да влезат во Газа откако започна војната со нападот на Хамас на 7 октомври 2023 година.

Во соопштението се споменува и дека контроверзната хуманитарна фондација за Газа, која е поддржана од САД и Израел, како и невладини организации кои работат со израелска поддршка, им послужиле милиони топли оброци на жителите на Газа.

Од друга страна, канцеларијата на Нетанјаху се повикува на податоци од ОН дека во јули „од собраните 1.012 камиони со помош, само 10 стигнале до магацинот; останатите биле ограбени пред дистрибуцијата“.

Канцеларијата, исто така, ги обвинува ОН дека одбиваат да достават „стотици палети со храна“ од преминот Керем Шалом.

Во соопштението се признава дека имало „привремен недостиг“ на помош во Газа „кој Израел го надминал со воздушни испораки, поморски пратки, безбедни транспортни патишта и дистрибутивни точки на Фондацијата управувани од американски компании“.

Според соопштението, недостигот е предизвикан од „систематска кражба од страна на Хамас“.

Во соопштението не се споменува единаесетнеделната блокада на помошта што ја наметна Израел во Појасот Газа по пропаѓањето на најновиот договор за прекин на огнот и размена на заложници на 2 март.

ОН официјално прогласи глад во Газа
ОН денес прогласи глад во Појасот Газа, велејќи дека „можел да се избегне“ доколку не била „систематската израелска опструкција“.

фото: принтскрин

Американскиот претседател Доналд Трамп изрази гнев поради неодамнешните украински напади што го онеспособија рускиот нафтовод „Дружба“, кој е клучен за снабдување на Унгарија и Словачка, две членки на НАТО, објави „Њузвик“. Додека Киев и европските сојузници се обидуваат да ја одржат поддршката на Трамп и да го присилат да заземе поцврст став кон Русија, Москва исто така му дава понуди, надевајќи се на поблиски и попрофитабилни врски со Соединетите Американски Држави.

Постојаните напади од двете страни го фрустрираа Трамп, кој се нарекува себеси миротворец и се обидува да стави крај на војната што одзеде стотици илјади животи и уништи голем дел од Украина откако започна руската инвазија во февруари 2022 година.

Унгарскиот премиер Виктор Орбан сподели рачно напишана порака од својот политички сојузник Трамп во приватна Фејсбук група, објави унгарскиот весник „Маџар Немзет“. За разлика од повеќето сојузници на ЕУ и НАТО, Унгарија се обидува да остане неутрална во војната и да ги одржува односите со Москва, и се спротивставува на влезот на Украина во Европската Унија.

Во писмото, Орбан му се пожалил на Трамп за нападите врз Дружба и нивното влијание врз енергетската безбедност на Унгарија. Украина изјави дека гасоводот ги снабдува и руските инвазиски сили, што ја прави легитимна воена цел.

„Виктор – не ми се допаѓа ова“, напиша Трамп во пораката. „Многу сум лут поради ова. Кажи ѝ на Словачка. Ти си мој голем пријател.“

Пораката, на социјалната мрежа Икс, ја сподели Андраш Ласло, унгарски европратеник од партијата Фидес на Орбан, кој нагласи дека нападот ја поткопува енергетската безбедност на две членки на ЕУ и НАТО.

Donald Trump condemned Ukraine’s recent attack on the Druzhba oil pipeline, which undermines the energy security of two EU and NATO member states, Hungary and Slovakia.

For historical and geographical reasons, our countries have no alternative means of importing oil other than… pic.twitter.com/qkfebGA0IU

— András LÁSZLÓ MEP 🇭🇺 (@laszloan) August 22, 2025

Во изјавата на која Трамп одговори, Орбан истакна дека украинските напади се случија само неколку дена пред историската средба во Алјаска меѓу Трамп и рускиот претседател Владимир Путин. Вчера, Украина повторно ја нападна „Дружба“.

„Овој гасовод ги снабдува Унгарија и Словачка, две земји кои немаат друг начин да увезуваат сурова нафта“, рече Орбан. „Унгарија ја поддржува Украина со електрична енергија и бензин, а за возврат го бомбардираат гасоводот што нè снабдува. Многу непријателски потег! Му посакуваме на претседателот Трамп успех во неговата потрага по мир.“

Одговарајќи на претходните поплаки од унгарската влада, украинскиот министер за надворешни работи Андриј Сибиха објави на Икс дека Русија, а не Украина, ја започнала оваа војна и одбива да ја заврши.

Peter, it is Russia, not Ukraine, who began this war and refuses to end it. Hungary has been told for years that Moscow is an unreliable partner. Despite this, Hungary has made every effort to maintain its reliance on Russia. Even after the full-scale war began. You can now send… https://t.co/yvMq8slTG0

— Andrii Sybiha 🇺🇦 (@andrii_sybiha) August 18, 2025

„Со години на Унгарија ѝ се кажува дека Москва е несигурен партнер“, додаде Сибиха. „И покрај ова, Унгарија вложи максимални напори да ја одржи својата зависност од Русија. Дури и откако започна војната. Сега можете да ги испраќате вашите поплаки – и закани – до вашите пријатели во Москва.“

фото: принтскрин

САД ги прегледуваат сите носители на американски визи за да утврдат дали ги прекршиле условите за влез или престој во земјата, јавуваат американските медиуми. Портпарол на Стејт департментот изјави за Асошиејтед Прес дека повеќе од 55 милиони луѓе со американски визи ќе бидат предмет на „континуиран преглед“.

Визите ќе бидат поништени, а оние во САД ќе се соочат со депортација доколку има докази за „пречекорување на дозволениот престој, криминална активност, закани за јавната безбедност, учество во каква било форма на терористичка активност или давање поддршка на терористичка организација“, рече функционерот.

Претседателот Доналд Трамп ја направи борбата против имиграцијата централен дел од својата втора администрација, од масовни депортации и целосни забрани за патување во некои земји до одземање на 6.000 студентски визи.

Идните студенти и посетителите на САД ќе бидат проверувани на социјалните медиуми, а службениците ќе бараат „какви било индикации за непријателство кон луѓето, културата, владата, институциите или фундаменталните принципи на Соединетите Американски Држави“.

Службениците на Стејт департментот добија инструкции да ги забележат лицата „кои се залагаат за, помагаат или поддржуваат странски терористи и други закани за националната безбедност или оние кои се вклучуваат во антисемитско вознемирување или насилство“.

Најновото соопштение доаѓа откако државниот секретар Марко Рубио изјави дека САД „веднаш“ ќе ги суспендираат работните визи за возачите на камиони.

Effective immediately we are pausing all issuance of worker visas for commercial truck drivers.

The increasing number of foreign drivers operating large tractor-trailer trucks on U.S. roads is endangering American lives and undercutting the livelihoods of American truckers.

— Secretary Marco Rubio (@SecRubio) August 21, 2025

„Сè повеќе странски возачи на големи камиони со приколки на американските патишта ги загрозуваат американските животи и ја поткопуваат егзистенцијата на американските возачи на камиони“, објави Рубио вчера на Икс.

фото: принтскрин