Американската влада одлучи да поднесе жалба на одлуката на федералниот суд за суспендирање на наредбата на администрацијата на Трамп со која се забранува трансродовите лица да служат во војска, изјави вчера министерот за одбрана Пит Хегсет.

Пред три дена, федералниот суд го блокираше спроведувањето на новата политика на Министерството за одбрана која им забранува на трансродовите лица да служат во американската војска. „Ќе ја обжалиме оваа одлука и ќе победиме“, рече Пит Хегсет на социјалните мрежи X. Окружниот судија Ана Рејес го одобри барањето за прелиминарна забрана што ја бараат трансродовите воени лица и оние кои се во процес на подготовка.

We are appealing this decision, and we will win. pic.twitter.com/hC7K0vtCUI

— Secretary of Defense Pete Hegseth (@SecDef) March 19, 2025

Нејзината наредба, која стапува на сила денеска, привремено го блокира секретарот за одбрана Пит Хегсет и воените служби да ја спроведат извршната наредба на претседателот Трамп со која директно се критикуваат трансродовите војници, велејќи дека мажот кој се идентификува како жена не е во согласност со понизноста и несебичноста што се бара од војникот. При донесувањето на својата одлука, судот се повика на Декларацијата за независност на САД, во која се наведува дека сите човечки суштества се создадени еднакви.

Откако се врати во Белата куќа, Доналд Трамп на 27 јануари потпиша извршна наредба со која се исклучуваат трансродовите лица од вооружените сили. „Изразувањето лажен родов идентитет кој се разликува од полот на поединецот не може да ги исполни ригорозните стандарди потребни за воена служба“, се вели во меморандумот.